Fréttablaðið - 03.06.2010, Blaðsíða 42

3. JÚNÍ 2010 FIMMTUDAGUR6 ● fréttablaðið ● skólar og námskeið
Ásbjörg Einarsdóttir útskrifað-
ist sem dúx úr MR með meðal-
einkunnina 9,59 á dögunum.
Hún ætlar í heimsreisu í vetur
og hefur ekki hugmynd um
hvað framtíðin ber í skauti sér.
„Ég hef alla tíð átt fremur auð-
velt með að sameina það að fá
háar einkunnir og lifa samt eðli-
legu lífi. Ég hef aldrei verið ein af
þeim sem eru með nefið ofan í bók-
unum allan sólarhringinn,“ segir
Ásbjörg Einarsdóttir, nýbakaður
dúx úr MR. Ásbjörg útskrifaðist
sem stúdent úr menntaskólanum
sögufræga með meðaleinkunnina
9,59 sem verður að teljast verulega
góður árangur.
Hún er alin upp í Vesturbæn-
um og segist vera meðalharð-
ur KR-ingur, enda lætur hún ein-
staka sinnum sjá sig á leikjum liðs-
ins. Meiri áhuga hefur Ásbjörg á
dansi, en hún hefur æft hann frá
sex ára aldri, aðallega djassball-
ett en þó hefðbundinn ballett með
í hjáverkum. Þrátt fyrir þetta
langa nám segir hún þó dansinn
áhugamál sem hún hyggur ekki
á að gera að framtíðarstarfi. „Ég
hef í rauninni ekki hugmynd um
hvað ég tek mér fyrir hendur í
framtíðinni,“ segir hún og hlær.
„Mér gekk vel í flestum fögum í
skóla og meðal annars liggja sál-
fræði og verkfræði vel fyrir mér.
Ég heillaðist af læknisfræðinni í
vor og var um tíma harðákveðin í
að verða læknir, en nú hefur örlítið
dregið úr þeim áhuga vegna þess
hversu námið er svakalega langt.
Ég er þó nokkuð viss um að ég læri
frönsku í háskóla, hvort sem það
verður samhliða öðru námi eður
ei,“ segir Ásbjörg.
Dúxinn tók virkan þátt í félags-
lífi MR meðan á náminu stóð og
gegndi meðal annars stöðu rit-
ara nemendafélagsins, auk þess
sem hún sat í stjórn skólablaðs-
ins og átti sæti í skólaráði í vetur.
Í sumar starfar hún á Hressó,
eins og hún gerði síðasta sumar,
og kann því vel. „Ég hef ákveðið
að skrá mig ekki strax í háskóla
því ég ætla að vinna fram að ára-
mótum til að safna pening fyrir
heimsreisu í janúar. Við ákváðum
það fimm vinkonur úr Hagaskóla
strax í níunda eða tíunda bekk að
fara í svona reisu og ætlum nú að
láta verða af því. Stefnan er sett
á Suður-Ameríku og Asíu, en þó
höfum við hugsað okkur að velja
„örugg“ lönd í Suður-Ameríku svo
mamma fari ekki á taugum,“ segir
Ásbjörg að lokum og skellir upp úr.
- kg
Er ekki alltaf
ofan í bókunum
Ásbjörg var með 9,59 í meðaleinkunn og þar með hæst útskriftarnema MR. Hún
hefur þó einnig alltaf haft tíma fyrir áhugamál og félagslíf. FRÉTTABLAÐIÐ/STEFÁN
tel and Tourism Management Studies
Iceland/Switzerland
Árni Valur Sólonsson, Sími: 896-2204 eða
Baldur Sæmundsson, Sími: 594-4000
Hospitality and Culinary School of Iceland
University Centre "César Ritz" in Switzerland
Skólinn hefst á eftirfarandi dags.
Fyrsta ár: 24. águst 2010 - Ísland
Annað & þriðja ár: Júlí 2011 - Sviss
Innritun stendur yfir
Hótel og Veitingaskóli Íslands
Menntaskólanum í Kópavogi
Merkja umsókn B/t. Baldur Sæmundsson
Hringdu í síma
ef blaðið berst ekki
● HAFNABOLTANÁMSKEIÐ Í SUMAR Hafna- og mjúkbolta-
félag Reykjavíkur stendur fyrir hafnaboltanámskeiðum í Laugardalnum
í sumar. Nánar tiltekið á Tröllatúni, sem er grassvæðið milli Suðurlands-
brautar og Engjavegs. Nemendur læra leikreglurnar á sama tíma og þeir
spila saman. Námskeiðið er opið fyrir þá sem eru á aldrinum 6 til 15 ára
en það er haldið virka daga frá 9 til 12 og 13 til 16.