Fréttablaðið - 23.01.2010, Blaðsíða 8

8 23. janúar 2010 LAUGARDAGUR
Fjögurra vikna árangursmælt nám-
skeið Kvíðameðferðarstöðvarinnar
til að takast á við vanlíðan, álag og
spennu. Kenndar leiðir hugrænnar
atferlismeðferðar til að skoða og
breyta hugsunum og viðbrögðum sem viðhalda kvíða og depurð.
Öflugar slökunar- og hugleiðsluaðferðir jafnframt kenndar.
Mánudagar og fimmtudagar frá 20:00 til 21:45 auk eftirfylgdartíma, alls 16 klst.
Kennarar: Oddi Erlingsson og Sóley D. Davíðsdóttir,
sálfræðingar í klínískri sálfræði.
Verð aðeins kr. 45.000.
Niðurgreiðsla möguleg hjá sjúkrasjóðum stéttarfélaga.
Næsta námskeið hefst mánudaginn 1. febrúar nk.
Skráning og fyrirspurnir í símum 822 0043 og 562 4444, oddier@simnet.is og kms@kms.is
N á n a r i u p p l ý s i n g a r : w w w . k m s . i s
Kennsludagar:
Vellíðan án lyfja
með verkfærum sálfræðinnar
ára ábyrgð
KIA hefur notið mikillar velgengni á síðustu árum. Framleiðendur KIA
framleiðenda í heiminum, 7 ára ábyrgð á öllum nýjum KIA bílum í Evrópu.
Þessi staðreynd endurspeglar vandaða framleiðslu, áreiðanleika og gæði.
Komdu í sýningarsal okkar og láttu KIA koma þér á óvart.
KIA á Íslandi Krókhálsi 11 110 Reykjavík Sími 590 5700 www.kia.is
EFNAHAGSMÁL Afar umfangsmikl-
ar breytingar á skattkerfinu voru
keyrðar í gegnum Alþingi á met tíma
fyrir áramót án þess að raunveru-
leg umræða ætti sér stað um þá fjöl-
mörgu galla sem eru á því kerfi sem
nú hefur verið innleitt.
Þetta segir Pétur Blöndal, full-
trúi Sjálfstæðisflokks í efnahags-
og skattanefnd Alþingis.
Óheppilegt er að flækja kerfið
óþarflega mikið eins og nú hefur
verið gert. Með flóknara kerfi og
hærri sköttum eru miklar líkur á
því að sú tekjuaukning sem ríkið
ætlar sér að ná með breyttu kerfi
muni ekki skila sér, segir Pétur.
Vegna breytinganna verði mun
meira um að endurgreiða þurfi
oftekna skatta, eða að fólk þurfi að
greiða háar upphæðir eftir á.
„Það hefði mátt gera þetta miklu
einfaldara, en það var bara enginn
áhugi á því,“ segir Pétur. „Málið var
keyrt í gegn umræðulaust.“
Hægt hefði verið að ná öllum
markmiðum þess kerfis sem nú
hefur verið tekið upp með því að
notast við gamla kerfið, en bæta
við hátekjuskatti, ef vilji hefði verið
fyrir hendi, segir Pétur.
„Hugsunin var meira að koma
á sósíalísku skattkerfi en að gera
kerfið einfalt eða réttlátt, því
miður,“ segir Pétur.
Hann segir stjórnarandstöðuna
ítrekað hafa bent á að afar óheppi-
legt væri að hækka skatta í miðri
kreppu. Flest bendi til þess að
ástandið verði verst í ár. Því hefði
átt að fresta því um eitt ár að auka
álögur, og afla ríkinu frekar tekna
með því að skattleggja séreignar-
sparnað, eins og sjálfstæðismenn
hafi lagt til.
„Ég held að þriggja þrepa kerfi sé
ekki óþarflega flókið,“ segir Helgi
Hjörvar, þingmaður Samfylking-
arinnar og formaður efnahags- og
skattanefndar. Slík kerfi séu notuð
víða í nágrannalöndunum með
góðum árangri.
Breytingar á tekjuskattskerfinu
miða fyrst og fremst að því að auka
tekjur ríkisins og auka jöfnuð, segir
Helgi. Vissulega hefði mátt fara
nærri þeim markmiðum með því að
notast við flatan skatt auk hátekju-
skatts. Það hefði einfaldað kerfið
fyrir þorra launamanna, þar sem
allir nema hátekjufólk væru áfram
í einu skattþrepi.
Þriggja þrepa kerfið hefur það
fram yfir að gefa færi á frekari
breytingum í framtíðinni, segir
Helgi. Áhugi hafi verið á því að hafa
skatthlutfallið lægra í lægsta skatt-
þrepinu, en ekki hafi verið svigrúm
til þess nú. Auðvelt verði að lækka
það hlutfall þegar svigrúm skapist
í framtíðinni. brjann@frettabladid.is
Tvö skattþrep hefðu
náð settu markmiði
Nýtt þriggja þrepa skattkerfi er of flókið og hætta er á að það nái ekki markmið-
um um auknar tekjur, segir þingmaður Sjálfstæðisflokks. Flestum markmiðum
hefði mátt ná með hátekjuskatti, segir formaður efnahags- og skattanefndar.
HELGI HJÖRVARPÉTUR BLÖNDAL
■ Miklar breytingar voru gerðar á skattkerfinu um áramót. Meðal þess sem
breyttist mikið var tekjuskattskerfið, þar sem tekið var upp þriggja þrepa
kerfi.
■ Fyrsta skattþrepið er fyrir tekjur undir 200 þúsundum. Annað þrepið er
fyrir tekjur frá 200 þúsundum að 650 þúsundum. Þriðja þrepið er fyrir
tekjur yfir 650 þúsundum á mánuði.
■ Tæplega 93 prósent þeirra sem greiða munu tekjuskatt á árinu falla í
annað eða þriðja skattþrepið. Alls munu um 85 prósent vera með tekjur á
bilinu 200 og 650 þúsund krónur. Aðeins 7,5 prósent, 11.900 einstakling-
ar, greiða eingöngu skatt í fyrsta skattþrepi.
■ Tekjur ríkisins af þessari skattheimtu verða ríflega 93 milljarðar á árinu
samkvæmt áætlun, 6,6 milljörðum meira en gamla kerfið hefði skilað.
Þar af munu einungis 300 milljónir króna, 0,3 prósent, koma frá fólki sem
eingöngu greiðir skatt í fyrsta skattþrepinu.
LÍTIÐ BROT FELLUR Í FYRSTA SKATTÞREPIÐ
STJÓRNMÁL Ásbjörn Óttarsson, þing-
maður Sjálfstæðisflokks í fjárlaga-
nefnd Alþingis, greiddi sér og konu
sinni 65 milljónir króna í arð frá
útgerðarfélaginu Nesveri árið 2008.
Hann var framkvæmdastjóri Nes-
vers og eini stjórnarmaður.
Greint var frá því í DV að sama
ár tapaði fyrirtækið 574 milljónum
króna og eigið fé var neikvætt um
157 milljónir.
Ásbjörn skýrir þetta með því að
arðurinn hafi verið greiddur vegna
hagnaðar ársins 2007.
Árið 2007 voru hins vegar tuttugu
milljónir greiddar í arð vegna ársins
2006, samkvæmt ársreikningi. Árið
2006 var fyrirtækið rekið með tapi.
Spurður um þetta, segir Ásbjörn
að greiðslurnar hafi verið reiknaðar
í hlutfalli við eigið fé fyrirtækisins.
En samkvæmt ársreikningi var
eigið fé Nesvers neikvætt árið 2006
um rúmar 213 milljónir.
Um þetta segist Ásbjörn ekki geta
rætt af því að hann sé ekki með árs-
reikningana hjá sér.
Þingmaðurinn getur Nesvers í
hagsmunaskráningu á vef Alþingis,
en skráir hlutverk sitt þar ekki sem
tekjumyndandi starfsemi, unna sam-
hliða þingmennsku.
Ásbjörn komst á þing vorið 2009
og bendir á að hann hafi einung-
is haft tekjur af Nesveri fyrstu
tvo mánuði ársins. Hann hafi því
engar tekjur fengið, samhliða þing-
mennsku. Óvíst sé hvort hagnaður
verði greiddur út í ár. - kóþ
Fulltrúi Sjálfstæðisflokks í fjárlaganefnd segir fyrirtæki sitt ganga vel:
Ásbjörn hagnaðist um tugmilljónir
ÁSBJÖRN ÓTTARSSON „Ég hef verið í
rekstri í 25 ár og aldrei hefur opinber
aðili eða birgir tapað einni krónu á
mínum rekstri,“ segir Ásbjörn. Fyrirtækið
gangi vel.
ATVINNUMÁL Finnbogi Jónsson
hefur verið ráðinn framkvæmda-
stjóri Framtakssjóðs Íslands.
Sjóðurinn var
stofnaður af
lífeyrissjóð-
um sem leggja
sjóðnum til þrjá-
tíu milljarða
króna og mun
sjóðurinn gegna
veigamiklu hlut-
verki í endur-
reisn íslensks
efnahagslífs
með fjárfestingum í fyrirtækjum.
Finnbogi hefur mikla reynslu í
íslensku atvinnulífi og síðustu ár
hefur hann verið framkvæmda-
stjóri Nýsköpunarsjóðs atvinnu-
lífsins. Finnbogi hefur jafnframt
setið í stjórnum fjölmargra fyrir-
tækja. - shá
Framtakssjóður Íslands:
Finnbogi stýrir
nýjum sjóði
FINNBOGI
JÓNSSON
KÍNA, AP Kínversk stjórnvöld hafa
brugðist illa við hvatningarorð-
um Hillary Clinton, utanríkisráð-
herra Banda-
ríkjanna, um að
hömlum á notk-
un Netsins verði
aflétt í Kína.
„Við erum
algerlega and-
víg ummælum
sem brjóta í
bága við stað-
reyndir og
skaða samskipti
Kína og Bandaríkjanna,“ segir
Ma Zhaoxu, talsmaður kínverska
utanríkisráðuneytisins, á vefsíðu
ráðuneytisins.
Clinton hafði sagt í ræðu að
Kína væri meðal þeirra landa þar
sem hömlur væru á frjálsu flæði
upplýsinga. - gb
Kínastjórn bregst ókvæða við:
Kvartar undan
orðum Clinton
HILLARY CLINTON
LÖGREGLUMÁL Tveir karlmenn um
fertugt voru í gær úrskurðaðir í
áframhaldandi gæsluvarðhald til
4. febrúar að kröfu lögreglunn-
ar á höfuðborgarsvæðinu. Menn-
irnir sem hafa setið í gæsluvarð-
haldi frá 14. janúar, eru grunaðir
um aðild að innflutningi á tæpum
fjórum kílóum af amfetamíni.
Efnin voru flutt með vöru-
flutningaskipi frá Samskipum en
annar maðurinn starfaði hjá fyr-
irtækinu.
Skipið kom hingað frá Árósum í
Danmörku en skip Samskipa
koma við í mörgum höfnum áður
og ekki er upplýst hvar efnin eru
talin hafa verið sett um borð. - jss
Tveir áfram í gæslu:
Með fjögur kíló
af amfetamíni
VEISTU SVARIÐ?
1 Hvað heitir tónlistarhúsið við
Reykjavíkurhöfn?
2 Hvaðan á viðbótarorka að
koma vegna straumhækkunar í
álverinu í Straumsvík?
3 Hvaða saga Gerðar Kristnýj-
ar verður kvikmynduð?
SVÖRIN ERU Á SÍÐU 50