Fréttablaðið - 05.11.2010, Síða 26

Ragnheiður Jónsdóttir listakona tekur þátt í leiðsögn um
sýninguna með Viljann að vopni á Kjarvalsstöðum á sunnudag
klukkan 15, ásamt sýningarstjóranum Hrafnhildi Schram. Ragn-
heiður er ein þeirra listamanna sem eiga þar verk. Eftir það munu
fulltrúar úr Start Art hópnum kynna bókina Laugavegurinn.
„Það er mjög þægilegt að vinna
með brúðum, þær gera eins og þeim
er sagt og mótmæla aldrei neinu,“
segir Benedikt Erlingsson glettinn
í bragði en hann leikstýrir nýrri
leikgerð af sögunni um Gilitrutt
eftir Bernd Ogrodnik sem frum-
sýnd verður í leikhúsi Brúðuheima
í Borgarnesi á morgun.
Sýningin er byggð á hinni klass-
ísku sögu um Gilitrutt og segir frá
bóndakonunni Freyju sem er löt til
verka og lendir í klónum á Gilitrutt
fyrir vikið en lærir af þeim sam-
skiptum að taka ábyrgð á sínum
verkum og gjörðum.
„Ég veit að það er kannski ekki
pólitískt rétt að gera sögu um lata
konu og duglegan mann, og lík-
lega verðum við gagnrýndir fyrir
það en svona er bara sagan,“ segir
Benedikt hlæjandi.
Hann tekur fram að þó farið sé
nokkuð nærri hinni upprunalegu
sögu sé reynt að komast að kjarna
hennar á þann hátt að foreldrar
geti einnig haft gaman af sýning-
unni. „Við viljum svara því
hver Gilitrutt er, hvers
vegna þessi saga sé
til og hvort einhver
broddur sé í henni. En
svo er þetta auðvitað líka alveg
frábær skemmtun.“
Benedikt segir það mikil for-
réttindi að fá að vinna með Bernd
Ogrodnik. „Hann er í rauninni eins
og eins manns verksmiðja. Hann er
ekki aðeins brúðuleikarinn heldur
líka brúðusmiðurinn, leikmynda-
gerðarmaður, tónsmiðurinn og
handritshöfundur,“ segir Benedikt
en Bernd stjórnar brúðunum í sýn-
ingunni og talar fyrir allar persón-
urnar. „Hann talar við Jón, Freyju
og Gilitrutt. Hann hneggjar fyrir
hestinn, jarmar fyrir kindurn-
ar og krunkar fyrir krumma,“
segir hann hlæjandi. „Þetta
er ein stór kransakaka fyrir
skilningarvitin.“
Þó hin klukku-
tíma langa sýn-
ing sé hin besta
skemmtun
segir Bene-
d i k t h a n a
aðeins hluta af mun stærri upplif-
un. „Við erum ekki bara að selja
sýninguna heldur líka bílferðina
báðar leiðir,“ segir hann glaðlega
og bendir á að bílferðin sé tilval-
inn tími til að skoða tröll og Skessu-
horn í Skarðsheiðinni. Auk þess sé
heimsókn í Brúðusafnið upplifun út
af fyrir sig.
Sýningin er ætluð fyrir leikskóla-
börn og upp úr. Benedikt segir þó
að yngstu börnin hefðu gott af því
að geta hallað sér að ömmu, afa
eða öðrum þegar Gilitrutt sýni sitt
smetti.
Benedikt segist sjálfur hafa
verið hálf smeykur við Gilitrutt
sem krakki. „Svo skildi ég bara
ekki af hverju loftið fór úr Gilitrutt
þó nafnið hennar væri nefnt. En ég
skil það í dag því um leið og maður
nefnir vandamál sín réttu nafni þá
missa þau vald sitt yfir manni. Og
það er kjarninn í sögunni.“
solveig@frettabladid.is
Hver er þessi Gilitrutt?
Brúðusýningin Gilitrutt verður frumsýnd í Brúðuheimum í Borgarnesi á morgun. Leikstjórinn Benedikt
Erlingsson segir sýninguna frábæra upplifun fyrir alla en ekki sé síðri bíltúrinn í Borgarfjörðinn.
Leikmyndin í sýningunni Gilitrutt er hreint ævintýraleg.
Hugað er að
öllum smáatrið-
um í sýningunni.
Hér er Jón bóndi
að smala kindum
á hesti sínum.
Benedikt segir Bernd vera eins manns verksmiðju enda sér hann um brúðuleikinn, smíðar brúðurnar og leikmyndina, semur
tónlistina og skrifar handritið. Hér eru þeir félagar með hina umdeildu Gilitrutt á milli sín. MYND/ÞORKELL ÞORKELSSON
Sálmadúóinn, sem skipaður er
Sigurði Flosasyni og Gunnari
Gunnarssyni, heldur upp á ára-
tugar samstarf sitt um helgina.
Saxófónleikarinn Sigurður Flosason
og organistinn Gunnar Gunnarsson
efna til tónleika í Hallgrímskirkju á
sunnudag. Tilefni tónleikanna er tíu
ára samstarfsafmæli sálma dúósins
og útkoma fjórða geisladisks þeirra
félaga sem ber heitið Sálmar tím-
ans. Á diskinum er að finna þrettán
útsetningar Sigurðar og Gunnars á
ólíkum sálmalögum, íslenskum og
erlendum, gömlum og nýjum og
er spuni miðlægur í sálmanálgun
dúósins. Sigurður og Gunnar hafa
áður sent frá sér þrjá geisladiska
og hafa þeir notið bæði vinsælda og
jafnframt fengið góða dóma.
Tónleikarnir verða haldnir sem
fyrr segir í Hallgrímskirkju á
sunnudag klukkan 16. Miðasala fer
fram við inngang Hallgrímskirkju
og á midi.is, en miðaverð er 2.000
krónur. - jbá
Sálmadúó fagnar tíu ára afmæli
Sigurður og Gunnar útsetja ýmsa sálma.