Fréttablaðið - 04.03.2010, Page 35
FIMMTUDAGUR 4. MARS 2010
kreppugler.is
Gæða gleraugu á hagstæðu verði
Gæða gleraugu
á hagstæðu verði
Klassísk gleraugu sem eru mjög vinsæl. Kosta aðeins 4.562 kr. með glerjum.
Gleraugu án umgjarðar eru vinsæl í dag. Þessi eru sterk, úr ryðfríu stáli
og kosta 7.410 kr. með glerjum.
Mest seldu gleraugun á kreppugler.is. Þessi eru ótrúlega vinsæl
í Buddy Holly stíl og kosta aðeins 5.843 kr.
Einföld og ódýr gleraugu sem henta flestum. Kosta aðeins 4.562 kr.
með glerjum.
Við eigum nóg af barnaumgjörðum sem eru mjög sterkar. Þessi er úr
minnis-titanium og kosta 7.410 kr. með glerjum.
Einnig mikið úrval af skrautlegum umgjörðum á góðu verði. Þessi eru úr
plasti og kosta 5.066 kr.
Gleraugu úr hreinu titanium. Stílhrein, sérstaklega létt og kosta aðeins
12.835 kr. með glerjum.
Íþróttagleraugu með styrkleika. Henta vel í hlaup, skíði og fleira.
Kosta aðeins 9.209 kr.
Þótt notagildi sé megintilgangur-
inn með gleraugum hafa hönnuðir
leikið sér með fyrirbærið í gegn-
um tíðina. Leikarar, söngvarar og
aðrir þeir sem vilja vekja á sér at-
hygli hafa á stundum borið áber-
andi gleraugu. Má þar nefna Elton
John, Lady Gaga og David Bowie.
Á tískupöllunum má stund-
um sjá furðulegar gleraugnahug-
myndir verða að veruleika. Líklega
myndu fæstir nota slík tól hvunn-
dags en hins vegar er skemmtilegt
að virða þau fyrir sér til að hlæja
að, já eða hneykslast. - sg
Furðuverur og ólíkindatól
Furðuleg gleraugu
léku stórt hlut-
verk á sýningu
Arrondissement
á tískuvikunni í
Berlín.
Fyrirsæta
á sýningu
Vivek Kumar
á tískuviku
í Mumbai á
Indlandi.
Líklega sér hún ekk-
ert betur með þenn-
an höfuðbúnað, en
hún er í það minnsta
spes til fara.
Ekki vildi maður mæta
þessum í myrkri. En hann
tók sig vel út á tískusýn-
ingu Katie Eary á tískuvik-
unni í London nýverið.
Eftir að Hrafnkell Freyr Magn-
ússon komst í samband við
gleraugnaframleiðendur í Kína
með gott úrval og orðspor en
lágt verð stofnaði hann vef-
verslunina www.kreppugler.is.
„Gleraugun sem ég hef fengið
hafa reynst mjög vel. Þau eru að
öllu leyti sambærileg við gleraugu
sem keypt eru í íslenskum búðum
en kosta bara brot af því sem þar
er borgað fyrir þau,“ segir Hrafn-
kell Freyr, sem í júlí síðastliðn-
um setti upp vefverslunina www.
kreppugler.is.
„Ég var búinn að kynna mér vel
á Netinu hvernig ætti að kaupa
gleraugu og þessir framleiðendur
voru með gott úrval, góð gleraugu
og gott orðspor,“ tekur hann fram.
Hrafnkell Freyr er sjálfstætt
starfandi forritari en segir gler-
augnaviðskiptin taka æ meiri tíma.
„Þetta gengur mjög vel,“ segir
hann. „Það er svo skemmtilegt að
fólk kaupir kannski hjá mér ein
gleraugu og pantar svo fleiri einum
til tveimur mánuðum seinna sem
sýnir að það er greinilega ánægt.
Ég fæ líka reglulega bréf þar sem
fólk þakkar mér fyrir að spara sér
hundrað þúsund króna.“
Þegar bent er á að fólk þurfi að
leggja í kostnað til að fá sjónskoð-
un sem fylgi með í venjulegum
gleraugnakaupum svarar Hrafn-
kell Freyr: „Já, ég hef hvorki kunn-
áttu né aðstöðu til að mæla gler en
ráðlegg fólki að fara til augnlækn-
is. Það er ódýrt.“
Algengast er að afgreiðsla á
gleraugunum taki þrjár vikur en
hún getur farið í fjórar til fimm,
að sögn Hrafnkels Freys. „Börn
skemma gleraugun sín auðveldlega
svo ég mæli með því að fólk panti
tvenn, því ef ein skemmast gengur
auðvitað ekki að hafa barnið sjón-
laust í einhverjar vikur. Í öllum til-
fellum er töluvert ódýrara að kaupa
tvenn hjá mér en ein hjá öðrum,“
segir hann.
Sterkustu umgjarðirnar á www.
kreppugler.is eru úr titanium og
ryðfríu stáli en Hrafnkell Freyr
segir gleraugu með stórum, dökk-
um plastumgjörðum vinsæl um
þessar mundir. „1980-lúkkið,“ út-
skýrir hann og telur Kínverjana
fylgjast vel með tískunni. „Ég bæti
tugum umgjarða á síðuna mánað-
arlega. Þar eru nú um 1.100 gerð-
ir og flestar í fleiri en einum lit,“
segir hann. „Stærsta vandamálið
við að panta hjá mér er að erfitt er
að velja.“
Fær reglulega þakkarbréf
„Ég bæti tugum umgjarða inn á síðuna mánaðarlega,“ segir Hrafnkell Freyr um www.
kreppugler.is og segir framleiðendurna fylgjast vel með tískunni. FRÉTTABLAÐIÐ/ANTON