Búnaðarrit - 01.01.1979, Page 372
366
BÚN AÐARRIT
Hofshreppur. Sýningin var vel sótt og sýndir 65 hrútar á
tveimur sýningum eða 27 fleiri en 1974. Fullorðnu hrútarnir
voru 2,6 kg þyngri, en þeir veturgömlu 1,0 kg léttari en
jafnaldrar í sýslunni. Þeir veturgömlu eru lágfættari en jafn-
aldrar í héraðinu. I. verðlaun hlutu 25 hrútar eða 38,4%.
Fullmargir hrútar fóru í III. verðlaun og úrkast, en í I.
verðlauna hrútunum eru prýðilegir einstaklingar. Beztir á
sýningunum voru Sporður og Smyrill í Brekkukoti, Vísir á
Litlu Brekku og Glói í Enni, allir Angasynir, og voru þeir
valdir á héraðssýninguna. Sporður var dæmdur annar bezti
hrúturinn á héraðssýningunni. Hann er bollangur, út-
lögumikill, með afbragðs holdafar og góða ull. Smyrill er
útlögumikill, með afbragðshold, harða lærvöðva, en fulllitla
ull. Vísir er jafnvaxinn og útlögumikill. Glói í Enni hlaut I.
verðlaun B.
Hólahreppur. Sýningin var sæmilega sótt, alls sýndir 52
hrútar. Fullorðnu hrútamir voru 4,0 kg léttari og þeir vetur-
gömlu 3,6 kg léttari en jafnaldrar í héraðinu. I. verðlaun
hlutu aðeins 7 hrútar, en 23 fóru í III. verðlaun og úrkast.
Petta er slæm flokkun, sem stafar af ónákvæmu vali á lamb-
hrútum og kröppu uppeldi á sumum þeirra. Fjöldi þeirra var
með alltof mjótt og holdlítið spjald, enda er bakbreidd á
sýndum hrútum í sveitinni rúmum cm fyrir neðan meðaltal
sýndra hrúta í sýslunni. Holdleysi á hér nokkum þátt að.
Beztir vom Einsi Angason og Dalur Dalsson, Efra-Ási, og
Angi Angason á Skúfsstöðum. Þeir voru allir valdir á
héraðssýninguna og hlutu Einsi og Angi heiðursverðlaun, en
Dalur I. A. Þeir em allir kostamiklir og er Einsi þeirra
beztur. Þetta vom einu hrútarnir, sem komu til greina með
að fara á héraðssýninguna, enda skám þeir sig úr öðmm
hrútum á sýningunni.
Hrútar skólabúsins á Hólum, 11 að tölu, flokkuðust illa,
þrátt fyrir að ekki vom sýndir allir hrútar búsins, þó fékk
einn þeirra I. verðlaun, enda lágfættastur. Ekki er von til
þess, að sauðfé sveitarinnar verði kynbætt mikið með þeim.