Morgunn - 01.12.1942, Side 28

154
MORGUNN
um miðilsins var haldið og hann margbundinn við stól-
inn, meðan þetta gerðist, og þegar ljósið var kveikt,
voru böndin óhreyfð, innsiglin heil og allt með sömu um-
merkjum og þegar fundurinn hófst. Stjórnandi miðilsins
fullyrti, að þarna hefði verið um afholdgunarfyrirbrigði
að ræða og þeim, sem þekkja þau fyrirbrigði, getur
ekki fundizt nein önnur skýring skynsamlegri.
Það sýndist engu máli skipta, hve rammbyggilega
miðillinn var bundinn í stólnum, stjórnendurnir tóku
hann úr stólnum í transinum, ef þeir ætluðu sér það. Það
fyrirbrigði gerðist með þessum hætti: Ljósin voru kveikt,
að skipun stjórnandans, og tilraunamenn ganga úr
skugga um, að miðillinn er kyrr í böndunum. Böndin
og allir hnútar og innsigli eru rannsökuð gaumgæfilega
og síðan eru Ijósin aftur slökkt. Þá gefur stjórnandinn
fyrirskipun um, að kveikja að nýju, og þá stendur mið-
illinn einhvers staðar á gólfinu fyrir utan stólinn. Stund-
um tók það að eins fáar sekúndur, að flytja hann þann-
ig úr stólnum. Fundarmenn rannsökuðu nú böndin, þau
eru vafin utan um stólinn, bríkur og fætur, hnútar og
innsigli eru með sömu ummerkjum og þegar gengið
hafði verið frá þeim og miðillinn bundinn. í þessu
sambandi er eftirtektarvert, að það tekur tvo menn
þetta 2—4 mínútur hvorn að binda miðilinn og stundum
talsvert lengri tíma að leysa hann aftur, séu hnútarnir
fast bundnir, en úr þessum böndum er miðillinn fluttur
á fáum sekúndum, að eins fáar sekúndur líða frá því
að slökkt er og þangað til kveikt er aftur.
Nú skipar stjórnandinn að slökkva aftur, en eftir
fimm til tíu sekúndur skipar* hann enn að kveikja og þá
er miðillinn aftur kominn undir þessi margvöfðu og inn-
sigluðu bönd, Og nu situr hann í stólnum í djúpum transi
í böndunum og að öllu með sömu ummerkjum og þegar
hann var bundinn þar í byrjun fundarins. Þetta gerist
í augnabliksmyrkri, en áður en ljósin voru slökkt sáu
fundarmenn hann snúast ákaft á gólfinu og heyrðu