Búnaðarrit - 01.01.1979, Page 269
LANDBÚNAÐURINN
263
Millj. kr. %
Sjávarafurðir, óunnar og unnar 76.335 74,9
Landhúnaðarafurðir, óunnar 2.569 2,5
Landbúnaðarafurðir, unnar 4.519 4,4
Á1 og álmelmi 14.933 14,7
Kísilgúr og þangmjöl 875 0,9
Iðnaðarvörur án uppruna í
sjávarútvegi eða landbúnaði 800 0,8
Annað (gömul skip, vikur, viðskipti, o. fl.) 1.849 1,8
Samtals 101.880 100,0
Af heildargjaldeyrisöfluninni fyrirútfluttar vörur er 6,9%
frá landbúnaði óunnin og meira eða minna unnin vara. Hið
algjörlega óunna er kr. 2.569 milljónir eða 2,5% af gjald-
eyrisöfluninni. Hvaða atvinnuvegur á að afla þessa gjald-
eyris, ef landbúnaðurinn verður dreginn saman, til þess að
fullnægja aðeins neyzluþörf þjóðarinnar. Ekki sjávarútveg-
urinn, af því að þegar er veitt meira en taliðp^óhætt að beztu
manna yfirsýn. Því miður ekki iðnaðurinn. Hann virðist
einskis megnugur. Þegar sleppt er þjónustuiðnaði og vinnslu
úr landbúnaðarvörum og sjávarafla kemur fram, að Iéttiðn-
aðurinn skapaði aðeins 800 milljónir króna í gjaldeyri 1977
og nærri helmingurinn af því var fengið fyrir málningu og
pappaumbúðir. En gjaldeyrissparandi iðnaður er ekki síður
mikils virði fyrir þjóðina en gjaldeyrisskapandi iðnaður. En
nú virðist erfiðlega ganga fyrir ýmsum þáttum gjaldeyris-
sparandi iðnaðar, vegna samkeppni við erlendan varning
eins og t. d. fataiðnaðinn. Einu sinni klæddi þjóðin sig sjálf,
en nú er sagt, að flytja þurfi inn fatnað fyrir jafnmikla
fjárhæð og nemur öllum bifreiðainnflutningi þjóðarinnar.
Ég fæ ekki séð, að iðnaðurinn geti tekið við miklu vinnu-
afli frá landbúnaði, nema þá þjónustuiðnaðurinn, þó ekki sé
loku fyrir það skotið, að eitthvað fleiri komist að ullar-
og skinnaiðnaði.