Fréttablaðið - 28.01.2010, Page 52

40 28. janúar 2010 FIMMTUDAGUR
> FLUTT INN SAMAN
Sienna Miller hefur sett hús sitt
í London á sölu og ætlar að flytja
inn til kærasta síns, Judes Law.
Parið tók saman á ný eftir nokkura
ára hlé, en þau hættu saman eftir
að Law hélt framhjá. „Si-
enna hefur þegar flutt
allt dótið sitt inn til
Jude. Þau hafa tekið
ákvörðun um að
prófa aftur,“ var haft
eftir heimildarmanni.
folk@frettabladid.is
Matreiðslumennirnir Úlfar
Eysteinsson og Tómas Tóm-
asson fengu fyrstir allra
veður af hugsanlegri stýri-
vaxtalækkun. Seðlabanka-
stjóri hringdi í þá á mánu-
dagskvöldið og greindi
þeim frá því að þeir yrðu að
vera í startholunum. Hár-
skeri seðlabankastjórans sá
síðan um raksturinn.
Tómas Tómasson, oftast kennd-
ur við Búlluna, og Úlfar Eysteins-
son á Þremur Frökkum, hafa síðan
síðasta sumar safnað skeggi til að
mótmæla háum stýrivöxtum. Þeir
hugðust ekki raka sig fyrr en vext-
irnir færu niður fyrir tíu prósent.
Fréttablaðið hefur síðan þá fylgst
grannt með gangi mála hjá þeim
og í gær varð loks ljóst að draumur
þeirra væri orðinn að veruleika.
„Ég ræddi við þá í gærkvöldi
[mánudagskvöld] og sagði þeim
frá því að þetta gæti hugsanlega
verið yfirvofandi. Þeir komu síðan
hingað klukkan tíu og við áttum
notalega stund saman,“ segir Már
Guðmundsson seðlabankastjóri.
Fréttablaðið náði tali af honum
eftir blaðamannafund þar sem
tilkynnt var að stýrivextir hefðu
verið lækkaðir niður í 9,5 prósent.
Már fékk hárskerann sinn, Vagn
Boysen, til að leysa þetta verkefni
af hólmi og greiddi sjálfur fyrir.
„Þetta gekk bara vel, ég var bara
með góða vél og þetta var ekkert
sársaukafullt, þetta hefur tekið
svona klukkutíma,“ segir Vagn í
samtali við Fréttablaðið en hann
hefur klippt seðlabankastjórann
undanfarin fimmtán ár. Vagn
segir seðlabankastjóra vera ákaf-
lega góðan kúnna og það fari eftir
því hversu langur tími líði á milli
hvernig klippingu hann vilji fá.
Már viðurkennir að þeir í Seðla-
bankanum hafi fylgst með hinum
friðsamlegu mótmælum í fjarlægð
og haft nokkuð gaman af. „Ekki
það að þau hafi haft nein áhrif á
ákvarðanir okkar. Hins vegar var
því haldið fram af gárungunum að
ástæðan fyrir því að stýrivextirn-
ir voru ekki lækkaðir niður fyrir
tíu um jólin væri sú að við vildum
ekki eyðileggja fyrir þeim jóla-
vertíðina,“ segir Már en eins og
Fréttablaðið greindi frá klæddu
þeir Úlfar og Tómas sig upp sem
jólasveinar og fóru í nokkra af leik-
skólum borgarinnar og gáfu börn-
unum bæði kerti og spil. Már bætir
því síðan við að þrjóska kokkanna
hafi ekki komið þeim á óvart. „Nei,
síður en svo. Þeir gáfu út þessa
yfirlýsingu og miðað við það sem
maður þekkir til þessara manna þá
var engin ástæða til að ætla neitt
annað en að þeir myndu standa við
hana. Og það væri nú gaman ef
fleiri í þjóðfélaginu fetuðu í þeirra
spor,“ segir Már.
Tvennum sögum fer af því hvað
verði síðan um skeggið. Sam-
kvæmt áreiðanlegum heimildum
Fréttablaðsins mun Seðlabankinn
fá annað skeggið, hannaður verð-
ur sérstakur platti og krukka með
skegginu í og því verði síðan komið
fyrir á áberandi stað innan veggja
Seðlabankans.
freyrgigja@frettabladid.is
Kokkarnir fengu fyrstir veð-
ur af stýrivaxtalækkuninni
FRÉTTABLAÐIÐ/PJETUR
ÞÁ OG NÚ
Már Guðmunds-
son fékk hárskera
sinn til fimmtán
ára, Vagn Boysen,
til að raka skeggið
af þeim Tómasi
Tómassyni
og Úlfari
Eysteinssyni. Þeir félagar hafa
safnað skeggi síðan síðasta
sumar og er breytingin
gríðarlega mikil eins og
myndirnar sýna.
Í nýlegu viðtali við Hello Magazine skýrði
leikarinn Mel Gibson frá því að í stað þess
að ráða til sín lífverði svæfi hann með
byssu við rúm sitt. „Ég var einu sinni
með lífverði, en mér fannst það erfitt. Ef
þinn tími er kominn, þá er hann kominn.
Ef ég ligg í rúmi mínu og einhver brýst
inn til mín þá annaðhvort vakna ég eða
ekki. Annaðhvort næ ég honum með
kylfunni minni eða byssunni sem ég
sef með, eða þeir ná mér,“ sagði leik-
arinn og þegar hann var spurður hvort
hann ætti byssu í raun svaraði hann:
„Auðvitað. Á tímum sem þessum verð-
ur maður að gíra sig upp. Algjörlega.“
Gibson vill
enga lífverði
BYSSUGLAÐUR Mel Gibson sefur með byssu á
nóttunni.
Sögusagnir um sambandsslit Ang-
elinu Jolie og Brads Pitt hafa lengi
verið á kreiki og nú fyrir helgi full-
yrtu fjölmiðlar að sambandinu væri
endanlega lokið.
The Sun segir að fjölskylda Pitts
hafi tjáð honum óánægju sína með
sambandið og finnst þeim það
hafa neikvæð áhrif á samband
hans við fjölskylduna. Pitt og
Jolie eiga að hafa átt í miklum
sambandserfiðleikum undan-
farið ár en hafa reynt að bæta
sambandið barna sinna vegna.
Parið á þó að hafa leitað aðstoð-
ar lögfræðings fyrir stuttu, en sá
á að skipta eignum þeirra bróð-
urlega á milli parsins.
Bróðir Pitts heimsótti hann
yfir jólin og á hann að hafa hvatt
Pitt til að slíta sambandinu endan-
lega. „Doug hvatti Brad til að slíta
sambandinu því hann sá hversu
óhamingjusamur Brad var orðinn.
Það er ekkert leyndarmál að Brad
og Angelina hafa verið í ástlausu
sambandi undanfarið ár. Þau eyða
næstum engum tíma saman og þegar
þau gera það þá er mjög stirt á milli
þeirra. Jólin voru erfið því Angelina
neitaði enn einu sinni að eyða hátíð-
inni með fjölskyldu Brads. Móðir
hans hefur aldrei kunnað vel við
Angelinu og er enn í góðu sambandi
við fyrrverandi eiginkonu hans,
Jennifer Aniston,“ var haft eftir
heimildarmanni. Talsmenn parsins
hafa þó neitað orðrómnum og segja
Pitt og Jolie vera ástfangin og ham-
ingjusöm.
Fjölskylda Pitts vill skilnað
ENDALOKIN? Brad Pitt og Angelina Jolie hafa verið
saman í fimm ár og eiga sex börn saman. Fjölskylda
Pitts er sögð hafa hvatt hann til að skilja við Jolie þar
sem sambandið geri hann óhamingjusaman.
MYND/GETTYIMAGES
Tónlist ★★★
No-lo-fi
Nolo
Brakandi fínt
Til er fólk sem setur hljómgæði ofar
tónlist. Það leggur mikið upp úr
veglegum græjum heima hjá sér og
„þrusu sándi“. Pælir minna í tónlist-
inni sjálfri. Þetta fólk ætti að halda
sig langt frá frumraun dúettsins Nolo
því þar skipta hljómgæðin hverfandi
máli. Platan hljómar á köflum eins
og hún sé tekin upp á kassettutæki
með heimilislegu braki og suði. Hún
er „ló-fæ“ eins og maður segir. Í
því felst sjarmi og sigur andans yfir
efninu.
Meðlimir Nolo eru Jón Bald-
ur Lorange og Ívar Björnsson og
eru ekki orðnir tvítugir. Þeir nota
aðallega gítar, hljómborð, söng
og trommuheila til lagagerðar.
Hljómsveitin hefur verið að drita út
lögum á Gogoyoko og „slógu í gegn“
fyrir lagið „Miami Toast“, sem er hér
ásamt sjö öðrum. Platan rétt slefar
yfir 24 mínútur. Lögin eru sungin og
ósungin á víxl, farið er yfir nokkuð
víðan völl, en samt er samhljómur
og stíll yfir heildarsvipnum. Það er
margt nett í gangi, snotrar melódíur
surga og lögin ná oft ásættanleg-
um hápunktum. Maður saknar
helst enn eftirminnilegri lagasmíða
og meira afgerandi stuðs. Hef þó
engar áhyggjur því þessir strákar eru
vonandi bara rétt að byrja. Ekki kem
ég auga á augljósa áhrifavalda, helst
datt mér í hug hljómsveitin MGMT
áður en hún náði fullu valdi á
melódíunni. Þarna er líka stöff sem
minnir óljóst á amerísk bílskúrs-
bönd frá 7. áratugnum og sumt gæti
verið úr sýrukvikmyndum frá því um
1970.
Plata Nolo er gefin út af hliðar-
merki Kima, Braki, sem dældi út
plötum af jaðrinum í fyrra, meðal
annars fínum plötum með Skelkur í
bringu, Caterpillarmen og Prins Póló.
Plöturnar voru einfaldar í sniðum
og ódýrar, fóru ekki hátt, en gáfu
mjög mikilvæga innsýn í grasrótina
og gróskuna sem þar býr. Það er
vonandi að Brakið haldi áfram sínu
frábæra starfi.
drgunni@frettabladid.is
Niðurstaða: Hrár og skemmtilegur
dúett með frumraun sem lofar góðu.
Ungir Evrópusinnar
í samvinnu við Evrópusamtökin
standa fyrir Evrópuskóla
helgina 30.–31. janúar
Skipholt 50A, 2. hæð
Laugardagur 30. janúar Kl. 12.00–17.00
12.00–13.00: Saga og stofnanir Evrópusambandsins,
Baldur Þórhallsson, prófessor.
Nokkrar af lykilstefnum Evrópusambandsins:
13.00–13.45: Sjávarútvegsstefnan,
Aðalsteinn Leifsson, lektor.
13.45–14.30: Landbúnaðarstefnan,
Erna Bjarnadóttir, hagfræðingur.
14.30–15.00: „Á Ísland enga vini í Evrópu?“
Paal Frisvold, formaður Evrópusamtakanna í Noregi.
15.00–15.30: Kaffihlé
Fleiri lykilstefnur Evrópusambandsins:
15.30–16.15: Efnahags- og myntbandalag Evrópu,
Eiríkur Bergmann, doktor í stjórnmálafræði.
16.15–17.00: Öryggismál, Alyson Bailes, stjórnmálafræðingur.
Sunnudagur 31. janúar kl. 14.00–17.00
14.00–14.45: EES-samningurinn,
Jón Baldvin Hannibalsson, fyrrv. utanríkisráðherra.
14.45–15.30: Lissabon-sáttmáli Evrópusambandsins,
Ævar Rafn Björnsson lögfræðingur
15.30–15.45: Kaffihlé
15.45–16.30: Samningaferli Íslands og Evrópusambandsins,
Þorsteinn Pálsson, fulltrúi í samninganefnd Íslands.
Skólinn er öllum opinn. Ekkert skólagjald er innheimt.
Nauðsynlegt er að þátttakendur skrái sig vegna takmarkanna á fjölda.
Hægt er að skrá sig í skólann með því að senda tölvupóst á
ungirevropusinnar@ungirevropusinnar.is eða í síma 8228904.
Skráningu lýkur föstudaginn 29. janúar kl.15.00