Fréttablaðið - 19.06.2010, Qupperneq 87

LAUGARDAGUR 19. júní 2010 59
KÖRFUBOLTI Los Angeles Lakers
tryggði sér NBA-meistaratitilinn
annað árið í röð og í sextánda sinn
frá upphafi með 83-79 sigri á Bost-
on Celtics í fyrrinótt í hreinum
úrslitaleik um titilinn. Leikurinn
fer ekki í bækurnar fyrir falleg-
an körfubolta en var engu að síður
æsispennandi og skemmtilegur
þar sem Lakersmenn áttu frábær-
an endasprett. Boston Celtics mætti
til leiks án miðherja síns Kendrick
Perkins og með 22 stiga tap á bak-
inu frá því í sjötta leiknum en tók
engu að síður frumkvæðið í leikn-
um. Boston var 40-34 yfir í hálfleik
og náði mest þrettán stiga forskoti
í upphafi þriðja leikhluta. Lakers,
með Kobe í fararbroddi, hélt sér
á lífi í fráköstunum og Bryant tók
síðan til sinna ráða í lokaleikhlutan-
um þar sem hann skoraði 10 af 23
stigum sínum.
„Ég vildi þetta svo mikið,“ sagði
Kobe sem hitti aðeins úr 6 af 24
skotum sínum. Hann þakkaði líka
félögum sínum eftir leik. Ron Art-
est skilaði mikilvægum 20 stigum
og þakkaði meðal annars sálfræð-
ingi sínum eftir leikinn og þá var
Pau Gasol með 19 stig og 18 frá-
köst.
„Þetta er sætasti sigurinn af því
að þetta er á móti Boston og þetta
er sá erfiðast af þeim öllum,“ sagði
Bryant og þegar hann var spurð-
ur út í hvað þetta þýddi fyrir hann
persónulega. „Ég er kominn með
einum hring meira en Shaq, þið
getið tekið það í bankann,“ svaraði
Kobe í sigurvímunni.
„Það féllu mörg tár í klefanum,“
sagði Doc Rivers, þjálfari Boston
sem hugsanlega stjórnaði liðinu í
síðasta sinn.
Phil Jackson vann þarna sinn
ellefta meistaratitil sem þjálfari
og það er enn möguleiki á að hann
snúi aftur og nái fjórðu þrennunni
á ferlinum en hann gerði Bulls
að meisturum þrjú ár í röð 1991-
1993 og 1996-1998 og einnig vann
Lakers-liðið titilinn þrjú ár í röð
undir hans stjórn á árunum 2000-
2002. „Þetta er búið, þetta var ekki
vel spilað en við kláruðum þetta.
Vörnin okkar var frábær,“ sagði
Jackson sem vildi lítið segja um
framtíðarplön sín.
- óój
Phil Jackson gerði ellefta liðið að NBA-meisturum í fyrrinótt þegar Lakers vann Boston í hreinum úrslitaleik:
Kobe með einum hring meira en Shaq
SIGURSTUND Kobe Bryant og Derek Fis-
her með bikarana en þeir voru að vinna
fimmta titilinn saman. MYND/AP
KÖRFUBOLTI Allt talið um að Kobe
Bryant væri að nálgast Michael
Jordan eftir að hann vann fimmta
NBA-meistaratitilinn í fyrrinótt
fór illa í son hans Marcus Jordan.
Jordan vann sex meistaratitla á
sínum ferli og vann öll úrslitaein-
vígi sín á ferlinum. Kobe er nú
kominn með fimm meistaratitla
eftir sjö úrslitaeinvígi.
Marcus, sem er yngri sonur
Jordan, tjáði sig um þetta tal
á twitter-síðunni sinni. „Eng-
inn og ég meina enginn ætti
nokkurn tímann að bera Kobe
Bryant saman við föður minn.
Hann kemst ekki nálægt pabba
mínum,“ skrifaði Marcus á twitt-
er-síðuna sína. Jordan var kos-
inn besti leikmaður úrslitanna í
öll sex skiptin en Kobe hlaut nú
þá viðurkenningu í annað skipt-
ið, í fyrstu fimm titlunum var
Shaquille O’Neal kosinn bestur.
Marcus spilar körfu með
Central Florida háskólanum en
það er víst engin hætta á því að
hann sjálfur verði mikið borinn
saman við föður sinn sem er af
flestum talinn vera besti körfu-
boltamaður allra tíma. - óój
Sonur Michaels Jordan:
Kobe á ekkert í
pabba minn
JORDAN Vann alla titlana fyrir Phil Jack-
son eins og Kobe. MYND/NORDICPHOTOS/GETTY
FRJÁLSAR Íslenska landsliðið í
frjálsum verður í eldlínunni á
Möltu um helgina þar sem liðið
keppir í 3. deild Evrópubikar-
keppninnar.
Ólíkt því sem var í fyrra eru
öll þau bestu með en alls skipa
íslenska hópinn 32 keppendur.
Þar á meðal eru Ásdís Hjálms-
dóttir, Bergur Ingi Pétursson,
Kristín Birna Ólafsdóttir og
Óðinn Björn Þorsteinsson.
Íslenska liðið keppir við þret-
tán þjóðir í 2. deildinni en liðið
endaði í 6. sæti í 3. deild Evrópu-
bikarsins í fyrra sem þá fór fram
í Sarajevo í Bosníu. Tvær efstu
þjóðirnar fara upp í 2. deild. - óój
Evrópubikarkeppni í frjálsum
Öll þau bestu
með á Möltu
AÐ KASTA KÚLUNNI VEL FH-ingurinn
Óðinn Þorsteinsson. FRÉTTABLAÐIÐ/STEFÁN
Verður þú næsti verðlaunahafi Íslands á Ólympíuleikum?

Íþrótta- og Ólympíusamband Íslands og Ólympíufjölskylda ÍSÍ halda upp á Alþjóðlega Ólympíudaginn
23. júní. Þennan dag árið 1894 var Alþjóðaólympíunefndin stofnuð. Þetta er því sérstakur dagur í sögu
íþrótta og er markmiðið að bjóða fólki að koma saman, hreyfa sig, læra nýjar íþróttagreinar og
kynnast ólympískum hugsjónum og gildum.
Allir sem taka þátt og prófa einhverjar íþróttagreinar fá viðurkenningu frá Alþjóða
Ólympíuhreyfingunni.

DAGSKRÁ

Egilshöll 13:00 til 15:00
UMF Fjölnir býður upp á íþróttastöðvar í Egilshöllinni. Stöðvarnar eru byggðar upp sem þrautir
úr flestum íþróttum félagsins og verður hægt að spreyta sig í hinum ýmsu íþróttum.
Ólympíufarar verða á staðnum og veittar verða viðurkenningar fyrir þátttöku

Laugaból – íþróttasvæði Ármanns 13:00 til 15:00
Fimleikadeild Ármanns býður alla velkomna í kynningu.

Breiðholt
ÍR býður opnar æfingar fyrir alla í frjálsum íþróttum og knattspyrnu dagana 21. – 25. júní.

Laugardalur 20:00 - 22:00
Komið og prófið öðruvísi íþróttir.

Við íþróttasvæði Ármann /Þróttar - Laugarból
Kynning á hafnarbolta í boði Hafnarboltafélags Reykjavíkur
Hjólaskíðakennsla í boði skíðagöngufélagsins Ullar

Skylmingamiðstöðin undir stúkunni á Laugardalsvelli
Komdu og kannaðu hvað þú getur gert með sverðinu. Landsliðsfólk tekur á móti og leiðbeinir.

Sundlaugin í Laugardal – innilaugin
Sýningarleikur í sundknattleik hefst um 21:00 og á eftir gefst almenning tækifæri á að prófa.

Miðnæturhlaup Powerade hefst kl: 22:00 stundvíslega
Þetta frábæra hlaup hentar fólki á öllum aldri, bæði byrjendum og lengra komnum og hægt er að
velja um þrjár vegalengdir. Skráning á staðnum frá kl: 18:00 og á www.marathon.is

- 3 km skemmtiskokk án tímatöku kostar – 1.000 kr.
- 5 km skemmtiskokk með tímatöku kostar – 1.500 kr.
- 10 km skemmtiskokk með tímatöku kostar – 1.500 kr.

Allir sem taka þátt í hlaupinu fá svo frítt í sund á eftir.

Frekari upplýsingar um daginn er hægt að finna á www.isi.is

TAKTU ÞÁTT 23. JÚNÍ