Fréttablaðið - 11.03.2010, Blaðsíða 48

32 11. mars 2010 FIMMTUDAGUR
tonlist@frettabladid.is
TÓNNINN GEFINN
Trausti Júlíusson
Fyrir tónlistarfíkil eins og mig er alveg jafn mikilvægt að uppgötva
gamla tónlist eins og nýja. Undanfarin ár hefur verið mikill metnaður í
endurútgáfu og mörg fyrirtæki sérhæft sig í því að grafa upp gleymdar
gersemar úr tónlistarsögunni og koma þeim í fast form. Flest þessara
fyrirtækja starfa enn af fullum krafti þrátt fyrir kreppu, en einhver
hafa fengið á sig högg. Síðasta haust bárust til dæmis fréttir af miklum
uppsögnum starfsfólks hjá Rhino Records, þeirri frábæru útgáfu. En
svo koma aðrar í staðinn.
Eitt af flottustu endurútgáfufyrirtækjunum í dag er Numero Group
sem hefur verið starfrækt í Chicago í nokkur ár og á að baki einar 40
útgáfur. Numero sérhæfir sig í að finna upptökur með lítt þekktum
listamönnum og er með nokkrar seríur í gangi, þar á meðal Eccentric
Soul og Cult Cargo. Metnaðurinn sem einkennir afurðir hennar er ótrú-
legur. Í plötubæklingnum er saga viðkomandi útgáfu eða listamanns
rakin og sett í samhengi við samtímann og hljóðvinnsla er frábær.
Numero gefur bæði út á CD og vínil.
Á meðal þeirra platna sem Numero gaf út á síðasta ári var Gone:
The Promises Of Yesterday með hljómsveitinni 24 Carat Black sem var
starfandi í Chicago á fyrri hluta áttunda áratugrins. Hún gaf út eina
plötu hjá Stax-útgáfunni 1973, Ghetto: Misfortunes Wealth sem vakti
litla athygli, en náði inn hjá einhverjum hipsterum þegar Digable Plan-
ets og Jay-Z sömpluðu hana. Seinni plata sveitarinnar var sett á frost hjá
Stax á sínum tíma og gleymdist eftir að útgáfan fór á hausinn 1975. Það
var ekki fyrr en Numero gróf hana upp að hún leit dagsins ljós, 35 árum
síðar. 24 Carat Black er, eins og nafnið bendir til, fönk-skotin soul sveit.
Eðalsveit.
Numero númer eitt
GLEYMDAR GERSEMAR 24 Carat Black gaf út eina plötu árið 1973.
> Í SPILARANUM
Gorillaz - Plastic Beach
The Fall - Our Future Your Clutter
Broken Bells - Broken Bells
Jason Collett - Rat a Tat Tat
Jónsi - Go
GORILLAZ JÓNSI
Feldberg-lagið „Dreamin‘„ verð-
ur á safnplötunni Kitsuné Maison
Compilation 9 sem kemur út
í apríl. Þetta er mikill heiður
því franska fyrirtækið Kitsune
Music, sem gefur plötuna út, er
leiðandi í útgáfu á rafvæddri
popptónlist, er vinsæl meðal
plötusnúða og hefur í gegnum tíð-
ina komið böndum eins og Boys
Noize, Simian Mobile Disco og
Klaxons á framfæri á safnplötum
sínum. Lagið er af fyrstu plötu
Feldberg sem kom út í fyrra.
Einar Tönsberg segir ýmislegt
í gangi í útrás Feldberg. „Það
er bara ekki orðið nógu öruggt
ennþá til að maður tali um það,“
segir hann.
Einar og Pétur Ben eru að
vinna saman að nýju efni og
eru komin sex lög. „Þetta er allt
frá því að vera mikið popp yfir
í mikla tilraunamennsku og
við erum ekki búnir að ákveða
hvort þetta kemur á EP plötu eða
stórri plötu. Eitt lagið verður svo
í myndinni Órói sem kemur út í
sumar.“
Hvað á svo dúettinn að heita –
Eben?
„Það er nú það. Einhver sagði
að við ættum að kalla þetta Einar
Ben. Svo gæti Mugison komið og
sungið eitt lag með okkur og þá
gætum við kallað okkur Einar
Örn Benediktsson!“ - drg
Feldberg í útrás
FELDBERG Einar Tönsberg er með mörg
járn í eldinum. FRÉTTABLAÐIÐ/GVA
Rokkararnir í Foo Fighters ætla
að taka upp sína sjöundu hljóð-
versplötu í september. „Foo
Fighters eru byrjaðir að semja
og við ætlum að hefja upptökur
í september, þannig að lífið er
stútfullt af tónlist þessa dagana,“
sagði forsprakkinn Dave Grohl.
Önnur plata hliðarverkefnis
Grohls, Them Crooked Vultures,
er einnig væntanleg á þessu ári.
Bassaleikari sveitarinnar, Zeppe-
lin-maðurinn fyrrverandi John
Paul Jones, sagði á dögunum að
platan yrði tekin upp seinni part-
inn í sumar.
Upptökur í
september
Er eitthvað að gerast í
íslenska poppinu? Eru
nýjar stjörnur að fæðast?
Hver verður vinsælastur í
sumar? Dr. Gunni fór á stúf-
ana og reyndi að finna svör
við þessum spurningum.
Það er alls konar popp að poppast
úti um allan bæ þessa dagana. Til
að mynda er afreksmaðurinn Haffi
Haff nú á lokametrunum að klára
sína fyrstu plötu, sem mun heita
Freak. „Hún kemur í maí. Ég er
aðeins að færa mig út í nýtt sánd,
meira röff, dáldið eins og Britney
á plötunni Blackout. Það eru nátt-
úrulega algjörir snillingar sem
hún vann með þar,“ segir Haffi.
Hann hefur markvisst kynnt undir
útgáfu plötunnar og fjórða lagið,
„Buried alive“, fór nýlega í spilun.
Haffi semur flest lögin sjálfur, oft
í samkrulli með Örlygi Smára og
nýju „production-gengi“ sem kall-
ar sig Stab, wait, go. „íslenskir
strákar sem eru algjörir snilling-
ar,“ segir Haffi.
„Production gengi“ eru dálít-
ið málið í dag, takkaklárir strák-
ar með eyra fyrir góðu poppi og
brakandi fersku sándi. Eitt slíkt
heitir Redd lights og hefur verið
að vinna með R&B söngvaranum
Friðriki Dór. Nýtt myndband við
smellinn hans „Hlið við hlið“ er
nú komið í spilun og sýnir Friðrik
umvafinn keppendum í Ungfrú
Reykjavík. Sena hefur gert samn-
ing við Friðrik og er fyrsta platan
væntanleg í haust.
Söngvarinn Daníel Óliver setti
fyrsta lagið sitt, „Dr. Love“, í loft-
ið í janúar og hefur fengið góð
viðbrögð við því. Hann tók þátt í
Idol 2006 en hefur haldið sig til
hlés þar til nú. „Næsta lag dettur
örugglega inn í apríl og svo stefn-
ir maður bara á plötu, kannski á
þessu ári,“ segir hann. „Dr. Love“
vann Daníel með Kristjáni Eldjárn
úr hljómsveitinni Sykur og hann
vinnur líka mikið með pródús-
ernum Andra Ramirez. „Ég flyt
danspopp og syng að sjálfsögðu
á íslensku. Mér finnst vera mikil
vöntun á svona músík á Íslandi.
Haffi er reyndar að gera svipaða
hluti, en hann syngur allt á ensku
og Friðrik er í R&B-inu. Mér finnst
þeir reyndar báðir mjög góðir.“
Nokkrir fleiri í þessari FM957-
deild poppsins hafa verið að vekja
á sér athygli. Scooter-lega stuð-
hljómsveitin Ariba frá Ísafirði
sendi nýlega frá sér lagið „Partý
allsstaðar“ og Júlí Heiðar hefur
vakið á sér athygli með lögunum
„Nýja hún“ og „Blautt dansgólf“.
Hvanndalsbræður eru reynd-
ar ekki FM-band þótt þeir heyr-
ist þar. Strákarnir slógu í gegn í
fyrra með lögunum „La-la-lagið“
og „Vinkona“. Þeir sleikja nú sárin
eftir tapið í Eurovision og taka upp
nýja plötu. Hún kemur út í maí.
Þá eru það Ingó og Veðurguðirn-
ir. Ingó útilokar ekki að ný plata
komi út á þessu ári. „Það kemur
allavega splúnkunýtt lag í næstu
viku sem heitir „Ef ég ætti konu“.
Það er dægurlag með umhugs-
unarverðum texta,“ segir Ingó.
„Næsta lag þar á eftir heitir senni-
lega „Adios Amigos“ og er dans-
lag með suður-amerísku ívafi. Ég
samdi það úti í Argentínu. Það
verður áhugavert fyrir mig sem
lagahöfund að fá viðbrögð við
því.“
Ingó segist eiga bunka af nýjum
lögum og er nokkuð viss um að ný
Veðurguða-plata komi út á end-
anum. „Ég veit bara ekki hvern-
ig spilast úr þessu ári. Ég verð á
fullu með Selfossi sem er komið í
úrvalsdeildina og bandið er mikið
bókað líka. Ég er búinn að fá mér
dagbók til að koma þessu öllu heim
og saman.“
Hvað er í popp-pokunum?
Nýjasta myndband Gus-
Gus, við lagið „Thin
Ice“, er komið á Netið.
Þetta er annað smá-
skífulag sjöundu breið-
skífu sveitarinnar, 24/7,
sem kom út í fyrra.
Myndbandinu leikstýrðu
Heimir Sverrisson og
Jón Atli Helgason. Þeir
leikstýrðu einnig mynd-
bandi GusGus við lagið
„Add this Song“ sem
sýndi strákana á spít-
ala. Í nýja myndbandinu má sjá strákana í
jakkafötunum sínum í Fellahverfinu í Breið-
holti. Allt er frekar grátt og guggið þangað
til þremenningarnir mæta á svæðið. Meðal
leikenda eru nemendur
úr Fellaskóla og Breið-
holtsbúar sem tóku
fagnandi þátt eftir að
hafa móttekið skriflega
beiðni leikstjóra.
Gus Gus fór í vel-
heppnaða tónleikaferð
um Evrópu á haustmán-
uðum í fyrra en hefur
verið undir feldi síðustu
mánuði. Þremenning-
arnir ætla að láta ljós
sitt skína á heimavelli
sínum, Nasa við Austurvöll, 19. mars næst-
komandi og mun koma fram ásamt unglið-
unum í Retro Stefson og sænsku chillwave-
sveitinni Air France.
GusGus í Fellunum
GUSGUS Stífpressaðir í Fellunum.
ÍSLENSKAR POPP-
STJÖRNUR 2010
Haffi gefur út Freak í maí,
Daníel syngur um Dr.
Love og Ingó á bunka
af lögum.