Fréttablaðið - 08.05.2010, Síða 25

LAUGARDAGUR 8. maí 2010 25
Um næstu áramót er fyrir-hugað að færa málefni fatl-
aðra frá ríki til sveitarfélaga og
munu þessi áform hafa áhrif á
um 1200 félagsmenn SFR sem
starfa að málefnum fatlaðra um
land allt. SFR hefur ásamt öðrum
hagsmunaaðilum komið að breyt-
ingarferlinu m.a. með setu sinni
í starfshópi á vegum félagsmála-
ráðuneytisins um réttindi og stöðu
starfsmanna við yfirfærsluna.
Ljóst er að það ríkir djúpstæður
ágreiningur á milli SFR og Sam-
bands íslenskra sveitarfélaga um
hvernig farið verður með réttindi
starfsmanna við yfirflutninginn.
Sambandið setur sig alfarið gegn
heildartryggingu á réttarstöðu
starfsmanna og hefur gefið út
þá yfirlýsingu að það muni ekki
semja við SFR um kaup og kjör
þeirra starfsmanna sem nú eru
í félaginu. Við flutninginn munu
starfsmenn falla undir annan
kjarasamning. SFR hefur mót-
mælt þessum áformum harðlega,
enda fá allir aðrir starfsmenn
málefna fatlaðra að vera áfram í
sínu stéttarfélagi og leggur félag-
ið þunga áherslu á að félagsmenn
í SFR njóti sömu mannréttinda og
aðrir starfsmenn málaflokksins.
Félagsmálaráðuneytið vonast til
þess að sátt um starfsmannamál-
in og stéttarfélagsaðild náist sem
fyrst þannig að vinna við undir-
búning lagafrumvarps geti farið
fram með eðlilegum hætti. Tíma-
áætlun sem lögð var til grundvall-
ar flutningnum er löngu sprung-
in. Til stóð að lagafrumvörp sem
varða málaflokkinn yrðu lögð
fyrir Alþingi um mánaðamótin
mars-apríl á þessu ári. Nú er ljóst
að það mun gerast í fyrsta lagi á
haustþingi. Starfshópur félags-
málaráðuneytisins um starfs-
mannamálin hefur meira og
minna verið óstarfhæfur síðan
í byrjun desember vegna stífni
sambandsins. Málefni starfs-
manna eiga samkvæmt tímaá-
ætluninni að liggja fyrir í maí en
miðað við framgang mála í starfs-
hópnum eru litlar líkur á að það
mál skýrist fyrir sumarið. Verk-
efnisstjóri félagsmálaráðuneytis-
ins vegna flutningsins hefur tjáð
SFR að ekki standi til að klára
vinnu varðandi lagafrumvörp
fyrr en sátt væri ríkjandi um
starfsmannamálin. Að mati SFR
er þetta algjört grundvallaratriði
og er því ólíklegt að frumvörpin
liggi fyrir snemma á haustþingi.
Starfsnám stuðningsfulltrúa
hófst árið 1993 og hefur á und-
anförnum árum verið lagður
mikill metnaður í að auka færni
starfsmanna innan málefna fatl-
aðra. SFR hefur áhyggjur af fjár-
hagsramma sveitarfélaganna til
að standa myndarlega að þess-
um þætti í framtíðinni, t.d. að
því hvernig núverandi nám verði
metið til launa í nýjum aðstæð-
um og launakerfi. SFR hefur lagt
mikla áherslu á að fagþekking og
reynsla tapist ekki við yfirfærsl-
una og að réttindi starfsfólks verði
tryggð með lagasetningu, bæði
hvað varðar rétt til kjarasamn-
ingsgerðar, rétt til áframhaldandi
aðildar að Lífeyrissjóði starfs-
manna ríkisins og til þess réttar
til að vera áfram í SFR. Starfs-
fólk í þjónustu við fólk með fötl-
un hefur vaxandi áhyggjur af því
að launakjör og réttindi verði ekki
tryggð við yfirfærsluna til sveit-
arfélaganna. Krafa félagsmanna
SFR er mjög skýr og einróma; að
starfsfólk sem eru félagsmenn
í SFR, haldi félagsaðild sinni í
félaginu og tryggi þannig réttindi
sín og starfskjör.
Ljóst er að fyrirhugaður flutn-
ingur má ekki undir nokkrum
kringumstæðum eiga sér stað
nema til þess að auka gæði þjón-
ustunnar við fólk með fötlun.
Ef ekki verður komið til móts
við þarfir starfsfólks, þannig að
þekking, reynsla og kjör verði
tryggð, verður erfitt að uppfylla
þessar kröfur. Núverandi staða í
málinu er því mikið áhyggjuefni
þegar takast skal á við verkefni af
þessari stærðargráðu. SFR krefst
þess að unnið verði að því að eyða
þeirri óvissu sem ríkir um starfs-
öryggi félagsmanna SFR innan
málaflokksins þannig að hægt
verði að vinna að því að efla þjón-
ustu við fólk með fötlun og bæta
hana eins og best getur.
Tímamót í þjónustu við fatlaða
Málefni fatlaðra
Alma Lísa
Jóhannsdóttir
starfsmaður hjá SFR
Starfsfólk í þjónustu við fólk með fötlun hefur vaxandi áhyggjur
af því að launakjör og réttindi verði ekki tryggð við yfirfærsluna
til sveitarfélaganna.