Fréttablaðið - 11.03.2010, Blaðsíða 50

34 11. mars 2010 FIMMTUDAGUR
bio@frettabladid.is
Sandra Bullock stendur á
hátindi ferils síns eftir að
hafa fengið Óskarinn fyrir
hlutverk sitt í The Blind
Side. Hún hefur ávallt notið
mikilla vinsælda í Banda-
ríkjunum þrátt fyrir að
gagnrýnendur hafi ekki
ávallt verið sáttir við
frammistöðu hennar.
Sandra Bullock vakti fyrst athygli
í hasarmynd Sylvester Stallone,
Demolition Man. Hún sló ræki-
lega í gegn í ofurtryllinum Speed
á móti Keanu Reeves og lék í
nokkrum vinsælum myndum í
framhaldinu. Framhaldsmyndinni
Speed 2 gekk aftur á móti hrylli-
lega og næstu myndum Bullock
gekk fremur illa í miðasölunni.
Smám saman hefur hún þó fikrað
sig upp á við. Tvær tekjuhæstu
myndir hennar til þessa komu
út í Bandaríkjunum í fyrra, The
Proposal og The Blind Side, og
segja má að hún sé loksins komin
á toppinn á ferli sínum. 44 ára að
aldri afsannar hún þá kenningu að
eftir því sem konur eldast í Holly-
wood gangi þeim verr. Samkvæmt
fyrirtækinu The Numbers, sem
tekur saman aðsóknartölur vest-
anhafs, hafa myndir hennar náð
inn 1,7 milljörðum dollara í miða-
sölunni og alls 3,1 milljarði um
heim allan. Til marks um miklar
vinsældir Bullock í heimalandinu
hefur hún fimm sinnum hlotið
People´s Choice-verðlaunin sem
vinsælasta leikkonan í Bandaríkj-
unum. Það hvernig hún tók á móti
Razzies-skammarverðlaununum
með glöðu geði fyrir floppið All
About Steve degi áður en hún fékk
Óskarinn var örugglega ekki til að
draga úr vinsældum hennar.
freyr@frettabladid.is
Stendur á hátindi ferilsins
MEÐ ÓSKARINN Sandra Bullock með Óskarsverðlaunin sem hún fékk fyrir hlutverk sitt í The Blind Side. NORDICPHOTOS/GETTY
1993: Demolit-
ion Man
58
250
200
150
100
50
0
121
81
108
48 46
52
1
106
93
48 54
164
33
250
1994: Speed
1995: While You Were
Sleeping
1997: Speed 2
1998: Practical
Magic
1999: Forces of Nature
2000: Gun Shy
2000: Miss Congeniality
2002: Two Weeks Notice
2005: Miss Congeniality 2
2005: Crash
2009: The Proposal
2009: All About Steve
2009: The Blind Side
1996: A Time To Kill
M
ill
jó
ni
r d
ol
la
ra
TEKJUR Í N-AMERÍKU Í MILLJÓNUM DOLLARA
> Á ÓSKALISTANUM
Grallarinn Sacha Baron Cohen og
Jemaine Clement úr Flight Of The
Conchord eru á óskalista framleið-
enda Men In Black 3 um að leika per-
sónuna Yaz. Í myndinni ferðast per-
sóna Wills Smith aftur í tímann og
hittir þar unga útgáfu af Tommy
Lee Jones, sem Josh Brolin
mun hugsanlega leika.
Áhorfið á Óskarsverðlaunin síðasta sunnudagskvöld
var það mesta í fimm ár í Bandaríkjunum.
Tæplega 41 milljón sjónvarpsáhorfenda fylgdist með
athöfninni sem er það mesta frá árinu 2005. Það er
14 prósentum meira áhorf en á síðustu hátíð þegar
Slumdog Millionaire sópaði til sín helstu verðlaunun-
um. Þá fylgdust 36,3 milljónir áhorfenda með.
Svo virðist sem þær breytingar sem hafa verið
gerðar á Óskarnum hafi svínvirkað. Myndunum
sem kepptu í flokknum besta myndin var fjölgað úr
fimm í tíu og voru því fleiri vinsælar myndir með í
baráttunni um þessi æðstu verðlaun Hollywood, þar
á meðal Avatar og Up. Barátta hjónanna fyrrver-
andi, Kathryn Bigelow og James Cameron, um kjör
á besta leikstjóranum, var einnig mikið í umræð-
unni fyrir athöfnina og hafði það vafalítið sín áhrif.
Sömuleiðis hafði keppni The Hurt Locker og Avatar
sitt að segja, sem sú fyrrnefnda vann örugglega, og
sú staðreynd að kynnarnir voru tveir í fyrsta sinn
frá síðari heimsstyrjöldinni, eða þeir Steve Martin
og Alec Baldwin.
Vinsælasta Óskarshátíðin til þessa var haldin árið
1998 þegar 55 milljónir Bandaríkjamanna sáu Titan-
ic jafna met með því að vinna til ellefu verðlauna. - fb
Mesta Óskarsáhorfið í fimm ár
KATHRYN BIGELOW Bigelow varð fyrst kvenna til að fá Óskar-
inn fyrir leikstjórn fyrir myndina The Hurt Locker.
Stórleikarinn Robert De Niro
hefur tekið að sér aðalhlutverk-
ið í nýrri mynd um hinn þekkta
bandaríska ruðningsþjálfara
Vince Lombardi. Myndin fjallar
um það góða starf sem Lombar-
di vann hjá Green Bay Packers
þegar hann gerði liðið að
meisturum. „Það eru
fáir leikarar sem geta
sýnt jafn vel eldmóð
og skapgerð Lomb-
ardi og við erum
mjög ánægð með
að hafa fengið Robert De Niro í
lið með okkur,“ sagði Charles
Coplin, framkvæmdastjóri
NFL-deildarinnar, sem
tekur þátt í gerð mynd-
arinnar. Handritshöfund-
ur verður Eric Roth, sem
síðast vakti athygli fyrir
handritið að The Curi-
ous Case of Benjamin
Button. De Niro fékk
Óskarinn fyrir að leika
hnefaleikakappann
Jake La Motta í hinni
sannsögulegu Raging
Bull og ætti því ekki
að lenda í vandræðum
með Lombardi.
Leikur Lombardi
ROBERT DE NIRO De
Niro leikur í sannsögu-
legri mynd um ruðnings-
kappann Vince Lombardi.
Sena hefur tryggt sér sýningar-
réttinn á sænsku spennumynd-
inni Snabba Cash, sem hefur notið
gríðarlegra vinsælda í heimalandi
sínu. Myndin er byggð á samnefndri
bók Jens Lapidus og vonast forsvars-
menn Senu til að hún fylgi eftir vin-
sældum myndanna sem eru byggð-
ar á metsölubókum Stiegs Larsson.
Rúmlega hundrað þúsund gestir hafa
séð Karla sem hata konur, Stúlkuna
sem lék sér að eldinum og Loft-
kastalann sem hrundi. „Við hlökk-
um mikið til að frumsýna Snabba
Cash og hún á pottþétt eftir að vekja
mikla athygli og vonandi slá í gegn
hjá spennuþyrstum Íslendingum á
öllum aldri sem eru komnir á bragð-
ið með sænskar spennumyndir,“
segir Jón Gunnar Geirdal hjá Senu
en myndin verður frumsýnd 2. júní.
Jens Lapidus er einn vinsælasti
rithöfundur Svíþjóðar og hafa bæk-
urnar Fundið fé (Snabba Cash) og
Ekkert fokking klúður (Aldrig Fucka
Upp) selst vel hér á landi.
Sena hefur sömuleiðis fest kaup á
dönsku spennumyndinni R sem var
kjörin besta norræna myndin á kvik-
myndahátíðinni í Gautaborg. Þetta
er spennumynd byggð á sannri sögu
um mann sem lendir í fangelsi eftir
að hafa lent í slagsmálum við með-
limi Hell´s Angels.
Veðja á Lapidus í stað Larsson
JENS LAPIDUS Spennumyndin Snabba Cash er
byggð á bók Jens Lapidus sem hefur notið mikilla
vinsælda. FRÉTTABLAÐIÐ/STEFÁN
Hasarmyndin Green Zone og
dramamyndin The Blind Side
verða frumsýndar hérlendis á
morgun. Þær eru báðar byggðar
á sönnum atburðum.
Í The Green Zone leikur Matt
Damon hernaðarsérfræðing sem
svíkur lit til að hafa uppi á ger-
eyðingarvopnum. Myndin er
byggð á bókinni Imperial Life
in the Emerald City eftir blaða-
manninn Rajiv Chandrasekaran
sem hann skrifaði um veru sína
í Bagdad, höfuðborg Íraks. Leik-
stjóri er Paul Greengrass sem
stýrði einnig The Bourne Ultimat-
um með Damon í aðalhlutverki.
Handritshöfundur er Brian Hel-
geland sem er þekktastur fyrir
handritin að L.A. Confidential og
Mystic River. Auk Damons fara
með helstu hlutverk í Green Zone
þau Amy Ryan, Greg Kinnear og
Brendan Gleeson.
Sandra Bullock fékk á dögunum
sín fyrstu Óskarsverðlaun fyrir
leik sinn í The Blind Side. Mynd-
in var einnig tilnefnd sem besta
myndin en tapaði fyrir The Hurt
Locker. The Blind Side er byggð á
bókinni The Blind Side: Evolution
of af Game eftir Michael Lewis.
Hún er sannsöguleg og fjallar um
æsku ruðningskappans Michaels
Oher sem fékk aðstoð frá kristn-
um samtökum til að koma undir
sig fótunum í lífinu. Leikstjóri er
John Lee Hancock og auk Söndru
Bullock leika aðalhlutverkin
sveitasöngvarinn Tim McGraw
og Quinton Aaron.
Leyndarmálin á
Græna svæðinu
GREEN ZONE Matt Damon leikur hern-
aðarsérfræðing í hasarmyndinni Green
Zone.
Hármódel óskast
Í tilefni af 50 ára afmæli Wella á
Íslandi verður haldin glæsileg
hársýning mánudaginn 29.mars
kl 19.30 í Borgarleikhúsinu. Við
leitum að hressum og fl ottum
hármódelum, stelpum og
strákum á aldrinum 18-25 ára.
Lágmarkshæð hjá stelpunum er
165 cm á hæð og fatastærð undir
númer 40. Erum við að leita að þér ?
Skráning hjá HJ ehf í síma
5636300.