Fréttablaðið - 23.10.2010, Side 44

23. október 2010 LAUG-2
til æviloka,“ segir Eyja af stað-
festu og bætir við hlæjandi að öll
sextán árin hafi þau Óðinn verið
undir pressu um að gifta sig.
„Ástvinir okkar voru orðnir
langeygir eftir brúðkaupi, og ég á
yngri systur sem nú eru komnar
á þrítugsaldur en ég lofaði þeim
að verða brúðarmeyjar þegar
þær voru tíu ára. Nú taka dætur
okkar tvær að sér hlutverk brúð-
armeyja, en pressan hefur líka
verið mikil frá þeim og þær haft
ósvikinn áhuga á að mamma og
pabbi yrðu hjón,“ segir Eyja um
dæturnar Valdísi Mist tólf ára og
Heiðrúnu Jónu fimm ára. „Þær
eru virkilega spenntar og halda
því fram að við séum öll að fara
að giftast,“ segir hún og hlær yfir
einlægu sakleysi dætra sinna.
Eyja er umhverfisfræðingur
og starfar að umhverfismálum
hjá Reykjavíkurborg en Óðinn er
flugvirki.
„Mér líður alveg svakalega
vel og hlakka óskaplega til að
verða gift kona,“ segir hún hlátur-
mild og hamingjusöm á einum
stærsta degi lífs síns. „Því er
ekki minnsta hætta á að ég hlaup-
ist á brott frá altarinu því við
Óðinn erum búin að vera ákveðin
í þessu árum saman,“ segir Eyja,
sem klæðast mun undurfögrum
kjól þegar hún innsiglar hjóna-
bandið með kossi í dag.
„Ég mun ekki klæðast hefð-
bundnu brúðarskarti, en verð í
látlausum brúðarkjól. Við Óðinn
erum bæði miklir náttúruunn-
endur og ferðumst mikið á fjöll
bæði sumur og vetur. Því fannst
okkur mikilvægt að giftast í
rómantískri umgjörð náttúrunn-
ar. Okkur þótti það líka ákveðin
leið til að komast úr hefðbundn-
um kröfum til brúðkaupa í dag,
því þar er efnishyggjan orðin
mikil. Ef maður setur þetta í
svona stíl öðlast maður aðra sýn
og setur allt í annað samhengi,“
segir Eyja, sem ásamt Óðni hefur
stefnt áttatíu brúðkaupsgestum í
Þórsmörkina í kvöld, en þar ætlar
stærstur hlutinn að gista.
„Í Básum er engin brúðarsvíta
svo við njótum ekki hefðbundinn-
ar brúðkaupsnætur heldur ákváð-
um að vera bara á meðal fólks-
ins. Við förum svo í sumarbústað
eftir helgina og njótum þá hveiti-
brauðsdaga í friðsælli náttúrunni.
Veislan verður því heilagt ullar-
peysupartí sem lýkur með stað-
góðum morgunverði.“
thordis@frettabladid.is
Eftir 16 sykursæt ár, 2 börn, 15 heimili og 7 gullfiska hafa þau Eyja og Óðinn ákveðið
að ganga í það heilaga. Í brúðkaupsveislunni í Þórsmörk ætla þau að bjóða upp á
grillað fjallalamb, dýrindis brúðkaupstertu, hnallþóru-rjómatertur og fleira gómsætt.
Ægir Ólafsson hefur útsýni í vinn-
unni sem er engu öðru líkt en hann
starfar sem kranastjóri við bygg-
inguna á tónlistarhúsinu Hörpu.
Hann hefur áhuga á ljósmyndun og
tekur myndir úr krananum í allt að
70 metra hæð. „Ég hef tekið mynd-
ir af tónlistarhúsinu á ýmsum
byggingarstigum frá sjónarhorni
sem fæstir hafa,“ segir Ægir.
Ein mynda hans varð að frétta-
ljósmynd og í kjölfarið höfðu lista-
konurnar Anna Hallin og Ósk Vil-
hjálmsdóttir samband við hann
og fengu leyfi til að búa til kross-
saumsmynd eftir myndinni. Þær
opnuðu sýninguna SPOR í Lista-
safni ASÍ í byrjun mánaðarins þar
sem þær bjóða fólki að sauma sitt
spor í myndina. „Þær buðu mér að
vera gestur á sýningunni og hvöttu
mig til að sýna fleiri myndir,“
segir Ægir en áhuginn á myndun-
um hefur komið honum skemmti-
lega á óvart. Hann býst við því að
hann muni halda áfram að mynda
tónlistarhúsið þar til byggingu
þess lýkur en veit ekki hvort sýn-
ingarnar verði fleiri. Sýningunni
lýkur á sunnudag. vera@frettabladid.is
Einstakt útsýni yfir Hörpu
Sýningu á ljósmyndum kranastjórans og áhugaljósmyndarans Ægis Ólafssonar lýkur um helgina en þær
eru teknar úr sjötíu metra hæð og sýna tónlistarhúsið Hörpu á ýmsum byggingarstigum í sjaldséðu ljósi.
Eftir þessari ljósmynd hafa listakonurnar Anna Hallin og Ósk Vilhjálmsdóttir búið til
krosssaumsmynd sem gestum á sýningunni SPOR er boðið að sauma spor sitt í.
MYND/ÆGIR ÓLAFSSON
Ægir segir áhuga fólks á ljósmyndum
hans hafa komið sér skemmtilega á
óvart. FRÉTTABLAÐIÐ/VALLI
Framhald af forsíðu
Ó, land mitt land er yfirskrift málþings í Listasafni Íslands sem hefst í dag klukkan 11, þar
sem áhugafólk, myndlistar- og fræðimenn munu ræðu fagurfræðilegt gildi náttúrunnar, nátt-
úruvernd, nýtingu náttúruauðlinda og pólitísk áhrif myndlistar í tengslum við sýningar á verk-
um Ólafs Elíassonar og Péturs Thomsen.
Hringdu í síma
ef blaðið berst ekki