Fréttablaðið - 18.09.2010, Qupperneq 61

matur 5
Súkkulaðibrownie Nauthóls Bistro nýtur mikilla vinsælda og Sigurður gaf uppskrift-
ina að réttinum.
SÚKKULAÐIBROWNIE
Fyrir sex
200 g dökkt súkkulaði
220 g smjör
3 egg
220 g sykur
80 g hveiti
1 tsk. lyftiduft
100 g jarðhnetur, ristaðar
Bræðið súkkulaðið og smjörið í vatns-
baði. Þeytið egg og sykur saman.
Blandið eggjablöndunni varlega saman
við bráðina. Sigtið hveiti og lyftiduft
yfir blönduna og hrærið saman. Setj-
ið ristaðar jarðhneturnar út í. Hellið
blöndunni í vel smurt meðalstórt hring-
form. Bakist við 180°C í 35 mínútur.
ANÍSKARAMELLA
190 g sykur
190 g glúkósi
150 g ósaltað smjör
190 ml mjólk
250 ml rjómi
2 stk. stjörnuanís, mulinn í kvörn
(jafnvel piparkvörn)
Sykur og glúkósi er brætt vel saman í
potti. Bætið smjörinu og mjólkinni út
í, hrærið öðru hverju þar til til bland-
an byrjar að þykkna. Hellið rjómanum
og muldum stjörnuanísnum út í í lokin.
Kælið karamelluna. Gott er að bera
réttinn fram með léttþeyttum rjóma
og nokkrum tegundum af ís.
VANILLUKREM MEÐ RJÓMA OG
RIFNUM MARENGS OG FERSKRI
ÁVAXTABLÖNDU
VANILLUKREM
Fyrir 6
½ l mjólk
1 vanillustöng
125 g sykur
125 g eggjarauður
25 g maísenamjöl
100 ml rjómi, létt-
þeyttur
Þeytið eggjarauðurnar léttar og ljós-
ar, bætið sykrinum og maísmjöli út í
og þeytið vel saman. Sjóðið saman
mjólkina og vanillustöngina í potti og
fáið suðuna upp. Hellið mjólkinni hægt
saman við eggjablönduna og hrær-
ið á meðan. Setjið svo allt aftur í pott
og hitið þar til blandan fer að þykkna.
Látið kólna. Blandið saman við létt-
þeyttan rjóma.
MARENGS
150 g púðursykur
90 g eggjahvítur
Stífþeytið eggjahvíturnar og
púðursykurinn, smyrjið í hring á
bökunarplötu og bakið við 120°C
í 1 klukkustund, slökkvið þá á ofn-
inum og látið standa í ofninum í
klukkutíma í viðbót. Takið marengs-
inn út og kælið. Þá er hann tilbúinn
og má rífa yfir vanillukremið.
Ávextir yfir:
1 bolli fersk jarðarber, skorin niður
½ fersk mynta, söxuð
börkur af ½ sítrónu eða lime, rifinn
Blandið saman og hellið yfir.
SÚKKULAÐIBROWNIE MEÐ ANÍSKARAMELLU OG VANILLUKREM
Sigurður Ívar Sig-
urðsson, kokkur á
Nauthóli Bistro.
E