Fréttablaðið - 23.01.2010, Blaðsíða 6
6 23. janúar 2010 LAUGARDAGUR
STJÓRNMÁL Prófkjör Sjálfstæðis-
flokksins fyrir borgarstjórnar-
kosningarnar í Reykjavík fer fram
í dag.
Átján eru í framboði, sjö konur og
ellefu karlar. Fimm frambjóðendur
hafa ekki setið á lista fyrir flokkinn
í borginni áður. Tveir frambjóðend-
anna hafa þó gegnt trúnaðarstörfum
fyrir flokkinn.
Hanna Birna Kristjánsdóttir
borgarstjóri er sú eina sem býður
sig fram í efsta sætið.
Búast má við að baráttan um
annað sætið verði hvað hörðust en
fimm bjóða sig fram í það sæti, þar
af fjórir sitjandi borgarfulltrúar;
Gísli Marteinn Baldursson, Júlíus
Vífill Ingvarsson, Kjartan Magnús-
son og Þorbjörg Helga Vigfúsdótt-
ir. Þá býður Geir Sveinsson, fyrr-
verandi handboltakappi, sig einnig
fram í annað sætið.
Tveir bjóða sig fram í þriðja
sætið, Jórunn Frímannsdóttir og
Marta Guðjónsdóttir.
Kjörstaðir verða opnir í dag frá
klukkan 10 til 18. Borgarstjórnar-
kosningarnar sjálfar verða hins
vegar 29. maí. - kóþ
Frambjóðandi Sæti sem stefnt er á
Hanna Birna Kristjánsdóttir 1. sæti
Geir Sveinsson 2. sæti
Gísli Marteinn Baldursson 2. sæti
Júlíus Vífill Ingvarsson 2. sæti
Kjartan Magnússon 2. sæti
Þorbjörg Helga Vigfúsdóttir 2. sæti
Jórunn Frímannsdóttir 3. sæti
Marta Guðjónsdóttir 3. sæti
Áslaug M. Friðriksdóttir 4. sæti
FRAMBJÓÐENDUR Í PRÓFKJÖRI SJÁLFSTÆÐISFLOKKSINS
UTANRÍKISMÁL Forsenda þess að
Bretar og Hollendingar fáist að
samningaborðinu að ný, áður en til
þjóðaratkvæðagreiðslu kemur, er
að tryggt sé að slíkir samningar
haldi en fari ekki í margra mánaða
umræður með tilheyrandi breyt-
ingum á Alþingi. Fréttablaðið hefur
heimildir fyrir því að viðsemjend-
ur leggi mikið upp úr þessu og vísi
til eldri samninga sem Íslendingar
hafi undirritað, en ekki staðið við.
Bretar og Hollendingar leggja því
mikla áherslu á að stjórnmálaflokk-
arnir hér heima nái saman áður en
til samninga komi, fari málið svo
langt. Þeir hafa engan áhuga á að
semja aðeins við ríkisstjórnina.
Líkt og kom fram í Fréttablað-
inu í gær eru viðræður stjórnmála-
flokkanna ekki það langt komnar að
markmið nýs samnings liggi fyrir.
Birkir Jón Jónsson, varaformaður
Framsóknarflokksins, sagði allt á
huldu um hver yrðu markmiðin í
slíkum samningum. Ekki væri til
dæmis ljóst hvort samstaða væri
um að greiða lágmarksinnistæðu,
20.887 evrur.
Bretar og Hollendingar vísa til
þess að Íslendingar hafi oft sagst
myndu virða þær skuldbindingar.
Því munu þeir, samkvæmt heim-
ildum blaðsins, ekki falla frá þeirri
kröfu. Þá standa eftir atriði eins
og vextir, lánstími og forgangur að
kröfum, svo eitthvað sé nefnt.
Vonast er til að málin skýrist
á allra næstu dögum, jafnvel um
helgina. Fréttablaðið hefur fyrir því
heimildir að náist ekki niðurstaða
fljótlega verði fallið frá samningum
og horft til þjóðaratkvæðagreiðsl-
unnar sem fara mun fram 6. mars.
kolbeinn@frettabladid.is
Íslendingar minntir
á eldri samninga
Hollendingar og Bretar vitna til eldri samninga sem Íslendingar hafa skrifað
undir þegar nýjar viðræður um Icesave ber á góma. Þeir vilja örugga tryggingu
fyrir því að nýir samningar haldi. Vonast eftir að málin skýrist um helgina.
Úr yfirlýsingu Geirs Haarde forsætisráðherra 8. október
2008 í kjölfar þess að Bretar tryggðu innistæður:
„Ríkisstjórnin ítrekar að ríkissjóður mun styðja
Tryggingarsjóð innstæðueigenda og fjárfesta við öflun
nægjanlegs fjár.“
Samkomulag milli Íslands og Hollands um Icesave 11.
október 2008.
„Samkomulagið kveður á um að íslenska ríkið muni
bæta hverjum og einum hollenskum innstæðueiganda
innstæður að hámarksfjárhæð 20.887 evrur. Hollenska
ríkisstjórnin mun veita Íslandi lán til að standa undir
þessum greiðslum og hollenski seðlabankinn mun ann-
ast afgreiðslu krafna innstæðueigenda.“
(Fréttatilkynning ríkisstjórnarinnar)
„Lánið mun bera 6,7 prósenta vexti, reiknað frá útgáfu-
degi lánsins, og verða endurgreitt á 10 árum. Falli skuld-
in í gjalddaga munu vextirnir aukast um 0,3 prósentustig
í 7 prósent. Ekkert þarf að greiða af láninu fyrstu 3 árin.“
(Memory of Understanding,
undirritað af Baldri Guðlaugssyni og fleirum).
Þingsályktun um samninga um ábyrgð ríkissjóðs sam-
þykkt á Alþingi 5. desember 2008.
„Aðilar komu sér saman um að tilskipunin um
innstæðutryggingar hafi verið felld inn í löggjöfina um
Evrópska efnahagssvæðið í samræmi við samninginn
um Evrópska efnahagssvæðið og gildi því á Íslandi með
sama hætti og hún gildir í aðildarríkjum Evrópusam-
bandsins.“
Þingsályktun um fyrirgreiðslu hjá Alþjóðagjaldeyris-
sjóðnum samþykkt á Alþingi 5. desember. Viljayfirlýsing
um áform íslenskra stjórnvalda:
„Ísland hefur heitið því að virða skuldbindingar á
grundvelli innstæðutryggingakerfisins gagnvart öllum
tryggðum innlánshöfum.“
Að auki má nefna samþykktir Alþingis frá 28. ágúst og
31. desember. Í báðum er samþykkt að greiða lágmarks-
innstæðu. Fyrri lögin voru staðfest af forseta Íslands en
þau síðari, breytingalögin, verða borin undir þjóðarat-
kvæði 6. mars.
Til allra þessara skjala, og fleiri, hafa Bretar og Hollend-
ingar vísað í umræðum um að taka upp viðræður á ný.
SAMÞYKKTIR SEM TIL DÆMIS ER VÍSAÐ TIL
SKEGGRÆTT Ekkert mál hefur verið meira rætt á Alþingi en Icesave. Bretar og Hollendingar vilja tryggingu fyrir því að nýjum
samningum verði ekki breytt, komi til þeirra. FRÉTTABLAÐ/GVA
BORGARGANGA MEÐ HJÁLMARI Í DAG, LAUGARDAG KL. 13
Gangan byrjar við styttuna af Ingólfi á Arnarhóli, þaðan verður gengið um hafnar-
svæðið og vestur á Granda. Hvað verður um austurbakkann þar sem tónleikahúsið
rís, miðbakkann og Mýrargötuskipulagið? Hvaða möguleikar eru til uppbyggingar?
Arkitektar sem hafa pælt mikið í svæðinu slást í för.
Hjálmar Sveinsson sækist eftir 3. sæti í prófkjöri
Samfylkingarinnar í Reykjavík 30. janúar 2010
Prófkjör Sjálfstæðisflokksins í Reykjavík fer fram í dag:
Fimm nýir hjá sjálfstæðismönnum
Frambjóðandi Sæti sem stefnt er á
Kristján Guðmundsson 4. sæti
Ragnar Sær Ragnarsson 4. sæti
Hildur Sverrisdóttir 4.-5. sæti
Benedikt Ingi Tómasson 5. sæti
Björn Gíslason 5. sæti
Elínbjörg Magnúsdóttir 5. sæti
Þorkell Ragnarsson 5. sæti
Emil Örn Kristjánsson 6. sæti
Jóhann Páll Símonarson 7.-8. sæti
Er rétt að ákæra fólkið sem
braut sér leið inn í Alþingis-
húsið í desember 2008?
Já 56,9%
Nei 43,1%
SPURNING DAGSINS Í DAG:
Á að stækka álverið í Straums-
vík?
Segðu þína skoðun á visir.is
KJÖRKASSINN
DÓMSMÁL Tveir karlmenn hafa
verið dæmdir í dæmdir fyrir inn-
brot í sumarbústaði á Suðurlandi.
Mennirnir, sem eru af erlend-
um uppruna, fóru inn í níu bústaði
í Hrunamannahreppi og Skeiða-
og Gnúpverjahreppi og stálu úr
þeim miklum verðmætum. Um
var að ræða nokkra sjónvarps-
flatskjái, heimabíó, hljómflutn-
ingstæki og mikið magn af áfengi.
Mennirnir játuðu sök fyrir dómi.
Annar þeirra var dæmdur í fimm
mánaða fangelsi, þar af tvo mán-
uði á skilorði. Hinn var dæmdur
í þriggja mánaða skilorðsbund-
ið fangelsi. Sá fyrri á sakaferil að
baki hér, hinn ekki. - jss
Héraðsdómur Suðurlands:
Sumarhúsaþjóf-
ar dæmdir