Fréttablaðið - 08.05.2010, Page 82

42 8. maí 2010 LAUGARDAGUR
Máttur sam-
stöðu í Eyjum
E ldgosið í Eyjafjallajökli á hug þjóð-arinnar um þessar mundir. Aska úr gosinu veldur búsifjum bæði undir Eyjafjallajökli og í Vestur-Skaftafells-
sýslu. Skammt undan landi rísa Vestmannaeyj-
ar þar sem eldar loguðu í Heimaey árið 1973.
Gunnar V. Andrésson fangaði á ljósmyndir
eyðilegginguna sem átti sér stað þegar hluti
bæjarins fór undir hraun, hús eyðilögðust í
eldi og vikur huldi smám saman allt sem fyrir
var. Vestmannaeyingum og þjóðinni allri tókst
með samtakamætti að hýsa alla íbúa eyjar-
innar á fáeinum dögum og koma í veg fyrir að
tjón yrði enn meira en raun bar vitni.
GREYPT Í MINNI Íbúi ryður hér vikri frá horni húss síns og taldi
fullvíst að hann væri að kveðja það fyrir fullt og fast. Húsinu tókst þó
að bjarga eins og svo mörgum öðrum með samstilltu átaki við að
hreinsa burt vikur.
BRUNARÚSTIR Fjöldi húsa brann í gosinu og margir misstu gullin sín.
UMFANGSMIKLIR FLUTNINGAR Vestmannaeyingar reyndu að forða sem mestu af eigum sínum í land. Fluttir voru bílar, búslóðir
og eins mikið lauslegt og hægt var.
VATNSKÆLING HRAUNS Eitt þeirra kraftaverka sem unnið var í Vestmannaeyjagosinu var vatnskæling
hrauns til að draga úr framrás þess. Aldrei verður metið að fullu hver áhrif kælingarinnar voru en víst er að
hún hægði á hraunstraumnum og bjargaði þannig miklu.
MEINLEYSISLEGT Í FYRSTU Þessi mynd er tekin á fyrsta degi Vestmannaeyjagossins. Þá leit gosið tiltölulega
meinleysislega út og engan grunaði hvað koma skyldi. Til vinstri sést austasti hluti bæjarins sem nú er á 70
metra dýpi undir hrauni.
HEIMAEY NÚ Á þessari mynd sést vel hvernig hraunið rann yfir hluta Vestmannaeyjabæjar. Sömuleiðis má sjá hvernig það þrengdi innsiglinguna
og bætti með því höfn Vestmannaeyinga. Litlu munaði þó að verr færi því um tíma var tvísýnt um hvort hraunið myndi loka höfninni.