Fréttablaðið - 03.06.2010, Blaðsíða 56
36 3. júní 2010 FIMMTUDAGUR
menning@frettabladid.is
Íslenski tónlistarhópur-
inn Njúton og bandaríski
strengjakvartettinn The
Formalist Quartet leiða
saman hesta sína og frum-
flytja á Íslandi eitt af stór-
virkjum tónlistarsögu 20.
aldar; Vortex Temporum
eftir franska tónskáldið
Gérard Grisey á tónleikum
í Íslensku óperunni á föstu-
dagskvöld en þeir eru hluti
af dagskrá Listahátíðar.
Tónlist Grisey hefur lítið hljómað
á Íslandi en hann er eitt af höfuð-
skáldum spektraltónlistar, fagur-
fræði í tónsköpun sem spratt upp
í Evrópu á níunda áratug síðustu
aldar en Grisey er einn forkólfa
þessa skóla. Á tónleikunum verð-
ur jafnframt frumflutt nýtt verk
eftir Atla Ingólfsson, innblásið
af læriföður hans - Grisey. Einn-
ig verða tveir strengjakvartettar
eftir Úlfar Inga Haraldsson og
Nicholas Deyoe fluttir á tónleik-
unum.
Hljóðfæraleikarar á tónleik-
um Listahátíðar eru: Berglind
María Tómasdóttir flauta, Brian
Walsh klarinett, Mark Menz-
ies fiðla/víóla/stjórnandi, Andr-
ew McIntosh fiðla/víóla, Andrew
Tholl fiðla, Ashley Walters selló
og Tinna Þorsteinsdóttir píanó.
Strengjaleikararnir eru allir
meðlimir í strengjakvartettn-
um The Formalist Quartet sem
hefur notið mikillar velgengni
vestanhafs og komið fram víða
um Bandaríkin. Öll komu þau við
sögu þegar stórvirki Griseys; Les
Espaces Acoustiques var flutt í
fyrsta sinn í heild sinni í Banda-
ríkjunum fyrr í vor í Walt Disney
Concert Hall undir stjórn Mark
Menzies og eru því kunnug tón-
list í þessum stíl. Tónlistarhóp-
urinn Njúton hefur það að mark-
miði að flytja og panta tónlist úr
samtímanum sem hópurinn telur
að eigi brýnt erindi við áheyrend-
ur. Hópurinn hefur komið fram á
fjölda tónleika á Íslandi og farið í
tónleikaferðir til Norðurlandanna
og Bandaríkjanna. Á þeim rúma
áratug sem hópurinn hefur starf-
að hafa um fleiri tugir verka,
einkum eftir íslenska höfunda,
fæðst fyrir hans tilstilli en úrval
þessara verka kom út á geisla-
disknum Roto con moto í lok árs
2007 á vegum Smekkleysu. Disk-
urinn var tilnefndur til Íslensku
tónlistarverðlaunanna 2008 í
flokki sígildrar og samtímatón-
listar.
Berglind María Tómasdóttir er
ein þeirra sem standa að þessum
viðburði: „Þetta er afar áhuga-
vert prójekt; verkin stórkostleg
og spilararnir dásamlegir, en öll,
fyrir utan Tinnu Þorsteinsdótt-
ur og mig, tengjast þau listaskól-
anum CalArts í Los Angeles með
einum eða öðrum hætti. Mark
Menzies er einn af helstu kenn-
urum skólans, frábær músíkant
frá Nýja-Sjálandi og er með mjög
ferska sýn á nýja tónlist. CalArts
er afar merkileg stofnun, skóli
sem hefur alltaf haft orð á sér
fyrir að vera róttækur en t.a.m
er hann að mörgu leyti fyrirmynd
Listaháskólans okkar hér.“
Miðasala er á vef Listahátíð-
ar, www.artfest og við inngang-
inn en tónleikarnir hefjast kl. 20
annað kvöld. Súpuspjall verður á
Sólon fyrir tónleikana kl. 18 þar
sem Atli Ingólfsson fjallar m.a.
um spektraltónlist.
Formalistarnir amerísku halda
síðan austur fyrir fjall á sunnu-
dag og verða með tónleika á
Stokkalæk kl. 16 á sunnudag. Á
efnisskrá þeirra þar verða verk
eftir Gérard Grisey, Kristínu
Þóru Haraldsdóttur, Nicholas
Deyoe, Mark Menzies og Gerard
Pesson. pbb@frettabladid.is
Ný verk flutt annað kvöld
TÓNLIST Hópurinn sem kemur að flutningnum í kvöld. MYND/LISTAHÁTÍÐ
Kl. 22.10 í kvöld á Rás 1
Í kvöld er boðið upp á leikverkið ÞAU
KOMU TIL ÓKUNNRAR BORGAR eftir
J. B. Priestley. Níu manneskjur af ólík-
um uppruna fá tækifæri til að dveljast
daglangt í fyrirmyndarborg. Hvar eru
þau stödd? Leikendur eru: Róbert Arn-
finnsson, Valur Gíslason, Kristbjörg
Kjeld, Herdís Þorvaldsdóttir, Hólmfríð-
ur Pálsdóttir, Helgi Skúlason og fleiri.
Leikstjóri er Lárus Pálsson en upptakan
er frá 1958.
> Ekki missa af
Vegna fjölda áskorana er leik-
sýningin um Hellisbúann á för
um landið. Þann 5. júní verður
einleikurinn fluttur í Bíóhöllinni
á Akranesi. Aðeins er um eina
sýningu að ræða á Skaganum og
því mjög takmarkað magn miða í
boði. Miðasala fer eingöngu fram
á Miði.is. Eins og kunnugt er var
Hellisbúinn sýndur fyrir fullu húsi
í allan vetur í Íslensku óperunni.
Áhorfendur og gagnrýnendur
eru sammála um að þessi nýja
útgáfa Hellisbúans sé einstaklega
vel heppnuð og skelfilega fyndin.
Jóhannes Haukur Jóhannesson er
Hellisbúinn, Rúnar Freyr Gíslason
leikstýrði og Sigurjón Kjartansson
sá um að þýða og staðfæra.
Tónleikaröðin Alþjóðlegt orgelsumar
2010 í Hallgrímskirkju, sem haldin er
undir merkjum Listvinafélags Hallgríms-
kirkju hefst n.k. laugardag með hádeg-
istónleikum Björns Steinars Sólbergs-
sonar, organista við Hallgrímskirkju.
Þetta er 18. sumarið sem orgelhátíð er
haldin í Hallgrímskirkju yfir sumartím-
ann, en tónleikaröðina stofnaði Hörður
Áskelsson organisti við Hallgrímskirkju
sumarið eftir að Klais-orgel kirkjunnar
var vígt árið 1992. Vegna mikillar eftir-
spurnar ferðamanna eftir tónleikum í
Hallgrímskirkju byrjar tónleikatímabilið
í ár fyrr en áður með hádegistónleikum á laugar-
dögum allan júnímánuð og sunnudagstónleikum
frá 27. júní. Í júlí og ágúst verða fernir tónleikar á
viku, m.a. fimmtudagshádegistónleikar í samvinnu
við Félag íslenskra orgelleikara eins og
löng hefð er fyrir og hádegistónleikar
kammerkórs Hallgrímskirkju Schola
cantorum á miðvikudögum, sem nutu
gífurlegra vinsælda í fyrrasumar. Alls
er boðið upp á 35 tónleika sumarið
2010!
Orgelið mun hljóma í ómþýðum
laglínum, þrumandi spunaverkum,
vera í hlutverki heillar hljómsveitar
en síðast en ekki síst mun það fá að
flytja áheyrendum mörg af helstu
orgelverkum tónbókmenntanna. Kons-
ertorganistarnir munu jafnframt taka
þátt í helgihaldi Hallgrímskirkju með því að leika
eftirspil í messu sunnudagsins. Á hádegistónleik-
unum á fimmtudögum mun Klais-orgelið hljóma
eitt og sér eða með öðrum hljóðfærum.
Orgelsumarið að hefjast á Holtinu
Tónlistarhátíðin Bjartar sumar-
nætur verður haldin í Hveragerð-
iskirkju nú um helgina og boðið
verður upp á einsöng, einleik og
öndvegis kammerverk. Flytjendur
verða Elín Ósk Óskarsdóttir sópr-
ansöngkona, Ástríður Alda Sigurð-
ardóttir píanóleikari, Hulda Jóns-
dóttir, fiðluleikari og meðlimir
Tríós Reykjavíkur, þau Peter Máré
píanóleikari, Guðný Guðmundsdótt-
ir fiðluleikari og Gunnar Kvaran
sellóleikari, en þau Guðný og Gunn-
ar eru listrænir stjórnendur hátíð-
arinnar.
Fyrri tónleikarnir verða kl. 20.00
á laugardagskvöld og bera yfir-
skriftina Fauré í forgrunni: Hinar
ungu listakonur Ástríður Alda
píanóleikari og Hulda Jónsdóttir
fiðluleikari munu koma fram sem
einleikarar og einnig í kammer-
tónlist. Ástríður Alda hefur verið
mjög virk í íslensku tónlistarlífi á
undanförnum árum og kom m.a.
fram sem einleikari með Sinfón-
íuhljómsveit Íslands á þessu ári.
Hún mun leika Ballöðu eftir Chop-
in og í píanókvartett eftir Fauré.
Hulda Jónsdóttir er aðeins 18 ára
gömul og stundar nú nám við hinn
þekkta skóla Juilliard í New York.
Hún mun leika hina margslungnu
Carmen Fantasíu eftir Sarasate og
einnig í kvartett Fauré.
Elín Ósk hefur um langt árabil
verið ein ástsælasta söngkona þjóð-
arinnar. Hún mun ásamt Peter Máté
og Guðnýju flytja aríu úr Magni-
ficat eftir Bach og Pie Jesu úr
hinni frægu sálumessu eftir Fauré.
Í Fauré kvartettinum bæt-
ast Gunnar og Guðný í
hópinn. Þess má geta
að Guðný, sem leik-
ur á víólu í kvartett-
inum mun leika á
hljóðfæri smíðað af
Hans Jóhannssyni
fiðlusmið árið 1987
og í Bach mun hún
leika á fiðlu eftir
hann, sem smíð-
uð var árið 2007.
Tónleikar
sunnudagsins
6. júní hefj-
ast kl. 17. Þeir
bera yfirskriftina klassík í háveg-
um og hefjast á Sígaunatríóinu eftir
Haydn. Síðan mun Elín Ósk syngja
glæsiaríur eftir Mozart og Beet-
hoven. Að loknum stuttum tríó-
þætti eftir Schumann mun hún,
ásamt Peter, flytja tvær af vin-
sælustu aríum Puccinis; „Un bel
di vedremo“ úr óperunni Madama
Butterfly og „Vissi d’arte“ úr óper-
unni Tosca. Eftir hlé mun Tríó
Reykjavíkur leika Dumky tríóið
eftir Dvorák. Að lokum verða
flutt Hveragerðislög í
útsetningu Atla Heim-
is Sveinssonar þar sem
áheyrendur geta tekið
undir í fjöldasöng.
Upplýsingar og miða-
pantanir í Bókasafninu
í Hveragerði, Sunnu-
mörk 2, s. 483-4531.
pbb
Tónlistarhátíð í Hveragerði
TÓNLIST Elín Ósk syngur
þekktar aríur í Hveragerð-
iskirkju á sunnudagseftir-
miðdag.
MYND FRÉTTABLAÐIÐ
1
3
5
7
9
2
4
6
8
10
25 gönguleiðir á höfuðborgar-
svæðinu - Reynir Ingibjartsson
Makalaus - kilja
Tobba Marinós
Góða nótt yndið mitt - kilja
Dorothy Koomson
Vísnafýsn - ljóðabók
Þórarinn Eldjárn
Friðlaus - kilja
Lee Child
Morgnar í Jenín - kilja
Susan Abulhawa
Hrunadans og horfið fé
Styrmir Gunnarsson
METSÖLULISTI EYMUNDSSON
SAMKVÆMT BÓKSÖLU Í EYMUNDSSON UM LAND ALLT
26.05.10 - 01.06.10
Saga mannsins
Illugi Jökulsson ritstýrði
Handbókin um heimsmeistara-
keppnina - Keir Radnedge
Þegar orð fá vængi
Torfi Jónsson