Fréttablaðið - 03.06.2010, Blaðsíða 62

42 3. júní 2010 FIMMTUDAGUR
bio@frettabladid.is
> ZELLWEGER Í PARTÝ-MYND
Renée Zellweger hefur fengið hlutverk
í kvikmyndinni Pilage sem er byggð á
samnefndri skáldsögu Brantly Martin og
segir frá leit fjögurra New York-vina að
hinu fullkomna partýi í borginni.
Gamanmyndin Get him to the Greek
verður frumsýnd um helgina. Myndin er
ekki sjálfstætt framhald kvikmyndarinn-
ar Forgetting Sarah Marshall, þar sem
áhorfendur fengu að kynnast hinni ófor-
skömmuðu rokkstjörnu Aldous Snow, þótt
Snow sé vissulega miðpunktur myndar-
innar. Þar að auki leikur Jonah Hill eld-
heitan aðdáanda stjörnunnar eins og í
Söruh Marshall-myndinni þótt þær tvær
persónur hans eigi annars lítið sameig-
inlegt.
En án þess að flækja hlutina um of
segir Get him to the Greek frá Aaroni
Green, lærlingi hjá plötufyrirtæki, sem
er fenginn til að fylgja hinni óútreiknan-
legu rokkstjörnu, Aldous Snow, frá Lond-
on til Los Angeles en þar á hann að halda
tónleika í Greek-leikhúsinu. Snow þessi
er frægur sukkari, þykir fátt jafn gaman
og að súpa freyðivín og annað áfengi og
á konu í hverri höfn. Verkefni Greens
er því síður en svo auðvelt enda þvælist
hann um næturlíf stórborganna tveggja
með stjórnlausri stjörnu. Fjöldi þekktra
tónlistarmanna kemur fram í myndinni,
nægir þar að nefna P. Diddy, Lars Ulrich
og Christinu Aguilera.
Breski brjálæðingurinn Russell Brand
hefur hægt og sígandi verið fikra sig upp
metorðastigann á alþjóðlegum vettvangi.
Brand er hins vegar „heimsfrægur“ í
Bretlandi fyrir útvarpsþætti sína, pistla-
skrif, uppistandssýningar og ævisögu
sem fékk frábæra dóma þegar hún kom
út fyrir þremur árum. Hann var langt
leiddur heróínfíkill og áfengissjúklingur
en hefur sigrast á þeim djöflum. Hann er
trúlofaður söngkonunni Katy Perry.
Ólátabelgurinn Snow snýr aftur
BRJÁLÆÐINGUR Russell Brand leikur rokkstjörn-
una Aldous Snow í kvikmyndinni Get him to
the Greek þar sem Jonah Hill fer með hlutverk
saklauss lærlings.
Samkvæmt kvikmyndasíðunni Indie
Wire er bandaríski kvikmyndaleik-
stjórinn Spike Lee staddur á ham-
farasvæðunum á Haítí með tökuliði
sínu en landið fór ákaflega illa út
úr jarðskjálfta sem reið yfir land-
ið í janúar á þessu ári. Lee hyggst
gera heimildarmynd um eftirmála
skjálftans en hann er nú að leggja
lokahönd á aðra heimildarmynd
sem fjallar um ekkert síður mann-
skæðar náttúruhamfarir, fellibyl-
inn Katarínu sem lagði bandarísku
borgina New Orleans nánast í rúst.
Sú mynd verður frumsýnd á HBO á
þessu ári í tilefni af því að fimm ár
eru liðin frá harmleiknum.
Lee hefur lýst yfir áhyggjum
sínum af stöðu Haítí og sagðist ótt-
ast að örlögin yrðu svipuð, ef ekki
verri og hjá íbúum New Orleans.
„Það tók langan tíma að byggja
upp New Orleans og hvernig verð-
ur þetta þá á Haíti? Um leið og kast-
ljós fjölmiðla slokknar er hætt við
að íbúarnir verði ansi einmana í
alþjóðasamfélaginu.“
Lee á Haítí
HUGSJÓNAMAÐUR Spike Lee er að
vinna að tveimur heimildarmyndum:
um fellibylinn Katarinu og jarðskjálftann
á Haítí.
Cameron Diaz segist hafa hrifist
af áhættuleikarahæfileikum Tom
Cruise þegar þau léku saman í kvik-
myndinni Knight & Day. „Hann er
sennilega sá besti sem ég hef séð,“
sagði Diaz við blaðamenn en mynd-
in verður frumsýnd í lok þessa mán-
aðar. Sérstaklega segist hún hafa
heillast af Cruise þegar hann stökk
milli bíla á ferð og hoppaði yfir á
húsþök. „Tom er alveg ótrúlegur,
hann er eins og atvinnu-
áhættuleikari. Ef hann
væri ekki kvikmynda-
stjarna þá væri hann
sennilega besti áhættu-
leikari heims. Ég
horfði á hann fram-
kvæma sum áhættuat-
riðin og öskraði bara
eins og smástelpa.“
Heilluð af
Cruise
HEILLUÐ Cameron
Diaz var heilluð af Tom
Cruise.
Bandaríski leikarinn Brad Pitt
heldur áfram að tryggja sér kvik-
myndarétt að forvitnilegum
bókum í gegnum kvikmyndafyr-
irtæki sitt Plan B., sem hann átti
reyndar með fyrrverandi eigin-
konu sinni, Jennifer Aniston.
Pitt hefur nú keypt kvikmynda-
réttinn að bókinni The
Imperfectionist eftir
blaðamanninn Tom
Rachman sem New
York Times lýsti sem
samblöndu af bók Eve-
lyn Waugh, Scoop, og
Fear and Loathing in
Las Vegas eftir Hunt-
er S. Thompson.
Pitt hefur verið öfl-
ugur á þessum mark-
aði í gegnum Plan B
og keypti nýverið bók-
ina Fortress of Solitude
eftir Jonathan Lethem
sem vakti mikla athygli.
Alfonso Gomez Rejon sem
gerði Babel með Pitt og
Cate Blanchett í aðalhlutverk-
um, mun leikstýra myndinni eftir
þeirri bók og skrifa handrit-
ið. Hins vegar er ekki ákveð-
ið hvenær verður ráðist í
framleiðslu The Imperfect-
ionist sem segir frá skraut-
legu starfsfólki fréttaveitu á
Ítalíu sem lendir í miklum
ógöngum. Pitt mun hins
vegar ekki falast eftir
hlutverki í myndinni en
hann verður næst hægt
að sjá í kvikmyndinni
The Tree of Life eftir
Terence Malick þar
sem hann leikur á móti
Sean Penn.
Pitt kaupir bók
ÖFLUGUR Pitt hefur keypt
kvikmyndaréttinn að bókinni
The Imperfectionist eftir Tom
Rachman.
Önnur kvikmyndin um
Carrie Bradshaw og vin-
konur hennar á Manhattan-
eyju verður frumsýnd um
helgina. Að þessu sinni er
sögusviðið þó ekki New
York heldur Abu Dhabi.
Beðmál í borginni 2 eins og Sex
and the City II er væntanlega
kölluð á íslensku tekur upp þráð-
inn tveimur árum eftir að Carrie
Bradshaw gekk að eiga Mr. Big,
manninn sem henni var alltaf
ætlað að vera með. En ekki er allt
sem sýnist; Mr. Big tekur sófa-
lífið fram yfir veisluhöld á Man-
hattan og þykir fátt jafngott og að
horfa á gamla mynd með heims-
endum mat. Líf sem Carrie hvorki
er vön né þráir enda partýpinni
af bestu gerð. Engin lognmolla
ríkir heldur í lífi vinkvenna henn-
ar þriggja, Charlotte er að berjast
við dætur sínar tvær og hræðsl-
una um að eiginmaðurinn stingi
af með barnfóstrunni. Miranda
neyðist til að þola yfirmann sem
hún telur að þoli ekki að hafa gáf-
aða, valdamikla og sterka konu í
vinnu hjá sér. Ævintýrin elta hins
vegar Samönthu sem hefur feng-
ið nýtt verkefni; að fara í ókeypis
ferð til Abu Dhabi. Grámyglulegur
hversdagsleiki hjónabands, barna-
uppeldis og togstreitu á vinnustað
verður þar víðsfjarri; einung-
is hinar fjórar fræknu, tískuföt,
drykkir og forboðnir ávextir í
öllum sínum myndum.
Sex and the City er að sjálfsögðu
byggð á persónum úr samnefndum
sjónvarpsþáttum. Fyrsta mynd-
in sló rækilega í gegn, var frum-
sýnd í yfir þrjú þúsund bíóhúsum
og halaði inn rúma 3 milljarða á
fyrsta sýningardegi í Bandaríkj-
unum og Kanada. Myndinni tókst
að greiða niður allan framleiðslu-
kostnað á aðeins þremur dögum og
aðdáendur þáttanna voru almennt
sáttir. Kvikmyndagagnrýnendur
voru þó ekki hrifnir, rottentom-
atoes gaf henni einungis 49% og
kvikmyndavefurinn The Internet
Movie Database 5,4 af tíu. Stuðn-
ingsmenn Carrie og vinkvenna
voru þó fljótir að taka upp hansk-
ann fyrir sínar konur, Sex and the
City snúist ekki söguþráð, óvæntar
fléttur eða djúpa persónusköpun
heldur sé þetta meira eins og hitta
gamla vini, skoða glæsilegar tísku-
flíkur og flissa yfir sögum af kyn-
lífi, körlum og sambönd.
Sex and the City þættirnir og
myndirnar hafa síðasta áratuginn
verið svokallaður „trendsetter“
eða tískufyrirmynd fyrir konur
um allan heim. Aðalpersónan
Carrie er auðvitað háð tískufötum
og eyðir flestum sínum peningum
í skó og kjóla. Og aðdáendur hafa
tileinkað sér stíl hennar í gegnum
tíðina. Leikkonan Cynthia Nixon,
sem leikur Miröndu, sagði í við-
tali að fötin í þáttunum væri eins
og ein persóna myndarinnar. Þau
hjálpuðu til við að gera þetta að
veruleika. Hvort Carrie Bradshaw
hefði haft jafnmikil áhrif á kven-
fólk um allan heim ef hún hefði
setið í flíspeysu og crocs-skóm
með kokkteil í hendi verður að
teljast fremur ólíklegt enda eyddu
framleiðendur Sex and the City 2
rúmum milljarði íslenskra króna í
tískuflíkur fyrir persónurnar.
Það er meira en áratugur síðan
Beðmál í borginni fór í loft-
ið í fyrsta sinn. Einu sinni í viku
settust konur á öllum aldri, úr
öllum stéttum, alls staðar að úr
heiminum fyrir framan sjónvarp-
ið með stjörnurnar í augunum á
meðan þær fylgdust með ævin-
týrum vinkvennanna. Carrie,
Samantha, Miranda og Charlotte
virðast enn hafa mikið aðdráttar-
afl því vinkonuhópar eru að hópa
sig saman til að skipuleggja hina
fullkomnu bíóferð. Þessum hópi er
slétt sama þótt langskólagengnum
kvikmyndagagnrýnendum sé í nöp
við afrakasturinn því Sex and the
City snýst ekki um hið hefðbundna
kvikmyndaform.
freyrgigja@frettabladid.is
ENDURKOMA CARRIE
ÁHRIFAMIKLAR Carrie Bradshaw, Miranda, Charlotte og Samantha hafa haft mikil
áhrif á hugmyndir kvenna um tískustraumana. Og kannski ekkert síður að konur yfir
þrítugu þurfi ekkert endilega að vera múlbundnar í hjónabandi heldur geti skemmt
sér konunglega.
Opnunartími:
Mán-Fös. kl: 10-18
Laug-Sun. kl: 12-16
Fossháls 5-7
110 Reykjavík
Sími 551 5600
Fax 551 5601
utilegumadurinn.is
Eximo 2010 hjólhýsi á einstöku verði !
• Létt og meðfærileg hús,
auðveld í drætti.
• Mjög gott verð.
• Sterklega smíðuð hús.
• Falleg hönnun.
• 91 Lítra ísskápur.
• Gasmiðstöð m/ Ultra heat
( rafm. hitun )
• Litaðar rúður
• 12 og 220 Volta rafkerfi.
Eximo 520L Hjólhýsi Eximo 460 Hjólhýsi
Verð: 2.550.000krVerð: 2.698.000krVerð: 2.698.000kr
Lengd: 5,03 m
Breidd: 2,30 m
Þyngd: 1050 kg
Svefnpláss fyrir 5 (kojuhús)
Lengd: 5,03 m
Breidd: 2,30 m
Þyngd: 1050 kg
Svefnpláss fyrir 4
Lengd: 4,57 m
Breidd: 2,30 m
Þyngd: 1000 kg
Svefnpláss fyrir 4
Frábær
kaup
Eximo 520B Hjólhýsi