Búnaðarrit - 01.01.1979, Page 126
120
BÚNAÐARRIT
þetta sýna og sanna skýrslurnar. Alsystur nytháu kúnna hjá kunn-
áttubændunum standa í fjósum grannanna, en mjólka þar
20—30% minna en hinar, aðeins vegna vanfóðrunar, vannýtingar á
meðfæddri hæfni til þess að breyta réttu fóðri í viðeigandi afurðir.
Stofnfé það, er í bústofninum felst, getur þannig skilað mun meiri
arði en nú gerist. Hins vegar virðast opinberar ráðstafanir nú miða
að því, að láta þessi arðsemisatriði ónotuð og stefna til hátta, sem
skapa rýrnandi arðsemi bústofnsins.
Um störf forðagæzlumanna yfirleitt skal sagt, að frammistaða
þeirra er misjöfn, einkum að því leyti er snertir skýrslufærslu.
Helztu annmarkarnir eru, að ýmsir láta ógert að kanna
heildaryfirlit sveitarfélagsins, einkum þar sem forðamálin eru í
miður góðu lagi eða lakleg.
Peir eru til, sem enga viðleitni sýna til að meta forðann til
fóðurgildis, né tilgreina hvaða magn er talið hæfilegt að ætla að
meðaltali í hreppnum handa hverri einingu búfjár. Þeir eru líka til,
sem hvorki meta fóðrið til fóðurgildis né gera sér grein fyrir hlut-
fallinu milli forða og eiginlegra þarfa. Þetta er ekki alvarlegt mál
þegar nóg fóður er til, en það greiðir ekki fyrir könnunum hjá
einstaklingum, sem leita til Bjargráðasjóðs um efnalega aðstoð til
að framfleyta bústofninum. Vanrækslan virðist einkenna vissar
sveitir og ekki háð því hverjir eru forðagæzlumenn.
Svo getur virzt, sem því sé of lítill gaumur gefinn, hvaða verðmæti
raunverulega eru fólgin í heimafengnum forða og gæðum hans.
Magn hraðþurrkaðs fóðurs varð meira en nokkru sinni fyrr eða
um 11 þúsund tonn og þá að fóðurgildi líklega um 8 milljónir F.E.
Á árinu hef ég haft nokkra meðalgöngu um miðlun á heyi inn-
anlands, bæði til framleiðslu búvöru og svo til eigenda sportshesta.
Ennfremur vegna þess heys, sem út hefur verið flutt. Nokkur vandi
er á höndum í fóðurkaupamálum og flutningum milli héraða og
landshluta, þar koma búfjárkvillarnir við sögu og er bæði eðlilegt
og sjálfsagt að vera þar á verði og beita ítrustu varfærni, til þess að
vernda ósýkt svæði eftir beztu getu.
2. Vistanir útlendinga á íslandi
og íslendinga erlendis
Eins og áður er getið um samstarf okkar Guðmundar Jósafatsson-
ar, hef ég eins og undanfarin 32 ár séð um vistanir útlendinga til
sveitastarfa. Þótt sá hópur sé ekki stór er starfið svifasamt, einkum