Búnaðarrit - 01.01.1979, Page 497
NAUTGRIPARÆKTARFÉLÖGIN
491
meðalbústærð, sem er 32,2 kýr á bú, en 27,3 árskýr. Þar voru
hæstar afurðir heilsárs kúa, 179 kg mjólkurfitu, enda er hún
hæst í Eyjafirði 4,32%. Gagnvart nythæð er Eyjafjörður 4.
hæsta sambandið í röðinni með 4 139 kg á heilsárs kú, en
hærri eru Nf. Austur-Skaftfellinga með 4 265 kg (11 bú),
Múlasýslur með 4 196 kg (17 bú) og Skagafjörður með
4 164 kg. Er þá Strandasýslu sleppt, þar sem heilsárs kýr
voru aðeins 29.
Skýrslufærðar kýr, sem mjólkuðu yfir 200 kg mjólkurfitu,
voru 2 671, sem er 246 fleiri en árið áður. Af þessum kúm
mjólkuðu 980 230 kg mjólkurfitu og höfðu nægilega rnargar
fitumælingar mjólkur að baki. Grein um nythæstu kýrnar
verður birt í Frey. Mestar afurðir, reiknaðar í kg mjólkurfitu,
hafði Rauðbrá 160, Óttars Björnssonar, Garðsá í Önguls-
staðahreppi, 401 kg. Mjólkaði hún 6 728 kg mjólkur með
5,96% mjólkurfitu. Rauðbrá er undan Dreyra N139-58037
og Ljót 103 Gerpisdóttur, en móðurfaðir Ljótar var
Fylkir N88-54049. Standa að Rauðbrá miklir afurðagripir.
Miðað við mjólkurmagn var efst Lokka 115 Bjarka
Reynissonar, Mjósyndi í Villingahoitshreppi, en hún mjólk-
aði 9 502 kg mjólk með 4,14% mjólkurfitu, en það svarar til
393 kg mjólkurfitu. Þetta er nýtt landsmet í nvthæð og þar
með hnekkt því, sem Sól 21 í Deildartungu setti 1977, en
það var 8 559 kg. Eins ogstundum gerist, voru þaðsérstakar
aðstæður, sem stuðluðu að því, að ársnytin varð svo há, sem
raun varð á. Hafði Lokka borið í október 1977, en lét í ágúst
árið eftir. Lokka er undan Húf S309-62009 og Rós 92,
dóttur Galta S154-52034. Allir þessir gripir hafa hlotið I.
verðlauna viðurkenningu.
Þrjár næstu kýrnar með mjólkurmagn á eftir Lokku voru
með afar háa nyt og koma næst á eftir Sól með afurðir. Eru
þær því með 3.—5. hæstu ársnyt, sem skráð hefur verið hér á
íandi. Þessar kýr eru Trýna 50, Miðhvammi, með 8 547 kg,
Búkolla 54, Gautlöndum, með 8 440 kg og Reyður 32,