Fréttablaðið - 03.06.2010, Blaðsíða 40
3. JÚNÍ 2010 FIMMTUDAGUR4 ● fréttablaðið ● skólar og námskeið
Tveggja ára diplómanám í
teikningu og textíl var kynnt
nýlega. Námið er samstarfs-
verkefni Myndlistaskólans í
Reykjavík og Hönnunar- og
handverksskóla Tækniskólans.
Myndlistaskólinn og Tækniskól-
inn hafa frá 2007 verið í samstarfi
um diplómanám í mótun þar sem
unnið er með leir og tengd efni.
Tvisvar sinnum hafa verið útskrif-
aðir nemendur úr mótunarnáminu.
„Þessar nýju brautir eru byggðar
upp með sama hætti og mótunar-
námið,“ segir Þóra Sigurðardótt-
ir skólastjóri Hönnunar- og hand-
verksskóla Tækniskólans. Við
uppbyggingu námsins var meðal
annars unnið með tölvuleikjafyr-
irtækinu CCP, fatahönnuðinum
Steinunni Sigurðardóttur og há-
skólum á Norðurlöndunum og í
Bretlandi.
„Textílnámið byggir
á þeim möguleikum sem
eru eiginlega ónýttir hér
heima,“ segir Þóra og
nefnir sem dæmi text-
íl sem áklæði, textíl í
arkítektúr og opnum
rýmum. „En líka heim-
ilistextíla, vefnað, þrykk
og tau af ýmsu tagi.“ Þóra segir að
meginmarkmið textílnámsins sé
að útskrifaðir nemendur geti unnið
við framleiðslu í tengslum við smá
og stór framleiðslufyrirtæki, við
hönnun efna og mynstra og hönn-
un vöru fyrir vaxandi ferðamanna-
iðnað og til útflutnings. „Það hefur
orðið hlé í textíl iðnaði sem við með
þessu námi viljum ýta undir að
ljúki. Að þessum arfi verði hald-
ið við með fókus á framtíðarmögu-
leikana.“
Þóra segir að í teikningunni
sé lögð áhersla á að opna mögu-
leika í tengslum við teikninguna
sem slíka. „Þá erum við að tala um
teiknimyndir, teiknimyndaseríur
og tölvuleiki en líka hreyfimynd-
ir,“ upplýsir Þóra og bætir við að í
byrjun sé einungis notast við blý-
ant og blað. „Þaðan fer maður inn
í tölvutæknina. Tölvan er tæki til
viðbótar við blýantinn.“
Í teiknináminu verður þróað-
ur vettvangur þar sem persónu-
leg sköpun og framleiðsla nem-
enda verður tengd við stór og smá
fyrirtæki. „Það vantar færa teikn-
ara hérna hjá okkur bæði inn í þau
fyrirtæki sem til eru en líka í ný-
sköpun.“
Aðspurð segir Þóra námið nýt-
ast á margvíslegan hátt. „Við leggj-
um áherslu á það að í náminu sé
þjálfun og leiðbeining fyrir nem-
endur til þess að stofna fyrirtæki
og starfa sjálfstætt en við horf-
um líka á þau fyrirtæki sem
eru fyrir. Við horfum ekki á
Ísland sem einangrað fyr-
irbæri heldur sem hluta af
heild. Hluti af alheimsþorp-
inu og fyrir vel þjálfað fólk á
sviði hönnunar, lista og hand-
verks þá er allur heimurinn
undir.“
Umsóknarfrestur er til
9. júní. - mmf
Nýta ónýtta möguleika
Þóra Sigurðardóttir segir að með því að bæta eins árs námi við diplómanámið í erlendum háskóla geti nemandinn öðlast BA-
honors gráðu. FRÉTTABLAÐIÐ/STEFÁN
● FÆRNI Í FERÐAÞJÓNUSTU Mímir sí-
menntun útskrifaði á dögunum fyrsta hópinn í
Færni í ferðaþjónustu. Nemendur eru þátttakend-
ur í verkefni Vinnumálastofnunar Ungt fólk til
athafna og er tilgangur námsins að
búa þátttakendur sem best undir
störf í ört vaxandi atvinnugrein.
Jóakim Meyvant Kvaran stund-
ar nám við listnámsbraut Borgar-
holtsskóla. Eftir útskrift um jólin,
eða næsta vor, allt eftir því hvern-
ig gengur, stefnir hugurinn þó í allt
aðrar áttir. „Þá ætla ég í sirkus-
nám,“ upplýsir Jóakim sem hefur
þó nokkra reynslu í þeim geira.
Hefur tekið þátt í uppsetningum
Sirkuss Íslands í tvö ár og nú ný-
verið í sýningunni Sirkus Sóley.
Upphafið að sirkusáhuganum
má rekja til afdrifaríks göngutúrs
sem Jóakim fór með félaga sínum
2007. „Þá rákumst við á einhjól til
sölu og ákváðum að kaupa. Upp
frá því lærðum við alltaf meira
og meira,“ segir Jóakim. Þegar
þeir rákust síðan á Lee Nelson eða
trúðinn Wally þar sem hann var að
sýna listir á Lækjargötu voru ör-
lögin ráðin. Þeir fóru að æfa með
Lee við Sirkus Ísland og áhuginn
vaknaði fyrir alvöru.
Jóakim hefur ekki fastsett hvar
hann ætli í nám en þykir líklegt
að sirkusskóli í Svíþjóð eða jafn-
vel Belgíu verði fyrir valinu.
En hvað er lært í slíkum skóla?
„Þessu svipar svolítið til fimleika
en í sirkusnámi lærir maður mikið
um akróbatík,“ útskýrir Jóakim.
„Fyrsta árið í mörgum sirkusskól-
um snýst um að læra undirstöðu
allra greina en út frá því ákveð-
ur maður hvað maður vill læra,
hvort sem það er að ganga á reipi
eða læra að vera með trúðslæti,“
segir Jóakim sem sjálfur heillast
svolítið af trúðabrautinni þó hann
haldi möguleikunum opnum.
Hann er inntur eftir framtíðar-
mögueikum eftir sirkusnám. „Mik-
ill hluti af náminu snýst um leiklist
og því er hugsanlegt að fá vinnu
við eitthvað slíkt. Einnig erum við
að reyna að stækka sirkushópinn
hér heima og vonandi opnast ein-
hverjir atvinnumöguleikar þar,“
segir Jóakim sem hlakkar mikið
til að takast á við þetta nýja verk-
efni. - sg
Stefnir á sirkusnám
Jókakim leikur listir sínar sem hann vill þróa áfram í framtíðinni. FRÉTTABLAÐIÐ/STEFÁN