Fréttablaðið - 23.10.2010, Side 68

6 matur
Ég lærði að elda úti á Ítalíu,“ segir Magnús. „Fór þangað 1979 og var þar í þrjú ár. Á
Ítalíu kemstu ekki hjá því að fá
áhuga á eldamennsku. Ítalir tala
um mat eins og norrænar þjóðir
tala um veðrið. Maður fer að tala
um mat við fólk sem maður þekk-
ir ekki neitt. Það er hreinlega ekki
hægt að búa á Ítalíu án þess að
heillast af matargerðinni.“
Spurður hvort neyðin hafi ýtt
honum út í eldamennskuna segir
Magnús að kannski megi segja
það. „Þáverandi konan mín vann
mikið, fór að heiman snemma á
morgnana og kom ekki heim fyrr
en seint á kvöldin, þannig að eig-
inlega neyddist ég til að taka það
hlutverk að mér. Ég gat hreinlega
ekki, þrátt fyrir alla karlrembu og
fortíð, ætlast til þess að hún kæmi
heim seint á kvöldin og færi að
elda handa mér.“
Magnús segist enn halda sig
mest við ítalska matargerð en
hann sé einnig hrifinn af asískri
matargerð. „Ég ferðaðist töluvert
um Asíu eftir að ég bjó á Ítalíu og
hreifst af matargerð þar. Einkum
í Taílandi og Malasíu.“ Hann segir
börnin sín kunna vel að meta mat-
argerð föðurins. „Dætur mínar
eru aldar upp við þetta frá blautu
barnsbeini og kippa sér ekkert upp
við hvítlauk og karrí, finnst það
bara gott.“
Magnús segir það mikla fötlun
að kunna ekki að elda. „Þetta er
nokkuð sem hver maður ætti að
leggja stund á. Það er bara skortur
á menntun að kunna ekki að elda,
því þetta er þroskandi iðja.“ - fsb
Þroskandi
að elda
Kippa sér ekkert upp við hvítlauk og karrí. Magnús með börnum sínum, Ara, Ragnhildi Ingu og Helgu Sóleyju. FRÉTTABLAÐIÐ/STEF-
½ kíló lambakjöt, súpukjöt
eða hvaða hluti af lambinu
sem vill.
1 laukur
½ hvítlaukur
½ eggaldin
Nokkrir sveppir
1 paprika, eða bara það
grænmeti sem til er á heim-
ilinu.
2 dósir maukaðir niðursoðn-
ir ítalskir tómatar.
1 grænmetisteningur frá
Yggdrasil
Skvetta af rjóma
Skvetta af rauð- eða hvítvíni
Kjötið fituhreinsað og steikt
með beini í ólívuolíu á pönnu.
Á meðan það steikist er
grænmetið skorið
gróft. Þegar kjötið er steikt
er það tekið af pönnunni og
grænmetið steikt í fitunni af
kjötinu. Meðan það brasast
er kjötið skorið af beini og
sett út í á pönnuna. Tveim
dósum af maukuðum niður-
soðnum tómötum, verða að
vera ítalskir, er hellt út á og
látið malla. Kryddað með
karríi, salti og pipar, rjóma
og víni hellt út í, ef það er til,
og látið malla í korter. Borið
fram með hrísgrjónum eða
kartöflum og hvítlauksbrauð
haft með.
POTTRÉTTUR PABBA
Fyrir fjóra
Magnús R. Einarsson, útvarps- og
tónlistarmaður, nýtur þess að elda og
segir hverjum manni nauðsyn að kunna það.
A
Hráfæði, mataragerð og fræðsla
6 stundir daglega í 5 daga
Það hollasta í dag!
Næring, ofurfæði, fæðusamsetning
og margt fleira tengt MAT og HEILSU
Solla súpergræna ásamt Lilju og Gitte frá
Heilsumeistaraskólanum sjá um kennsluna.
Upplýsingar og skráning:
hrafaediskolinn@gmail.com s. 861-3174
Hráfæðisskólinn
8. - 14. nóvember