Fréttablaðið - 11.03.2010, Blaðsíða 52

36 11. mars 2010 FIMMTUDAGUR
folk@frettabladid.is
Söngkonan Amy Winehouse ætlar
að giftast aftur fyrrum eigin-
manni sínum, eiturlyfjasjúklingn-
um Blake Fielder-Civil. Breskir
fjölmiðlar greindu frá því í gær
að Amy ætli að giftast Blake í Las
Vegas. Þau gengu í hjónaband á
Miami árið 2007 en skildu svo í
fyrra.
„Þau eru harðákveðin í því að
gifta sig og hafa ákveðið að gera
það í Vegas,“ sagði vinur pars-
ins í viðtali við The Sun. „Amy
vill ekki hefðbundið brúðkaup,
hún vill að það verði í líkingu
við fyrra brúðkaup þeirra. Hins
vegar vildi hún ekki að það yrði á
Miami því það gæti verið slæm-
ur fyrirboði. Hún getur ekki hætt
að tala um framtíð þeirra saman,“
segir vinurinn.
Amy hefur nýverið fest kaup á
glæsilegu húsi í Camden-hverf-
inu í London, sannkölluðu fjöl-
skylduhúsi að sögn vina henn-
ar. Talsmaður Amy sagði í gær
að ekki væri rétt að brúðkaupið
færi fram í Las Vegas. Til þess
væri söngkonan of upptekin við
vinnu sína auk þess sem Blake
væri í eiturlyfjameðferð og gæti
ekki ferðast þangað.
Amy giftist dópistanum aftur
ÁSTFANGIN Amy Winehouse hefur kom-
ist að þeirri niðurstöðu að stóra ástin í
lífi hennar sé fyrrum eiginmaðurinn.
NORDICPHOTOS/GETTY
Sjónvarpið tekur sjöttu seríu
sjónvarpsþáttarins Lost til sýn-
ingar 3. maí næstkomandi. Þetta
er síðasta sería þáttanna og ætti
öllum spurningum að verða svar-
að þegar þættirnir átján í seríunni
hafa verið sýndir – eða ekki! Síð-
asti þáttur fimmtu seríu endaði á
sprengingu eftir að Dr. Jack Shep-
ard henti kjarnorkusprengju ofan í
brunn. Þá var árið 1977. Spennandi
verður að sjá hvaða yfirnáttúru-
legu flækjur handritshöfundarnir
bjóða upp á næst. Úti í Bandaríkj-
unum var byrjað að sýna síðustu
seríuna 2. febrúar og verður tvö-
földum lokaþætti sjónvarpað 23.
maí.
Lost byrjar í maí
HUGO „HURLEY“ REYES Skyggni millj-
ónamæringurinn í Lost.
Kimono heldur útgáfutónleika sína í
Íslensku óperunni í kvöld. „Þetta eru
„stærstu“ tónleikar okkar miðað við
hvað við erum að leggja í þetta,“ segir
Gylfi Blöndal, einn meðlima sveitarinn-
ar. „Óperan er stórt hús, einstaklega fal-
leg í sinni upprunalegu mynd og þessir
tónleikar verða mikið sjónarspil. Aukal-
eikarar stíga á svið, gríðarlegt ljósasjó
verður sett upp og visjúalar í þrívídd
sem Hafsteinn Michael Guðmundsson
listmálari og Máni M. Sigfússon vídeó-
listamaður (og bróðir Sindra Seabear)
hafa sett saman.“
Gylfi segir bandið ætla að spila meira
og minna allt sem það kann. „Við ætlum
að taka langt prógramm sem saman-
stendur af strengjasveit sem spilar
þrjú eldri lög með okkur í upphafi tón-
leika, við komum svo inn í einu lagi áður
en við tökum sviðið alveg yfir og leik-
um plötuna auk safns eldri laga. Karl
Daði Lúðvíksson, bassaleikari Lights on
the Highway, spilar með okkur í eldri
lögum.“
Gylfi segir það nokkuð metnaðarfullt
að taka Óperuna undir tónleikana. „Já,
það eru ekki margar íslenskar indie-
hljómsveitir sem treysta sér í Óperuna,
en við vildum, eftir tæplega tíu ára feril,
færa okkur yfir í stærri og íburðar-meiri
tónleika. Á sama tíma viljum við sýna
öðrum hvernig hægt er að gera svona
metnaðarfull sjó, með von um að fleiri
sveitir fylgi í kjölfarið. Í haust er hug-
myndin að ferðast til Evrópu með álíka
dæmi og setjum við þá stefnuna á stærri
tónleikastaði, leikhús og svo framvegis.“
- drg
Mikill metnaður í Kimono
TÍU ÁRA KIMONO Spilar í Óperunni í kvöld. Frá
vinstri eru þeir Kjartan, Alex og Gylfi.
FRÉTTABLAÐIÐ/VILHELM
> ROBBIE HNEYKSLAR
Söngvarinn Robbie Williams lýsti á dög-
unum aðdáun sinni á kannabisefnum,
jafnvel þótt fíkniefnin hafi haft áhrif
á geðheilsu hans og valdið því að
hann hlóð utan á sig kílóunum.
Um tíma íhugaði hann sjálfsvíg á
meðan hann var í neyslu. „Gras
er frábært dóp. Því miður hent-
ar það mér ekki,“ sagði Robbie
Williams samt sem áður.
Bandaríski leikarinn Corey
Haim lést í gær. Talið er
að hann hafi óvart tekið of
stóran skammt af lyfseðils-
skyldum lyfjum. Haim
fannst inni á baðherbergi í
íbúð móður sinnar og fjög-
ur lyfjaglös fundust hjá
honum.
Samkvæmt fréttavefnum TMZ
hafði Haim verið með flensu síð-
ustu daga, en lyfin sem fundust
tengdust ekki þeim veikindum.
Engin ólögleg lyf fundust, sam-
kvæmt heimildum TMZ.
Corey Haim skaust upp á
stjörnuhimininn á níunda ára-
tugnum, þá ungur að árum. Hann
lék í myndum á borð við Lucas,
Murphy’s Romance, The Lost
Boys, License to Drive og Dream
a Little Dream – oft ásamt nafna
sínum og félaga Corey Feldman.
Corey Haim höndlaði vinsæld-
irnar ekki vel og sökk djúpt ofan í
eiturlyfjaneyslu. Kvikmyndirnar
sem hann lék í nutu sífellt minni
vinsælda og árið 1997 varð hann
gjaldþrota. Einu eignir hans þá
voru tíu ára gamall BMW, 100
dollarar í reiðufé og höfundar-
réttur að andvirði 7.500 dollara.
Árið 2007 sneru Corey og nafni
hans Feldman bökum saman og
komu fram í raunveruleikaþátt-
unum The Two Corey‘s. Tvær
þáttaraðir voru framleiddar og
allt benti til þess að þeir væru
komnir á beinu brautina. Haim
fékk hlutverk á ný og lék í tveim-
ur myndum sem áttu að koma út
í ár.
atlifannar@frettabladid.is
Corey Haim tók
of stóran skammt
SJÚSKAÐUR Corey Haim var háður eiturlyfjum á tíunda áratugnum. NORDICPHOTOS/GETTY
FÉLAGAR Corey Feldman og Corey Haim
léku saman í fjölmörgum myndum á
níunda áratugnum.