Fréttablaðið - 16.02.2011, Side 21

16. febrúar 2011 MIÐVIKUDAGUR1
Sölufulltrúar: Jóna María Hafsteinsdóttir jmh@365.is 512 5473 Þórdís Hermannsdóttir thordish@365.is 512 5447
Þ
eir standa hlið við hlið í
innkeyrslu á Akureyri
Jeepsterarnir A 1666 og A
1667. Eins og samrýmdir
bræður. Annar blár og hvítur með
stórum brettum, árgerð 1972, hinn
hvítur, árgerð 1973. Þeir eru af
síðustu módelunum sem framleidd
voru af þessari tegund þannig að
þetta eru sögulegir bílar. „Já,
þetta voru endalokin,“ segir
Jóhann Björgvinsson, eigandi þess
bláhvíta og kveðst ánægður með
að hafa náð í eintak.
„Ég er búinn að eiga minn bíl
frá 1979 en er reyndar talsvert
búinn að breyta honum í gegnum
tíðina. Setti hann á 44 tommu
dekk 1988, þá var ekki algengt að
bílar væru á svo stórum hjólum.
Þetta var svona í upphafi jeppa-
breytingarmenningar,“ segir hann
brosandi.
Leonard, sonur Jóhanns, á hvíta
Jeepsterinn. Fann hann á netinu
og keypti hann þegar hann var
sextán ára og keppti á honum í
sandspyrnu á sautján ára afmæl-
inu, þannig að hann var strax
tekinn til kostanna.
Jeepster var framleiddur af
Willys-verksmiðjunum. Jóhann
segir þá fyrstu hafa verið smíð-
aða 1948 en þeir hafi tekið breyt-
ingum gegnum árin. „Þeir eru
aðeins lengri og rennilegri en
gömlu Willys-jepparnir. Eru líka
á mýkri fjöðrum sem þótti gott
á malarvegunum í gamla daga,“
segir Jóhann. „Mér finnst þeir
hafa góða aksturseiginleika, þeir
eru léttir og drífa mjög vel.“
Báðir eru bílarnir notaðir til
ferðalaga af og til. Jóhann kveðst
hafa verið meðal fyrstu manna
sem óku upp á Bárðarbungu árið
1986.
„Það er búið að prófa ýmislegt,“
segir hann. En hafa þeir feðg-
ar aldrei velt bílunum? „Nei, það
hefur ekki komið fyrir enn, sem
betur fer,“ segir Jóhann en telur
soninn reyndar hafa verið mjög
nærri því. gun@frettabladid.is
Akureyrsku feðgarnir Jóhann Björgvinsson og Leonard Jóhannsson aka létt á sínum öldnu bílum
FRÉTTABLAÐIÐ/HEIDA.IS
Síðustu módelin sem
smíðuð voru af Jeepster
DALVEGI 16c · 201 KÓPAVOGI
SÍMI 568 6411 · WWW.RAFVORUR.IS
· Tekur 12 Kg · Hljóðlát
· Stórt op > auðvelt að hlaða
· Sparneytin
12 kg
Þvottavél
og þurrkari
Reykjavík hefur fjölda forvitnilegra staða að
bjóða þeim sem vilja skreppa í stuttar ferðir
innan höfuðborgarsvæðisins. Elliðaárdalur er
sérstaklega fallegur nú um mundir og gaman
að ganga þar, til að mynda um Indíánagil.