Fréttablaðið - 08.05.2010, Qupperneq 95

LAUGARDAGUR 8. maí 2010
Leikkonan Lindsay Lohan átti
fangelsisvist yfir höfði sér vegna
brots á skilorði fyrir skömmu
síðan. Lohan bar skylda til að
sækja námskeið um skaðleg
áhrif áfengis en hafði ekki séð
sér fært að mæta þar til dómari
nokkur hótaði henni fangelsis-
vist. Leikkonan sótti því fyrsta
tímann fyrr í vikunni en að nám-
skeiðinu loknu ákvað hún að fara
á skemmtistaðinn Las Palmas
og fá sér nokkra drykki. Lohan
sást yfirgefa staðinn í annarlegu
ástandi klukkan hálf þrjú að
nóttu til.
Lærir seint
LÆRIR ALDREI Lindsay Lohan sótti nám-
skeið um skaðleg áhrif áfengis og skellti
sér á barinn á eftir. NORDICPHOTOS/GETTY
Jake Gyllenhaal segist ekki hafa
getað hafnað hlutverkinu í ævin-
týramyndinni Prince Of Persia
sem er á leiðinni í bíó. Þar leikur
hann hetjuna Dastan sem lendir
í alls konar hremmingum. „Þetta
var svo ólíkt mér að ég varð að
prófa þetta. Að hlaupa um og
berjast með sverðum er eitthvað
sem mig hefur alltaf dreymt
um,“ sagði Gyllenhaal, sem
skemmti sér konunglega við tök-
urnar. Til að undirbúa sig fyrir
hlutverkið fór hann í gegnum
sex mánaða þjálfunarbúðir sem
reyndu mjög á líkama og sál.
Ekki hægt að
hafna Prince
JAKE GYLLENHAAL Gat ekki hafnað
hlutverkinu í ævintýramyndinni Prince
of Persia.
Í tilefni 20 ára afmælis Kaffi-
társ í ár verður boðið til afmæl-
ishátíðar í öllum kaffihúsum
fyrirtækisins í dag. Boðið verð-
ur upp á uppáhellt Brasilíukaffi
og súkkulaðiköku ásamt heims-
kaffistemningu. Í kaffihúsunum
gætir áhrifa frá kaffiræktunar-
löndunum og hafa þau hvert og
eitt þema frá hverju landi fyrir
sig. Þannig verður tónlistaratriði
frá Brasilíu í Höfðatorgi kl. 13-
15, skreytingar og stemning
frá Indónesíu í Kringlunni og á
Stapabraut, Kólumbía í Smára-
lind, Gvatemala í Bankastræti,
Afríka í Þjóðminjasafninu og
tónlistaratriði og Níkaragva í
Flugstöðinni.
Hátíð hjá
Kaffitári
Tilboð óskast í timburhús
Tilboð óskast í þrjú timburhús byggð af nemendum Tækniskólans.
Húsin eru 16 m2 að stærð og afhendast tilbúin að utan. Tvö hús
afhendast einangruð og veggir klæddir með gifsi og loft með panel
klæðningu. Eitt hús afhendist einangrað með rakavörn.
Tilboð berist fyrir 20. maí 2010. Áskilið er að taka hvaða tilboði sem
er eða hafna öllum.
Húsin eru til sýnis eftir samkomulagi og nánari upplýsingar veitir
Guðmundur Hreinsson skólastjóri Byggingatækniskólans,
ghr@tskoli.is, sími: 514 9101.
www.tskoli.is