Búnaðarrit - 01.01.1979, Page 246
240
BÚNAÐARRIT
Veiðimál, þ. e. veiði lax, silungs og áls, fiskrækt og fiskeldi
eru lögum samkvæmt landbúnaðarmál, og er landbúnaðar-
ráðherra æðsti yfirmaður þessara mála. Virðist því eðlilegt
og sjálfsagt, að fjárveitingar úr ríkissjóði til tilrauna með eldi
laxfiska gangi óskiptar til Tilraunastöðvar ríkisins í vatna-
fiskaeldi í Kollafirði, sem þyrfti að efla fjárhagslega, svo að
hið vel menntaða starfslið, sem vinnur við starfsemina, fái
betri starfsskilyrði og aukið athafnasvið.
Mál nr. 55
Erindi búfjárrœktarnefndar um aðstoð við mjólkur-
framleiðendur.
Málið afgreitt með eftirfarandi ályktun, sem samþykkt var
með 23 samhljóða atkvæðum:
Búnaðarþing skorar á landbúnaðarráðherra að beita sér
fyrir aðstoð við mjólkurframleiðendur vegna hinna gífur-
legu mjólkurvörubirgða, sem til eru í landinu.
Þingið vísar í þessu sambandi til ályktunar sinnar á þskj.
76*, III., tl. 1.
Greinargerð:
Búvörubirgðir eru nú meiri en nokkru sinni fyrr. Verði sett í
lög ákvæði um skipulagsbundinn samdrátt í búvörufram-
leiðslu, er réttmætt að álíta, að birgðir þessar dragist nokkuð
saman. Þó orkar það tvímælis, hvað smjörbirgðir snertir,
bæði sökum þess, að allar aðgerðir til samdráttar í mjólkur-
framleiðslu eru seinvirkar, og einnig vegna þess, að fram-
undan er á næstu mánuðum hámark framleiðslunnar. Náist
ekki fullt verð fyrir það smjör, sem nú er til í birgðum, yrði
það mikið áfall fyrir mjólkurframleiðendur, og tekju-
skerðing sú, er af hlytist, gæti haft óbætanlegar afleiðingar.
* Þingskjal 76 er ályktun Búnaðarþings í málum nr. 7, 32, 37 og 45, svo
sem áður er getið. — Ritstj.