Morgunn - 01.12.1972, Blaðsíða 79

BÆKUR
157
lausn hinnar miklu ráðgátu Boston-morðanna, eins og frægt er
orðið.
Þessu var öðruvísi varið með Gerard Croiset, sem sagt er frá i
þessari bók. Hann virðist hafa verið skyggn allt frá bernsku.
Hann var faíddur 10. marz 1909 í smábænum Laren í Norður-
Hollandi. Faðir hans Hyman Croiset og bróðir hans Max, voru
báðir Shakaspeare-leikarar og móðir Gerards vann einnig við
leikhús. Samkomulag foreldranna var slæmt, og átti hann því
mjög örðuga bernsku. Átta ára gömlum var honum komið í
fóstur. Sex sinnum varð þessi litli vesalingur að skipta um fóst-
urforeldra og var alls staðar barinn fyrir að vera „undarlegur“,
og fyrir stifni og óþekkt. Sem barn varð hann að líða ótrúleg-
ustu þjáningar og varð fyrir það mannfælinn. Ekki bætti það
úr skák, að hann sá snemma undarlegar sýnir, sem hann vit-
anlega hafði engan skilning á. Ef hann í ógáti hafði orð á þessu,
héldu allir að hann væri annað hvort viti sínu fjær eða væri að
spinna upp skröksögur. Það var helzta huggun hans, að leika
sér við börn, sem aðrir sáu ekki, líkt og þegar einmana börn á
íslandi léku sér stundum við álfa.
Sérkennilegt er það um Croiset, að það er eins og samúð hans
með öðrum hafi örfandi áhrif á gáfur hans. Sérstaklega snerta
hann að þessu leyti atvik i lífi annara, sem líkjast einhverju,
sem fyrir hann sjálfan hefur borið.
Það sem gefur afrekum Croisets sérslakt gildi fyrir sálarrann-
sóknirnar er það, að hann hefur verið allt síðan 1946 undir
nákvæmu vísindalegu eftirliti prófessors Willems H. C. Ten-
haeffs, sem er forstöðumaður hinnar einstæðu Dularsálfræði-
stofnunar við háskólann í Utrecht í Hollandi.
Flest tilfella Croisets í þessari bók eru þýdd eftir hljóðritun-
um og skýrslum frá Dularsálfræðistofnuninni, hollenzka tíma-
ritinu um dularsálfræði, fræðibókum dr. Tenhaeffs og lögreglu-
skýrslum í Hollandi og öðrum löndum Evrópu.
Segist höfundur hafa valið tilvikin í þessari bók af nokkru
handahófi til þess að bregða ljósi á hinar margþættu hliðar á
hæfileikum Croisets, sem lítt eru kunnar utan ættlands hans.
Lesendum Morguns eru þegar kunn ýmis þessara mála af