Búnaðarrit - 01.01.1979, Síða 258
252
BÚNAÐARRIT
aðarbankans, sem veitti jarðakaupalánin, en nú var svo
komið, að Veðdeildin átti minna en ekki neitt, gat því ekkert
lánað, og tók því Stofnlánadeild við hlutverki Veðdeildar.
Hámark jarðakaupaláns var nú 2,5 milljónir eða hálfri
milljón hærra en 1977.
í krónutölu hækkuðu lán úr Stofnlánadeild um kr.
158.554.000 á árinu 1978 miðað við 1977. Nemur þessi
hækkun aðeins 6,73%, sem er lítið brot af hækkun verðlags
vegna verðbólgu. Hafa því lán til fjárfestingar í raun stórlega
lækkað frá 1977, sem orsakast fyrst og fremst af því, að
stjórn Stofnlánadeildar breytti lánareglum, vegna þess að
hún hafði takmarkað fé til útlána. Munar mest um, að ekki er
lánað til stækkunar fénaðarhúsa, heldur aðeins til endur-
bygginga gamalla og ónothæfra húsa. Svo mun áhugi bænda
fyrir aukinni fjárfestingu í byggingum og vélum eitthvað
hafa minnkað, vegna hins svokallaðs offramleiðsluvanda-
máls.
Þótt Stofnlánadeildin búi enn við skort á fjármagni til
útlána, þá ber að þakka fyrrverandi landbúnaðarráðherra
fyrir, að hann kom fram á Alþingi breytingu á lögum um
Stofnlánadeild (staðfesc 12. maí 1978), sem tryggir deildinni
sérstakan tekjustofn, sem er 1 % álag á búvöruverð, sem er
ætlað til þess að jafna lánakjör tekinna og veittra lána hjá
Stofnlánadeild og með því er tryggt, að lánakjör þyngjast
minna en ella hefði orðið. Þetta hefur verið baráttumál
bændastéttarinnar um árabil, ekki sízt á Búnaðarþingi, og er
vel að það er nú farsællega til lykta leitt.
Byggðasjóður veitti 65 lán, að fjárhæð samtals kr.
201.721.000, til aðila tengdum landbúnaði. Þau sundurlið-
ast samkvæmt verkefnum þannig: Til vinnslustöðva, þ. e.
sláturhúsa, mjólkurbúa og frystihúsa 22 lán, að fjárhæð kr.
123.800.000, til alifuglabúa 3 lán, að fjárhæð kr. 7.800.000,
til fiskeldistilrauna 1 lán, að fjárhæð kr. 4 milljónir, til rækt-
unarsambanda 7 lán, að fjárhæð kr. 38.400.000, vegna
Inndjúps-, Árneshrepps- og Skeggjastaðahrepps áætlana 29
1