Fréttablaðið - 28.08.2010, Side 2

2 28. ágúst 2010 LAUGARDAGUR
SVEITARSTJÓRNIR Bæjarráð Hvera-
gerðis hefur samþykkt að dýra-
eftirlitsmanni verði strax falið
að vinna að fækkun villikatta og
ómerktra katta í samræmi við
reglur bæjarins þar um. Bæjar-
ráð ákvað þetta eftir að Aldís
Hafsteinsdóttir bæjarstjóri lagði
fram sjónarmið sín í málinu.
Kastljósið beinist þó ekki ein-
göngu að villiköttum.
„Bæjarráð ítrekar enn frem-
ur að verði ekki þegar í stað við-
horfsbreyting varðandi skrán-
ingu katta og ágang þeirra hjá
nágrönnum er ljóst að grípa þarf
til enn harðari aðgerða til fram-
tíðar litið,“ segir í samþykkt bæj-
arráðsins. - gar
Hvergerðingar vígbúast:
Herferð gegn
fjölda villikatta
VIÐSKIPTI Alþjóðlegir fjárfestar
hafa sýnt mikinn áhuga á danska
hótelinu D‘Angleterre og lagt fram
tilboð í það. Páll Benediktsson,
upplýsingafulltrúi skilanefndar
Landsbankans, segir þau óraun-
hæf.
„Þeir töldu sig geta fengið þetta
á brunaútsöluverði. En okkur ligg-
ur ekkert á. Bankinn ætlar að
eiga hótelið þar til alvöru tilboð
berst,“ segir Páll Benediktsson.
„Við getum þess vegna átt hótelið í
nokkur ár.“ Skilanefndin tók hótel-
ið til sín ásamt öðrum eignum fjár-
festingafélagsins Nordic Partners
undir lok mars í vor. - jab
Áhugi á hótel D‘Angleterre:
Vilja glæsihótel
fyrir slikk
HÓTELIÐ D‘Angleterre hótelið í Kaup-
mannahöfn.
LÖGREGLUMÁL Tveir Suðurnesja-
piltar undir tvítugu voru flutt-
ir undir læknishendur eftir
að BMW-bíll þeirra lenti utan
vegar á Reykjanesbraut um
klukkan átta í gærkvöldi. Öku-
maðurinn rotaðist og var fluttur
til Reykjavíkur til nánari skoð-
unar en farþeginn er útskrifað-
ur. Óhappið varð þar sem verið
er að gera nýtt hringtorg ofan
við Grænlandleiðs. Að sögn
lögreglu eru framkvæmdirnar
vel merktar og þar gildir 50
kílómetra hámarkshraði. Lög-
regla telur ökumanninn unga
hafa ekið of greitt. Bíllinn, sem
fór utan í moldarbarð og yfir á
öfugan vegarhelming, var dreg-
inn á brott. - gar
Varaði sig ekki á hringtorgi:
Ungur piltur ók
út af og rotaðist
SPURNING DAGSINS
H
V
ÍT
A
H
Ú
S
IÐ
/S
ÍA
–
0
8
-1
6
7
4
... og rjómi
NÁM Þekkingarfyrirtækið Ment-
or er í stöðugri þróun og hefur
stækkað hratt á undanförnum
misserum.
Fyrirtækið
fjölgar starfs-
mönnum á
Íslandi á næst-
unni um rúm-
lega fjörutíu
prósent vegna
þróunar
erlendis.
„Við erum
til dæmis
með tækifæri
erlendis fyrir íþróttafélög,“
segir Vilborg Einarsdóttir,
framkvæmdastjóri Mentors.
Fyrirtækið hefur þróað kerfi
fyrir íþróttafélög og fyrstu
íslensku skólarnir taka það í
notkun í september.
Starfsemi hófst í Sviss á árinu
og í Þýskalandi er áhugi. Svíar
hafa nýtt kerfið um tíma.
- mmf/sjá Allt
Mikil tækifæri erlendis:
Starfsmönnum
fjölgar mikið
VILBORG
EINARSDÓTTIR
DÓMSMÁL Um aldamótin síðustu
var heildarrefsitími í dómum sem
íslenskir dómstólar kváðu upp á
ári hverju, og bárust Fangelsis-
málastofnun til fullnustu, 200 ár.
Árið 2009 var árafjöldinn kom-
inn í 330.
Afbrotum hefur ekki fjölgað
sem þessu nemur og aukinn alvar-
leiki brotanna skýrir aukninguna
ekki heldur segir Helgi Gunn-
laugsson, afbrotafræðingur og
prófessor í félagsfræði við HÍ.
Þyngingu dóma má rekja til e-
töflumála á árunum 1996 og 1997.
„Þegar e-pillan kom inn í íslenskt
samfélag var
mikill ótti við
h a n a , d óm -
stólar brugð-
ust hart við og
dómar þyngd-
ust.“ Í fram-
haldinu þyngd-
ust aðrir dómar
líka, enda þótti
mörgum þeir
vægir í saman-
burði við fíkniefnadómana.
Helgi stýrði íslenska hluta
umfangsmikillar norrænnar
rannsóknar á viðhorfum almenn-
ings til refsinga sem Fréttablað-
ið sagði frá í síðustu viku. Hann
segir umræðuna í samfélaginu
undanfarin ár, að dómskerfið fari
of mildum höndum um afbrota-
menn, ekki eiga við rök að styðj-
ast. Hún hafi haft áhrif á dómstól-
ana, sem hafi þyngt dóma jafnt og
þétt. Niðurstöður rannsóknarinn-
ar sýni að almenningur geri sér
ekki grein fyrir refsiþyngd eða
því hvernig refsiákvarðanir eru
rökstuddar. Hann vanmeti dóm-
stóla og vilji í reynd vægari dóma
og aukin úrræði.
- hhs / sjá viðtal á síðu 32
Heildarrefsitími íslenskra dómstóla hefur snaraukist frá aldamótum:
Úr 200 árum í fangelsi í 330 ár
HELGI
GUNNLAUGSSON
LÖGREGLUMÁL Rúmlega tvítug-
ur íslenskur karlmaður var í gær
úrskurðaður í gæsluvarðhald til 24.
september að kröfu lögreglunnar á
höfuðborgarsvæðinu. Hann er grun-
aður um að hafa orðið Hannesi Þór
Helgasyni að bana þann 15. ágúst.
Lögð var fram krafa um fjögurra
vikna gæsluvarðhald og á hana var
fallist í Héraðsdómi Reykjaness.
Úrskurðurinn var í kjölfarið kærð-
ur til Hæstaréttar. Maðurinn hefur
staðfastlega neitað sök.
Maðurinn var handtekinn í fyrra-
kvöld. Í kjölfar handtökunnar var
gerð ítarleg húsleit á heimili hans
og hald lagt á muni sem þar var að
finna og tengjast hugsanlega rann-
sókninni. Lögreglan greinir ekki
nánar frá þessum nýju gögnum að
öðru leyti en því að þau séu árang-
ur vettvangsvinnu tæknideildar
lögreglunnar. Mikil leynd hvílir
yfir gögnunum og hefur lögmaður
mannsins ekki fengið vitneskju um
á hvaða atriðum gæsluvarðhalds-
krafan var byggð. Maðurinn hafði
áður verið í haldi lögreglu yfir nótt,
en var þá sleppt að yfirheyrslum
loknum.
Niðurstöður úr lífsýnum sem
send voru til Svíþjóðar liggja ekki
fyrir. Hugsanlegt er þó að einhverj-
ar bráðabirgðaniðurstöður liggi
fyrir jafnvel í næstu viku, að sögn
lögreglu.
Það var aðfaranótt sunnudagsins
15. ágúst sem Hannes heitinn var
einn heima eftir að hafa ekið kær-
ustu sinni niður í miðbæ Reykja-
víkur. Alla jafna hefðu systir hans
og mágur verið í húsinu hjá honum,
þar sem þau bjuggu hjá honum tíma-
bundið. Þessa nótt gistu þau hins
vegar á heimili elstu systurinnar
og gættu barns hennar.
Í hádeginu á sunnudag kom kær-
asta Hannesar að honum látnum á
svefnherbergisgangi á heimili hans.
Honum höfðu verið veittir mikl-
ir áverkar, þar á meðal fjölmörg
stungusár. Hann var einnig með
áverka á höndum, sem benda til
þess að hann hafi reynt að verjast.
Lögreglan telur að hann hafi verið
sofandi þegar ráðist var að honum.
Jafnframt að ekki hafi verið tilvilj-
un að farið var inn á heimili hans á
þessum tíma og honum ráðinn bani
með þessum hætti. jss@frettabladid.is
Í HANDJÁRNUM Þrír lögreglumenn leiddu manninn í járnum inn í dómsal í Héraðsdómi Reykjaness. Hann var fluttur á Litla-
Hraun að dómsúrskurði upp kveðnum. Í baksýn eru tvær systur og frændi Hannesar Þórs heitins. FRÉTTABLAÐIÐ/STEFAN
Í varðhaldi en neitar
að hafa myrt Hannes
Karlmaður, grunaður um að hafa myrt Hannes Þór Helgason, var úrskurðaður
í fjögurra vikna gæsluvarðhald í gær. Ný gögn í málinu eru komin fram.
Sigríður, ertu algjör kálhaus?
„Nei, en það liggur við að það vaxi
salat út úr eyrunum á mér!“
Sigríður Melrós Ólafsdóttir, myndlistar-
maður og sýningarstjóri, borðar salat
daglega, ræktar það úti í garði, tekur
það með sér í vinnuna og selur svo salat
á markaði um helgar. Hún segist vera
salatkona.
GRÆNLAND, AP Breska olíufélagið
BP hefur tekið ákvörðun um að
bjóða ekki í olíuborunarleyfi úti
fyrir strönd Grænlands.
Grænlenska stjórnin hafði þó
áður gefið til kynna að varla væri
vilji til þess hvort eð er að veita
BP slíkt leyfi.
Ástæðan er umhverfisslysið
mikla í Mexíkóflóa síðastliðið
vor, þegar olíuborpallurinn Deep-
water Horizon eyðilagðist og
gríðarmikið magn af olíu lak út
í hafið.
- gb
Ímynd BP illa sködduð:
Borar ekki út
af Grænlandi
ORKUMÁL Stjórn Orkuveitu Reykja-
víkur samþykkti í gær að hækka
gjaldskrár fyrirtækisins um 28,5
prósent hjá meðalnotanda. Orku-
reikningur fjölskyldu sem býr í 130
fermetra húsi hækkar um 2.400
krónur á mánuði eða um 28.800
krónur á ári vegna hækkunarinnar.
Áhrif á vísitölu neysluverðs verða
0,39 prósent, að sögn OR.
Stjórnin ákvað jafnframt að fela for-
stjóra að lækka rekstrarkostnað um
tvo milljarða króna eða um það bil
25 prósent. Í samtali við Fréttablað-
ið segir Haraldur Flosi Tryggva-
son, stjórnarformaður Orkuveitu
Reykjavíkur, að líklega þurfi bæði
að segja upp starfsfólki og lækka
laun til þess að ná þessu markmiði.
Þá er í undirbúningi að selja eignir,
sem ekki eru nauðsynlegar vegna
kjarnastarfsemi fyrirtækisins.
Sóley Tómsdóttir, fulltrúi VG, í
stjórn OR segir að ákvörðun stjórn-
arinnar sé illa undirbúin. Ábyrgð-
inni á „þessu stórpólitíska verkefni“
sé að miklu leyti varpað á stjórnend-
ur fyrirtækisins.
Í bókun Kjartans Magnússonar,
fulltrúa sjálfstæðismanna, segir
að sýnt hafi verið fram á að hækka
hefði mátt gjaldskrá á þremur til
fimm árum og tryggja greiðsluhæfi
fyrirtækisins án þess að leggja of
þungar byrðar á almenning.
-pg / sjá síðu 12
Gjaldskrárhækkun OR um 28,5% kostar meðalheimili 2.400 krónur á mánuði:
Ætla einnig að skera niður
rekstrarkostnað um 25 prósent
HARALDUR FLOSI Stjórnarformaður
Orkuveitunnar fékk samþykktar róttækar
tillögur á fundi Orkuveitunnar í gær.
FRÉTTABLAÐIÐ/GVA