Fréttablaðið - 15.04.2010, Blaðsíða 38
15. APRÍL 2010 FIMMTUDAGUR6 ● fréttablaðið ● sófar
Samkvæmt helstu hönnunar-
tímaritum heims mun nátt-
úran eiga upp á pallborðið í
straumum og stefnum hönn-
unar á þessu ári og sést það vel
á sköpunarverkum hönnuða
í efni, lit og formi. Í bland við
hið náttúrulega koma svo inn
mjög svo hressandi neon-
litir því 9. áratugurinn er að
smokra sér aftur inn í hönnun-
arheiminn.
Wallpaper heldur vart vatni yfir
ungum norskum hönnuði, Petter
Skogstad sem fæddur er 1985.
Skogstad er enn í námi en hefur
slegið í gegn og tímaritið nefnir
að aðdáunarvert sé að hönnuð-
urinn leggi út í hönnun flókinna
stærri hluta svo sem sófa þar
sem flestir ungir hönnuðir prófi
sig fyrst áfram á minni hlutum.
Sófinn kallast Hay, og eins og
nafnið gefur til kynna eru form
sófans innblásin af heyböggum.
Danska tímaritið Bolig kaus sóf-
ann líka einn af mest spennandi
hlutum ársins 2010.
Grátt og blátt er að mati
sænsku spekúlantanna hjá tíma-
ritinu Elle Interiör litir árs-
ins enda virð-
ast margir sófahönnuðir kjósa
gráa litinn. Auk þess fullyrðir
ritstjórn tímaritsins,
og fleiri blaða eins og
hins danska Bolig,
að níundi áratugurinn sé að að
lauma sér inn í húsgagnatískuna
og megi það sjá á skærum neon-
litum, bleikum, grænum og
gulum. Slíkt má sjá í litavali
margra hönnuða, einkum í
minni hlutum svo sem borðbún-
aði, lömpum og púðum en þó hafa
hinir djarfhuga hönnuðir hjá By-
blos Casa leikið sér með skærbláa
og skærgula liti og hrært saman
við barokkform og ýmiss konar
efni.
Bolig magasinet í Danmörku
segir sófana í ár eiga að vera gráa
og grábrúna og í ár, rétt eins og
árin á undan, er klassísk hönn-
un frá miðri öldinni afar vinsæl.
Ströng form, í anda hönnunar Le
Corbusiers, einkum í leðursófa-
settum eiga að njóta hefðbund-
inna vinsælda en þó fer einnig að
bera mikið á straumlínulagaðri
formum en áður. - jma
Neonlitir í allri sinni dýrð eru
að verða vinsælir,
að sögn sænska
Elle interiör, þótt
hönnuðir fari
varlega í að nota
jafn afgerandi liti í
heilu sófana. Ítalir
eru þó enn sem
áður óhræddir við
slíkt flipp og Byblos
Casa á heiðurinn að
þessum skræpótta,
gula og bláa sófa.
● BURT MEÐ BLETTINA Þeir sem lenda í því að fá bletti í sófann
sinn ættu að hafa í huga að þótt hægt sé að taka áklæðið af má ekki allt-
af setja það í þvottavél, því oft verður að fara með það í hreinsun. Einnig
má benda fólki á að hægt er að leigja hreinsivélar fyrir sófa í efnalaugum,
sem bleyta sófann og þurrka hann svo aftur. Á minni bletti má kaupa
blettaeyði í stórmörkuðum.
Leðursófaeigendur ættu að forðast að láta sólina skína beint á sófann
meirihluta dags, annars er hætta á að leðrið upplitist. Einnig er gott að
þurrka létt af leðrinu öðru hverju með rökum klút og ryksugan er einnig
góð til síns brúks.
● HÆGINDI FYRIR HUNDINN Sumir láta hundinn jafnan sofa til
fóta og stálpuðum börn-
um þykir notalegt að láta
hann kúra hjá sér en þó
er það ekki talið ráðlegt
að staðaldri. Því þurfa allir
hvuttar að eiga sitt eigið
bæli þar sem vel fer um
þá og þeir njóta friðar og
svefns. Til eru húsgögn
sem hæfa þessum heimil-
isvinum ágætlega og sum
þeirra líkjast óneitanlega hægindum hinna tvífættu „í fjölskyldunni“.
Bjartasta von húsgagnahönnunar er að sögn blaðsins Wall-
paper Norðmaðurinn Petter Skogstad. Þessi sófi frá honum
kallast einfaldlega „Hay“.
Neonlitir og mýkri form
Formin í ár verða hrein
og bein, svo sem í sófa Le
Corbusiers, en straumlínu-
lagaðari og mýkri form, svo
sem hjá Finn Juhl, eru þó
farin að sýna sig.