Búnaðarrit - 01.01.1979, Page 267
LANDBÚNAÐURINN
261
með breyttum búnaðarháttum o. fl., en ýmsa greinir á um
leiðir. Margur óskar helzt, að sú leið verði farin, sem kemur
minnst við hans búskap og hag. Slíkt er mannlegt, en ekki
endiIegaskynsamlegt.T.d.viljamargirfugla-ogsvínabændur
vera lausir við kjarnfóðurskatt og bera því við, að
ekki sé offramleiðsla í þeim búgreinum. En þessir menn
mega vita, að fleiri en þeir geta framleitt egg, svínakjöt og
hænsnakjöt á ódýru innfluttu fóðri. Þurfi að krenkja búskap
mjólkurframleiðenda og sauðfjárbænda, grípa áreiðanlega
margir til þess að stunda íugla- eða svínarækt sem auka-
búgrein, a. m. k. ef kjarnfóður verður mjög ódýrt. Er því
nauðsyn fyrir alla bændur að snúa bökum saman og dreifa
erfiðleikum við að leysa vandann á sem flesta.
Helztu kostir frumvarpsins eru, að það er frumvarp um að
setja viss heimildarákvæði inn í Framleiðsluráðslögin, til
þess að kjörnir fulltrúar bænda sjálfra með samþykki land-
búnaðarráðherra hverju sinni, geti stjórnað búvörufram-
Ieiðslunni að settu marki með tiltölulega mildum aðgerðum.
Kjarnfóðurskatturinn margumtalaði er hugsaður til að gefa
tekjur til verðjöfnunar eða annarrar hagræðingar og auk
þess er gert ráð fyrir, að hann valdi því, að minna kjarnfóður
verði notað og af meiri hagsýni hjá sumum en gert hefur
verið. Geti það fyrst leitt til aukinnar hagkvæmni í búrekstri
þeirra, sem notað hafa mjög mikið kjarnfóður miðað við
framleiðslumagn og til viðbótar gæti meiri kjarnfóðursparn-
aður dregið úr framleiðslumagni án þess að rýra nettótekjur.
Augljóst er þó, að slíkur samdráttur yrði ekki mjög mikill
nema kjarnfóðurgjaldið yrði hátt, svo að hver fóðureining í
því yrði mun dýrari en í góðu innlendu fóðri.
Hið stighækkandi framleiðslugjald, ef tekið yrði, gefur fé
til verðjöfnunar á svipaðan hátt og innvigtunargjald hefur
gert, nema það Ieggst með meiri þunga á þá, sem stærri búin
hafa, og þá sem ekki búa á lögbýlum. Finnst mörgum það
réttlætismál og er það a. m. k. að vissu marki, þótt vel stæðir
bændur séu bæði í hópi þeirra, sem framleiða minna en