Fréttablaðið - 03.06.2010, Blaðsíða 38
3. JÚNÍ 2010 FIMMTUDAGUR2 ● fréttablaðið ● skólar og námskeið
Anna Kristín Guðnadóttir
þreytti sveinspróf í bifreiða-
smíði fyrir nokkrum dögum
en hún hefur verið nemandi í
greininni við Borgarholtsskóla
síðustu þrjú árin og rúmlega
það.
„Jú, ég er fyrsta konan til að út-
skrifast úr bifreiðasmíði úr Borgar-
holtsskóla og líklega í fyrsta skipti
sem kona útskrifast hérlendis yfir-
höfuð úr faginu. Að minnsta kosti
að því er við best vitum og Hagstof-
an hafði ekki upplýsingar um nein-
ar aðrar konur úr faginu,“ segir
Anna Kristín. Hún starfar, og hefur
starfað samhliða náminu, sem bif-
reiðasmiður hjá Toyota Kletthálsi.
„Þegar ég kláraði stúdentsprófið
var ég mikið að spá í framhaldsnám
og fékk þá hugmynd í hausinn að
það gæti verið sniðugt að læra ein-
hverja iðngrein, þar sem ég þyrfti
bæði að nota hendurnar og haus-
inn. Bílaáhugi hefur alltaf blundað
í mér en ég hafði aldrei gert neitt
við þann áhuga þegar ég ákvað að
skella mér í námið.“ Kristín Anna
segist rekja áhugann til föður síns
sem starfaði sem löggiltur bifreiða-
sali þegar hún var barn og hún var
því oft að snattast með honum í
kringum bifreiðar.
„Námið sjálft var mjög skemmti-
legt. Verklegi hluti námsins hefur
líklega verið meira en helmingur.
Áfangarnir voru teknir fyrir, einn
í einu, og að nokkrum vikum lokn-
um voru lokapróf strax í greinun-
um. Þannig var maður ekki í tíu
fögum í einu yfir önnina og fyr-
irkomulagið er mjög þægilegt.“
Megin markmið námsins er að gera
útskrifuðum bifreiðasmiðum kleift
að gegna störfum við uppbyggingu
og viðgerðir burðarvirkja og yfir-
bygginga allra helstu gerða öku-
tækja og eftirvagna. Náminu lýkur
með sveinsprófi sem veitir rétt til
starfa í iðngreininni og gildir einn-
ig sem inngöngumiði í nám til iðn-
meistaraprófs.
„Við lærum að log- og rafsjóða,
bílaréttingar og smíðar og í náminu
smíðuðum við nemendurnir meðal
annars afturbretti á rútu, ótal sílóa
á bíla og sveinsstykkið var legu-
bekkur á hjólum sem notaður er til
að renna undir bíla fyrir viðgerð-
ir. Bekknum er svo líka hægt að
breyta í stól. Bekkurinn gilti þrjá-
tíu prósent af sveinsprófinu og svo
þurftum við einnig að rétta hurð,
mæla bíl í réttingarbekk, ljósa-
stilla, sjóða brotinn stuðara og ým-
islegt.“
Í frítíma dundar Anna Krist-
ín sér við að gera upp Volkswagen
Golf, árgerð 1985, blæjuútgáfu. „Ég
fann bílinn tjónaðan og það eru að-
eins til fjórar svona týpur á land-
inu. Það má segja að allur aukatími
fari í að huga að honum og hann er
rétt í þessu að verða tilbúinn. Ann-
ars er ég allan daginn í drauma-
starfinu, maður er frjáls og getur
lagt allan sinn metnað í að gera
hlutina vel. Nei, þetta er sjaldnast
líkamlega erfitt. En maður þarf að
vera mjög þolinmóður, smámuna-
samur og hafa smá fullkomnunar-
áráttu.“ - jma
Áhuginn kviknaði í æsku
Anna Kristín Guðnadóttir er nýútskrifuð með sveinspróf í bifreiðasmíði. Hún segir að í starfið þurfi þolinmæði og nákvæmni.
FRÉTTABLAÐIÐ/VALLI
Umsóknarfrestur um háskólanám
á haustönn er alveg að renna út
víðast hvar ef hann er ekki þegar
liðinn.
Þótt nemendur séu nýsloppn-
ir út í sumarið verða þeir að huga
að áframhaldandi námi ef það er á
dagskrá í haust því tíma-
takmarkanir eru á um-
sóknum.
Þeir sem hyggja á
nám í framhalds-
skólum lands-
ins í haust hafa
væntanlega
þegar sótt
um en hafa
frest til
11. júní
t i l a ð
breyta
þeim umsóknum. Iðnskólinn í
Hafnarfirði hefur lokað fyrir um-
sóknir, samkvæmt sinni heima-
síðu en Tækniskólinn (tskoli.is)
tekur enn við umsóknum í dreifn-
ám (áður kvöld- og fjarnám) og
Meistaraskólann.
Í Háskóla Íslands
(hi.is) og Háskólanum
á Akureyri (unak.is)
er umsóknarfrest-
ur um grunnnám til
5. júní, í Keili (keilir.
net) til 7. júní og Bif-
röst (bifrost.is) til 15.
júní. Listaháskólinn,
Háskólinn á Hólum, og
Háskólinn í Reykjavík
hafa þegar lokað fyrir
umsóknir.
- gun
Frestur að renna út
Hrafnseyri, Háskólasetur Vest-
fjarða og Fræðslumiðstöð Vest-
fjarða bjóða upp á helgarnámskeið í
strand- og menningarferðamennsku
á Hrafnseyri helgina 11 til 13. júní.
„Ég mun fjalla um menningar-
ferðamennsku. Hrafnseyri og
safn Jóns Sigurðssonar verður
tekið sem dæmi um menningar-
ferðamennsku,“ segir Valdimar
Jón Halldórsson staðarhaldari á
Hrafnseyri og fyrirlesari á laug-
ardeginum. „Síðan verða menn
kynntir fyrir þróun félagsfræði-
legra rannsókna í ferðamennsku
undanfarna áratugi og helstu
áherslum fræðimanna á þessu
sviði í dag. Að endingu verður
fjallað um hvernig ferðamennsk-
an tengist sífellt meira sjálfsmynd
fólks.“
Eftir að fyrirlestrum lýkur á
laugardeginum verður farið í bát til
Bíldudals þar sem Skrímslasafnið
verður skoðað.
Á sunnudaginn mun Marc L. Mill-
er prófessor frá Washington-háskóla
fjalla um strandferðamennsku. „Og
þau tækifæri sem strandsvæði bjóða
ferðafólki, bæði hvað varðar nátt-
úru og menningu.“
Námskeiðið er kennt bæði á ís-
lensku og ensku en það gefur 2 ECT
háskólaeiningar. - mmf
Erlendur fyrirlesari í
sumarháskólanum
Námskeiðið er haldið á Hrafnseyri helgina 11. til 13. júní. FRÉTTABLAÐIÐ/ANTON
●SKÓLABÚÐIR Í SVEITINNI Skólabúðir hafa verið starfræktar í
Kiðagili í Bárðardal frá árinu 2003. Tekið er á móti hópum grunnskóla-
barna og boðið upp á margvíslega pakka, sérsniðna að hópunum eftir
aldri og þörfum. Hóparnir gista í Kiðagili og fá að kynnast lífi og störfum
í sveitinni. Meðal þess sem boðið er upp á í skólabúðunum er vinna með
handverk og hverfandi starfshætti en þar fá nemendur meðal annars
að kynnast ullarþæfingu og jurtalitun. Einnig fara hóparnir í heimsókn á
bóndabæi og kynnast hefðbundnum sveitastörfum, kynnast heimaraf-
stöðvum og stuttmyndagerð svo eitthvað sé nefnt.
Nánar má kynna sér dagskrá skólabúðanna á heimasíðunni www.
kidagil.is
Fræðslunámskeið með Sirrý í Heilsuborg
í kvöld 3. júní, kl. 19.30.
„Fylltu á tankinn í sumar“
Sirrý er félags- og
fjölmiðlafræðingur
og hefur áralanga og
farsæla reynslu af
námskeiðahaldi
í samskiptafærni
Fyrirlestur, vinnustofa, léttar veitingar,
frír vikupassi og happdrættisvinningar!
Síðast var uppselt. Aðeins 40 manns komast
að í þetta skipti. Verð aðeins kr. 2.500.-
Skráðu þig núna í síma 560 1010 eða á
heilsuborg@heilsuborg.is
● FUNDAÐ Í GRÍMSNESI
Í Sesseljuhúsi að Sólheimum í
Grímsnesi verða haldnir fræðslu-
fundir í allt sumar. Sérfræðing-
ar á ýmsum sviðum sem tengj-
ast umhverfismálum munu
fræða almenning. Sérfræðing-
arnir munu flytja stutt erindi
en svo verður farið út og jurtir,
fuglar og landslag skoðað. Fyrsti
fræðslufundurinn er á laugar-
dag klukkan eitt en þá mun
Benedikta Jónsdóttir fjalla um
það hvernig sniðganga megi
kemísk efni í umhverfinu. Nánari
upplýsingar um fræðslufundina
má finna á www.sesseljuhus.is
Fræðslufundirnir verða haldnir
um helgar í sumar og hefjast þeir
klukkan eitt.
Farið er með krakkana í heimsókn á
bóndabæi í Bárðardal. MYND/KIDAGIL.IS