Fréttablaðið - 19.06.2010, Page 78

50 19. júní 2010 LAUGARDAGUR
utlit@frettabladid.is
OKKUR
LANGAR Í
…
Það er gömul saga og flestum kunn að konur elska skó og þá sér í lagi
hælaháa skó. Sjálf hef ég mjög gaman af því að kaupa mér skó en af
praktískum ástæðum hafa flatbotna skór oftast orðið fyrir valinu þar
sem ég vil geta ætt áfram þegar ég geng um bæinn og einnig til að
forðast auma fætur. En þrátt fyrir praktísku hliðina á því að ganga um
í flatbotna skóm þá leyfi ég mér oft að dreyma um sykursætt par af
hælaskóm frá Kron by Kron Kron.
Hælaskór eiga sér ansi langa sögu og komu víst fyrst fram á sjónar-
sviðið á tímum Faróanna. Þá þóttu hælaskór tákn um samfélagslega
stöðu manna og því hærri sem hælarnir voru því virðulegri voru
menn. Hælaskór áttu sér einnig praktískari hlið því slátrarar á Ítalíu
áttu að hafa klæðst slíkum skóm til að forðast að vaða í blóði og innmat
allan daginn. Í Feneyjum þóttu hælaskór einnig afskaplega nytsamleg-
ir og komu þeir í veg fyrir blauta fætur íbúa þar í borg.
Á tímabili varð hælatískan þó eilítið öfgafull og voru skórnir orðnir
það háir að konur þurftu að styðja sig við þjóna sína þegar þær fóru út
úr húsi til að forðast fall. Á áttunda áratug síðustu aldar voru hælaskór
vinsælir jafnt hjá konum sem körlum og þá með þykkum klossuðum
hæl sem fór vel við útvíðu hippabuxurnar.
Hælaskór þóttu lengi vel táknrænir fyrir kúgun kvenna þar sem
þeir heftu för konunnar, breyttu vexti hennar og þóttu kyngera hana
meira en góðu hófi gegndi. Nýfemínistar voru þó á öðru máli og héldu
því fram að hælaskór táknuðu einmitt andstæðuna, þeir voru
tákn um vald konunnar og rétt hennar til að klæðast því sem
hana langaði til.
Lengi var talið að hælaskór hefðu skaðleg áhrif á lík-
amlega heilsu kvenna þar sem fóturinn er þvingaður í
einkennilega stöðu. Nýleg rannsókn sýnir þó fram á að
þær konur sem klæðast hælum eru með sterkari grind-
arbotna en konur sem kjósa flatbotna skó. Af þessu
má auðveldlega draga þá ályktun að kost-
ir og gallar hælaskósins verði ávallt
þrætuefni en eitt er þó óumdeilanlegt
og það er fegurð hælaskósins.
Öfgafullir tískustraumar
DAÐRAÐ VIÐ TÍSKUNA
SARA MCMAHON
> ÓHEPPILEG SAMSETNING
Bandaríska söngkonan Christina
Aguilera þótti einstaklega ósmekk-
lega til fara þegar hún tróð upp í
sjónvarpsþættinum Today. Söngkonan
klæddist afskaplega stuttum, glans-
andi stuttbuxum við glimmer sokka-
buxur og himinháa hæla. Hárið og
förðunin þóttu engu betra enda
hárið úfið og förðunin of mikil.
Hönnuðurinn Thakoon Panichgul er
þekktur fyrir að blanda saman ólík-
um straumum og stefnum í hönn-
un sinni og skapa þannig kvenleg-
ar en jafnframt þægilegar flíkur.
Hönnun Thakoons er í miklu
uppáhaldi hjá forsetafrú Banda-
ríkjanna, Michelle Obama, sem
hefur klæðst hönnun hans við
ýmis tilefni. Haustlínan frá
Thakoon þótti dökk en einstak-
lega smekkleg.
GLAÐLEGUR KJÓLL Þessi guli kjóll minnir mann frekar á
sumar en haust. Smáatriðin gera hann einstakan og öðru-
vísi. NORDICPHOTOS/GETTY
SUTT OG LAGGOTT Flottur bolur við skemmtilegar stuttbuxur.
Loðskórnir setja sinn svip á heildarútkomuna.
NORDICPHOTOS/GETTY
GEGNSÆTT Flott vesti yfir gegnsæjum bol. NORDICPHOTOS/GETTY
HLÝLEGT Mikið var um fallega pelsa sem þennan í haust-
línu Thakoons. NORDICPHOTOS/GETTY
ÞÆGILEGAR EN KVENLEGAR FLÍKUR FRÁ THAKOON:
DÖKKIR TÓNAR OG GRÁIR
SVART OG FÍNLEGT
Haustlínan fyrir árið
2010 var frumsýnd á
tískuviku í New York í
febrúar. Mikið var um
svarta tóna og gráa.
NORDICPHOTOS/GETTY
Ilmvatn frá Söruh
Jessicu Parker
sem ilmar eins og
sumar. Umbúð-
irnar eru einnig
ljómandi fallegar
og skemmtilegar.
Hippalega tösku sem er
í senn litrík og rúm-
góð. Fæst í Spúútnik í
Kringlunni.
Fínan
klút til
að hressa
upp á dressið.
Kattarmynstrið ætti
líka að höfða til allra
dýravina. Fæst í Zöru í
Kringlunni.