Fréttablaðið - 18.09.2010, Blaðsíða 39

LAUGARDAGUR 18. september 2010 3
Mmmmm … vínarbrauð, besta
sem ég veit, er það fyrsta sem fer
gegnum hugann þegar stigið er inn
fyrir þröskuld Myllunnar og bök-
unarlyktin magnast. Mannskapur-
inn þar lætur ekkert glepjast þó
gesti beri að garði. Töluvert meira
þarf til að hann leggi niður störf.
„Hér er unnið á vöktum allan sól-
arhringinn alla daga ársins nema
fjóra helgustu hátíðardagana og
þegar þeir eru liðnir mætir fyrsta
vakt strax á miðnætti þannig að
framleiðslan fellur aldrei niður í
heilan sólarhring,“ upplýsir Björn
Jónsson, markaðsstjóri Myllunn-
ar.
Myllan hóf starfsemi sína árið
1959 í Álfheimunum. Þá var það
lítið fjölskyldufyrirtæki sem
síðan óx og dafnaði. Nú er það hið
stærsta í landinu með 1.800 starfs-
menn frá 18 þjóðlöndum. Björn
segir að margir hafi unnið þar
árum saman og nefnir sem dæmi
hjón sem komu sem flóttamenn frá
Víetnam á sínum tíma. Nú eru börn
þeirra meðal starfsmanna.
Tegundirnar eru fjölmargar
sem bakaðar eru í Myllunni enda
þjónustar hún stórmarkaði, hótel,
mötuneyti og stofnanir. Inntur
eftir því hvað efst sé á vinsælda-
lista þjóðarinnar af því sem komi
út úr ofnum fyrirtækisins svarar
Björn: „Það er Heimilisbrauðið.“
gun@frettabladid.is
Ilmurinn er indæll …
Allt að því áfengur bökunarilmur liggur yfir Skeifunni og Faxafeninu og æsir upp hungrið í þeim sem þar
fara um. Ástæðan er sú að þar er Myllan staðsett, langstærsta bakarí á Íslandi. Skoðum það nánar.
Það dugar ekkert minna en hálfgerðar
steypuhrærivélar í bakstur Myllunnar.
Garðar, Sævar og Stefnir hafa hröð handtök við að móta langbrauðin.Þorvaldur skellir gómsætu kremi á girnilega tertu. FRÉTTABLAÐIÐ/GVA
Nóg er að gera hjá Kamillu í tertubotnabakstrinum.
Linh brosir ánægjulega yfir hamborgarabrauðunum.

Fákafeni 11 - www.boconcept.is
no limits
in colours

Trimform
Berglindar