Fréttablaðið - 28.08.2010, Qupperneq 62

Sigríður segist vona að tónlistaruppeldi hefjist strax
innan fjölskyldunnar áður en barn kemst á leikskóla, en
sjálf hlaut hún ríkulegt tónlistaruppeldi í æsku.
„Móðir mín var tónelsk og spilaði mikið á stofuorg-
el og píanó heima. Við systkinin lærðum flest á píanó
og eldri bræður mínir áttu stórt safn hljómplatna með
klassískri tónlist og djassi, sem var mikið spilað, og svo
söng ég í kór. Tónlistin togaði því í mig og eftir mennta-
skóla tók ég inntökupróf við Tónlistarháskólann í Köln
að tilstuðlan Ingólfs Guðbrandssonar, þar sem ég komst
inn og sérhæfði mig í tónlistaruppeldi ungra barna,“
segir Sigríður sem helgaði lífsstarf sitt tónlistarnámi
barna.
Hún bendir á að í aðalnámsskrá leikskólanna frá 1999
sé tónlist tiltekin sem eitt sex meginnámssviða fyrsta
skólastigs barna í leikskóla.
„Þar segir skýrum stöfum að börn eigi að læra og
upplifa söng, tónlist og hreyfingu, vinnu með hljóð-
færi og hlustun í leikskóla. Námsskráin er til viðmið-
unar skipulögðu leikskólastarfi og reyndar ekkert eft-
irlit með hvort tónlistaruppeldinu sé sinnt, en öruggt
má telja að börnum sé það mikilvægt. Í gegnum tónlist
getur maður unnið svo endalaust mikið með börnum því
þeim er eiginlegt að tjá sig í söng og eru forvitin um
hljóðin í umhverfi sínu. Því læra þau mikið í gegnum
tónlist, auk þess sem tilfinningarnar gleði og sorg koma
fram í gegnum hana. Tónlist er því stór þáttur í lífi leik-
skólabarna og nauðsynlegt fyrir kennara að hlusta eftir
hvernig hún kemur frá börnunum og þekkja leiðir til að
vinna með það áfram,“ segir Sigríður sem komist hefur
að mörgu undrinu í tónlistartjáningu barna.
„Margt er mjög merkilegt eins og sjálfsprottni söng-
urinn, en það eru sömu stefin og finna má um allan
heim og skrifaðar hafa verið um lærðar doktorsrit-
gerðir. Sjálfsprottinn söngur er sterkt félagslegt afl og
gjarnan notað til að stríða eða ná athygli. Þá duga ekki
orðin lengur, heldur syngja börnin kannski „Na-na-na-
bú-bú!“ til að stríða eða monta sig. Sjálfsprottinn söng
má líka sjá hjá barni sem er komið í rólu og sönglar: Ég
náði í róluna – ekki þú!“ Þá njóta börn sín vel með alls
kyns grófa orðaleiki og sönglanda, eins og: „Alli-Palli,
skíta ralli“, en slíkt kemur fljótt fram og reyndar eru til
samfélög þar sem hinn sjálfsprottni söngur deyr ekki
út eins og hjá okkur, heldur notar fólk hann allt lífið,
meðan við verðum feimin við að tjá okkur á þann hátt og
sjálfsprottni söngurinn víkur fyrir „réttum“ söng eftir
fyrirmyndum viðurkenndra sönglaga.“ - þlg
Þroskast með söng Sigríður segir sjálfsprottinn söng
finnast alls staðar um heiminn, en með honum tjá börn
tilfinningar sínar.
Horn á höfði
Barnaleiksýningin Horn á höfði
var valin sú besta á síðastliðinni
Grímuhátíð en hún var frumsýnd
í Grindavík síðastliðinn vetur og
hlaut frábærar viðtökur. Nú hefur
Borgarleikhúsið tekið sýninguna
upp á sína arma í samstarfi við
GRAL, Grindvíska atvinnuleikara,
og verður hún frumsýnd þar 18.
september undir leikstjórn Bergs
Þórs Ingólfssonar. Horn á höfði er
ævintýri sem fjallar um strák að
nafni Björn sem vaknar einn dag-
inn með horn á höfði og upphefst
mikið ævintýri þar
sem Jórunn vin-
kona hans hjálpar
honum að komast
að því af hverju
honum hefur
vaxið horn.
Skoppa og Skrítla á
tímaflakki
Sýningin um Skoppu og Skrítlu í
Borgarleikhúsinu gekk fyrir fullu
húsi á síðasta leikári og þær snúa
aftur eftir áramót. Tvíeykið lit-
skrúðuga hefur notið mikilla vin-
sælda hjá yngri kynslóðinni en í
sýningunni fá Skoppa og Skrítla
óvænta gjöf frá Lúsí vinkonu sinni
– púsluspil. Gunnar Helgason leik-
stýrir stykkinu en sýningar eru í
janúar og febrúar á Litla sviðinu.
Ævintýrið um
töfraflautuna,
Chaplin, Nornir og
töframenn
Litli tónsprotinn er
tón lei k a rö ð á
vegum Sinfóníu-
hljómsveitarinn-
ar sem miðast við
yngstu tónlistar-
unnendurna og
hefur notið mik-
illa vinsælda. Í
vetur verður
meðal annars flutt ævintýrið um
Töfraflautuna í styttri útgáfu en
allir tónleikar í röðinni eru klukku-
tíma langir og eru á laugardögum.
Þá mun Sinfóníuhljómsveitin leika
undir tveimur frábærum Chapl-
in-myndum sem höfða til barna,
Hundalífi og Iðjuleysingjanum.
Nornir og töframenn er svo yfir-
skrift fjölskyldutónleika þar sem
tónlist Johns Williams úr Harry
Potter er meðal annars leikin og
Wagner dregur fram Valkyrjur
sínar.
Ballið á Bessastöðum
Fjörugt barnaleikrit sem byggt er
að hluta á hinum vinsælu barna-
bókum, Ballið á Bessastöðum og
Prinsessan á Bessastöðum, eftir
Gerði Kristnýju Guðjónsdóttur,
verður frumsýnt á Stóra sviðinu í
Þjóðleikhúsinu í lok janúar. Leikrit-
ið fjallar um forseta á Bessastöðum
sem heldur í ævintýralega för með
gestkomandi prinsessu en við sögu
kemur einnig hrekkjóttur bakara-
draugur. Bragi Valdimar Skúla-
son, höfundur barnaplötunnar vin-
sælu Gilligill, sér um tónlistina en
Ágústa Skúladóttir leikstýrir.
Sindri silfurfiskur
Sýningin Sindri silfurfiskur er
gullfalleg leikhúsupplifun fyrir
yngstu kynslóðina sem frumsýnd
var síðastliðið haust í Kúlunni í
Þjóðleikhúsinu. Sýningin var til-
nefnd til Grímunnar og var einnig
boðið á BIBU-barnaleikhúshátíðina
í Svíþjóð síðasta vor. Notast er við
sérstaka ljósatækni í sýningunni
sem býr til ótrúlegan neðansjáv-
arheim sem fjallar um Sindra silf-
urfisk og ævintýri hans. Sýningar
hefjast í byrjun janúar.
Barnadagskrá í Salnum
Salurinn hefur staðið fyrir öflugri
tónlistardagskrá fyrir börn síð-
ustu vetur og er engin undantekn-
ing þar á nú. Ýmsir viðburðir eru
á boðstólum og má þar meðal ann-
ars nefna sérstaka Hrekkjavöku-
tónleika í október í tilefni hrekkja-
vöku. Karnival dýranna eru svo
tónleikar sem Salurinn býður upp á
snemma í haust og jólaballett eftir
Elínu Gunlaugsdóttur verður frum-
fluttur af dönsurum Listdansskóla
í desember. Eftir áramót má meðal
annars nefna að klassískt diskótek
verður haldið í febrúar.
Dagskrá fyrir litla
menningarvita
Fram undan er spennandi menningarvetur fyrir alla fjöl-
skylduna, ekki síst yngstu meðlimina. Fréttablaðið skaut-
aði yfir nokkra barnvæna menningarviðburði vetrarins.
Sindri silfurfiskur er gullfalleg barnasýning fyrir allra yngstu kynslóðina í
Kúlunni.
6 fjölskyldan
tónlist
léttir lundina ...
FJÖLSKYLDUFERÐ Haustin eru einn besti skipulagstími ársins
og tilvalið að kaupa miða á menningarviðburði fyrir alla fjölskyld-
una nú þegar og byrja haustið með stæl.
FRAMHALD AF FORSÍÐU