Fréttablaðið - 19.06.2010, Qupperneq 86

58 19. júní 2010 LAUGARDAGUR
GOLF Í næstu viku fer fram hið
árlega Stjörnugolfmót sem þeir
Björgvin Vilhjálmsson og Ágúst
Guðmundsson hafa staðið fyrir
allt frá því árið 2004. Mótið var
reyndar sameinað stjörnugolfmóti
Hermanns Hreiðarssonar í fyrra
en þeir Björgvin og Ágúst hafa nú
ákveðið að halda áfram á þann hátt
sem þeir byrjuðu.
„Við ákváðum að keyra á þetta
af gömlum vana og láta gott af
okkur leiða,“ segir Björgvin en
allur ágóði af mótinu mun renna
til kaffistofu Samhjálpar.
„Aðsóknin á kaffistofu þeirra
hefur aukist mikið síðustu ár og
þau vantar pening til þess að halda
starfseminni áfram. Þarna fá þeir
sem minna mega sín að borða.
Heimsóknirnar hafa aukist frá 27
þúsund árið 2008 upp í 40 þúsund
árið 2009. Það segir sig því sjálft
að það góða fólk sem þarna starf-
ar þarf á auknum framlögum að
halda.“
Þeir Björgvin og Ágúst safna
tekjum með því að selja fyrirtækj-
um inn í mótið. Þeir hafa fengið
ágætis viðbrögð en betur má ef
duga skal.
„Það kostar 50 þúsund að kom-
ast að með tveggja manna lið. Svo
er spilað með Texas scramble fyr-
irkomulagi. Svo verður eitthvað
af þekktu fólki sem tekur einn-
ig þátt. Við höfum verið með allt
upp í 90 manns á vellinum þegar
best lætur. Í ár munu Simmi og Jói
sem og Stebbi og Eyfi spila með,
svo einhverjir séu nefndir,“ segir
Björgvin en fjöldi þjóðþekktra ein-
staklinga hefur lagt þeim félögum
lið á undangengnum árum.
„Það gengur ágætlega að skrá í
mótið. Auðvitað finnum við aðeins
fyrir kreppunni en mörg fyrirtæki
sem hafa verið með okkur undan-
farin ár eru enn með okkur. Það
er samt enn pláss fyrir fleiri og
við tökum fagnandi á móti þeim
sem vilja vera með okkur,“ segir
Björgvin jákvæður en leikið verð-
ur á hinum glæsilega Urriðavelli í
Heiðmörk sem er einn besti völlur
landsins.
„Þetta mót hefur alla tíð verið
vel heppnað og við höfum einn-
ig verið heppnir með veður. Við
höfum náð að safna allt upp í 2
milljónum króna. Þetta er nokkur
vinna fyrir okkur en hún er algjör-
lega þess virði þegar við gefum frá
okkur peninga. Þá líður okkur vel,“
segir Björgvin en fyrirtæki geta
skráð sig á netfangið stjornugolf@
visir.is. henry@frettabladid.is
Golfað fyrir gott málefni
Stjörnugolfmótið fer fram á Urriðavelli næstkomandi miðvikudag. Að þessu
sinni er safnað fyrir kaffistofu Samhjálpar. Enn laus pláss í mótinu.
LÁTA GOTT AF SÉR LEIÐA Þeir Ágúst Guðmundsson og Björgvin Vilhjálmsson verða
með Stjörnugolfmótið sitt í ár. FRÉTTABLAÐIÐ/GVA
FÓTBOLTI Garðar Jóhannsson
er samningslaus og laus allra
mála hjá þýska félaginu Hansa
Rostock. Hann er að leita sér að
öðru félagi ytra en Stjarnan er
meðal þeirra liða sem hafa haft
samband við hann.
„Það var óformlega í gegnum
vin minn en hugur minn er að
vera áfram hérna úti. Ef það
gengur ekki þá kem ég kannski
heim,“ sagði Garðar við Frétta-
blaðið í gær.
„Ég ætla að reyna til þrautar
að fá einn samning enn. Ég er
búinn að koma mér vel fyrir í
Þýskalandi og strákurinn minn
er að byrja í skóla í haust. Hann
er nú þegar orðinn betri í þýsku
en ég,“ sagði Garðar sem ætlar
að gefa sér tvær vikur í að finna
sér félag úti. „Minn hugur liggur
hér,“ segir framherjinn sem spil-
aði með Stjörnunni, KR og Val á
Íslandi áður en hann fór út. - hþh
Vill vera áfram í Þýskalandi:
Stjarnan hafði
samband
Á LAUSU Garðar leitar að félagi.
FRÉTTABLAÐIÐ/ANTON
FÓTBOLTI Sölvi Geir Ottesen hefur
samið við danska félagið F.C.
København til þriggja ára. Sölvi
var hjá SønderjyskeE í Danmörku
áður, en varnarmaðurinn var
eftirsóttur um alla Evrópu.
„Ég kem fullur metnaðar til
klúbbsins og vonast til að vinna
fleiri titla með félaginu. Það
hefur verið mikið í umræðunni
hvert ég væri að fara en eina
félagið sem ég vildi fara til innan
Danmerkur var FCK,“ sagði Sölvi
sem mun spila í treyju númer 5
hjá meisturunum.
„Hann er búinn að vera einn besti
leikmaður SønderjyskeE undan-
farin ár. Hann er mjög sterkur,
góður skallamaður og barátta
hans er aðdáunarverð. Ég er
mjög ánægður með að fá Sölva,“
sagði Carsten Jensen, yfirmaður
íþróttamála hjá FCK. - hþh
Sölvi Geir Ottesen:
Fer til dönsku
meistaranna
EFTIRSÓTTUR Sölvi valdi að vera áfram í
Danmörku. FRÉTTABLAÐIÐ/PJETUR
FÓTBOLTI Rachel Furness verður
í aðalhlutverki með norður-írska
landsliðinu á Laugardalsvellinum í
dag en hún ætti að þekkja íslenska
boltann og íslenskar aðstæður vel
eftir að hafa spilað með Grindavík
í Pepsi-deild kvenna í sumar.
Vinkona hennar Sarah McFadd-
en hefur spilað með Grindavík und-
anfarin ár og fékk hana til að koma
til Íslands. Rachel Furness tryggði
Grindavík 1-0 sigur á Haukum í
síðasta deildarleik sínum á þriðju-
daginn var. „Fyrir tímabilið var
stefnan sett á að halda okkur uppi
en nú hefur gengið það vel að við
horfum ofar í töfluna. Ég er enn að
komast inn í leik liðsins þannig að
það var mjög mikilvægt að vinna
þennan leik,“ sagði Rachel Furness
en hún var að hita upp fyrir leik-
inn í dag.
„Ég vonast alltaf eftir marki í
öllum leikjum en þetta verður erf-
iður leikur. Ég mun reyna að nýta
mín færi fái ég að spila,“ sagði
Rachel Furness sem lék mjög vel
í fyrri leiknum sem Ísland marði
1-0 á lokamínútunum.
„Það var jafn leikur og við vörð-
umst vel. Okkur fannst við hafa
verið smá óheppnar að fá ekkert
út úr leiknum en það var mikil
reynsla að fá að mæta háklassa
leikmönnum í íslenska liðinu. Við
lærðum mikið þetta kvöld,“ sagði
Rachel Furness.
„Það er góður andi í liðinu og
við trúum því að við getum náð
einhverju út úr þessum leik. Hér
áður fyrr var ekki búist við neinu
af okkur í leikjum á móti þjóðum
eins og Íslandi og Frakklandi en
þetta er allt breytt núna. Við erum
að reyna að bæta okkur og höfum
trú á því að við getum farið að
keppa við þau bestu í heimi,“ sagði
Furness.
„Ég hef ekki einbeitt mér mikið
að íslenska liðinu en ég veit að
miðjumennirnir eru líkamlega
sterkir og fljótir þannig að ég
myndi segja að miðja Íslands væri
hættulegust fyrir okkur,“ sagði
Furness sem þykir Frakkar vera
með sterkara lið en Íslands.
„Það er erfitt að spá fyrir um
hver vinnur riðilinn. Við erum
búnar að tapa tvisvar fyrir Frökk-
um og töpuðum naumlega fyrir
Íslandi í fyrri leiknum og miðað
við þá leiki þá býst ég við að Frakk-
ar komist upp úr riðlinum.“ - óój
Norður-Írinn Rachel Furness spilar með Grindavík í Pepsi-deildinni og mætir íslenska landsliðinu í dag:
Við lærðum mikið af fyrri leiknum
ÆFÐU Í GÆR Norður-Írar á æfingu á
Laugardalsvellinum. Sarah McFadden
spilar með Grindavík. FRÉTTABLAÐIÐ/VILHELM
FÓTBOLTI Þrír leikir fara fram í
Pepsi-deild karla á morgun og
hefjast þeir allir klukkan 19.15.
Margra augu verða á leik KR og
ÍBV á KR-vellinum en Eyjamenn
gætu komist á toppinn verði úrslit
kvöldsins þeim hagstæð. KR-ingar
hafa aðeins náð í 2 stig úr fjórum
heimaleikjum sínum í sumar og
sitja sem fyrr í 10. sæti deildar-
innar. Þeir hafa hafa hins vegar
unnið þrjá síðustu deildarleiki lið-
anna á KR-velli og Eyjamenn hafa
ekki skorað í 364 mínútur á vell-
inum eða síðan í 2-0 sigri sínum
haustið 2003.
Valsmenn geta líka komist á
toppinn í kvöld eins og Eyjamenn
þegar Valsmenn sækja Stjörnu-
menn heim á gervigrasið. Loka-
leikur kvöldsins er síðan þegar
Fylkismenn taka á móti Breiða-
bliki í Árbænum. - óój
Pepsi-deild karla á morgun:
ÍBV eða Valur á
toppinn?

Rockwood Premier 2317G 12 fet.
Verð: 2.998.000kr Verð: 2.798.000kr
Rockwood 191XR OFF ROAD 10 fet.
Verð: 2.698.000kr
Rockwood Premier 1904 10 fet.
Ríkulegur staðalbúnaður í Rockwood fellihýsum
Opnunartími:
Mán - Föst. kl: 10-18
Laug - Sun. kl: 12-16
• Galvaníseruð grind
• Evrópskar þrýstibremsur
• Upphitaðar 12 cm springdýnur
• Tjakkar með sandskeifum á öllum
hornum
• Góð fjöðrun, fjaðrir sem henta vel á
íslenskum vegum
• Útdraganleg trappa við inngang
• Breitt nefhjól (uppblásið gúmmídekk)
• Handbremsa og varadekk m/hlíf
• 50 mm kúlutengi
• 220v tengill (blár skv. reglugerð)
• Útvarp með geislaspilara,
hátalarar inni og úti
• Radial dekk / 13” álfelgur
• Vatnsh. öndunardúkur í svefnrými
• Dometic kæliskápur XL 2,5 cubic
• SMEV ryðfrí gaseldavél m/rafstarti
• 2 gaskútar
• Gasviðvörunarkerfi
• Öflug Truma combi 4 miðstöð
m/heitu vatni
• Stór loftlúga m/þriggja hraða viftu
• Skyggni (markísa)
• Skyggðir gluggar
• Flugnanet f. gluggum og hurð
• Gardínur f. gluggum og svefnrými
• 2ja feta geymsluhólf
• Stórt farangurshólf
• Voldugir öryggisarmar fyrir þak
og tjald
• 3 x 12 volta loftljós og 1 x útiljós
• 1 x færanlegt lesljós með viftu
• 110 amp rafgeymir
• Heitt og kalt vatn, tengt
• Rafmagnsvatnsdæla
• 86 lítra vatnstankur
• Klósett með hengi
Fossháls 5-7
110 Reykjavík
Sími 551 5600
Fax 551 5601
utilegumadurinn.is
Rockwood fellihýsi fyrir Íslenskar aðstæður
Torfæru útgáfan frá Rockwood fyrir þá sem
vilja komast lengra.
m/ útdraganlegri hlið.
• upphækkað á 15” dekkjum
• sér styrkt grind og sterkari hjólabúnaður.