Búnaðarrit - 01.01.1979, Page 146
140
BÚNAÐARRIT
Þyrfti því að leita nýrra leiða til fjölþættara atvinnulífs í
sveitum. Hann þakkaði fyrrverandi landbúnaðarráðherra,
Halldóri E. Sigurðssyni, góða samvinnu, og bauð jafnframt
Steingrím Hermannsson velkominn. Hann þakkaði búnað-
armálastjóra, ráðunautum og starfsfólki Búnaðarfélags ís-
lands gott samstarf, bauð hina nýkjörnu fulltrúa á Búnað-
arþingi sérstaklega velkomna, og árnaði félaginu heilla.
Að lokinni ræðu forseta tók til máls Steingrímur Her-
mannsson, landbúnaðarráðherra. Hann kvað samtök bænda
vera áhrifarík, og vildi hann eiga sem mest og bezt samskipti
við þau. Nú hefðu orðið þau þáttaskil, að áður hefði mark-
miðið verið að framleiða sem mest, en nú væri stefnt að því
að draga úr framleiðslu, sem vissulega væri kaldhæðni örlaga
í sveltandi heimi. Hann ræddi samninga bænda og ríkis og
það markmið, að bændur fái laun greidd eins og aðrar stéttir
þjóðfélagsins. Hann ræddi hugmyndir um breytta aðferð við
greiðslu útflutningsbóta, álit sjömannanefndar og fundi
bænda að undanförnu, sem haldnir hefðu verið að frum-
kvæði bændasamtaka og haft mikla þýðingu. Þá ræddi ráð-
herra tillögu til þingsályktunar, sem lögð yrði fram í næsta
mánuði um stefnumörkun í landbúnaði. Hann vék að nýjum
greinum í landbúnaðarframleiðslu, breytingu lausaskulda í
föst lán og nokkrum frumvörpum, sem Alþingi það, er nú
situr, mundi fjalla um. Meðal þeirra væru frumvarp um
forfallaþjónustu, endurskoðun jarðræktarlaga og aðgerðir
gegn umfram framleiðslu. Hann sagði, að breyttar neyzlu-
venjur o. fl., sem bændur ættu ekki sök á, hefðu aukið þann
vanda, sem við væri að glíma. Iðnaður, tengdur landbún-
aðarframleiðslu, væri mjög mikilsverður og nauðsyn að taka
tillit til hans. Hann ræddi um Alþingi og þýðingu þess í
þessum málum og að lokum um hið mikilsverða hlutverk, er
Búnaðarþing gegndi.
Forseti þakkaði ráðherra ávarpið.
Næst flutti Sigríður Thorlacius, formaður Kvenfélaga-
sambands íslands, ávarp. Hún ræddi m. a. hlutverk hús-