Fréttablaðið - 16.02.2011, Page 32

16. FEBRÚAR 2011 MIÐVIKUDAGUR10 ● apótek
Guðrún, lengst til hægri, ásamt starfsfólki sínu í Urðarapóteki. FRÉTTABLAÐIÐ/GVA
Guðrún Pálsdóttir lyfsali lét
drauminn rætast þegar hún opn-
aði apótek, Urðarapótek, í huggu-
legu húsnæði við Vínlandsveg 16
í Reykjavík á síðasta ári.
„Ég fékk hugmyndina eftir að
hafa ráðið mig í vinnu hjá litlu
apóteki í Laugarnesi og draumur-
inn fór að hreiðra um sig. Hafði
fram að því starfað um árabil við
markaðssetningu á lyfjum og hélt
að þessi vettvangur ætti ekki við
mig. Annað kom heldur betur á
daginn, ég ákvað að láta draum-
inn rætast og sagði þáverandi
starfi mínu lausu og opnaði mitt
eigið apótek þann 10.10. í fyrra,“
rifjar Guðrún upp og segir hrun-
ið hafa orðið til þess að fleiri litlir
einkaaðilar gerðu slíkt hið sama.
Urðarapótek býður upp á alla
hefðbundna apóteksvöru og gott
úrval af vítamínum, barnavörum
og snyrtivörum.
„Við bjóðum upp á lyfja-
skömmtun, blóðþrýstingsmæling-
ar, heimsendingar og svo auðvit-
að góða og persónulega þjónustu,“
bendir Guðrún á.
Viðtökurnar segir hún hafa
farið langt fram úr væntingum,
viðskiptavinir og þá sérstaklega
íbúar í hverfinu hafi tekið apótek-
inu fegins hendi. „Fólk er afar já-
kvætt, vill versla hér og hafi það
óskir eða tillögur leggjum við
okkur fram við að laga okkur
eftir þeim.“
Allar nánari upplýsingar á
www.urdarapotek.is.
Draumur Guðrúnar
rættist í apótekinu
Laugarnesapótek er rótgróið
sjálfstætt apótek sem býður upp
á skömmtun lyfja, persónulega
þjónustu og bestu verð hverju
sinni.
„Laugarnesapótek á sér langa
sögu, stofnað árið 1964 af Christi-
an Ziemsen“ segir Hanna María
Siggeirsdóttir apótekari og eig-
andi Laugarnesapóteks í dag. „Í þá
daga voru hverfisapótek mjög al-
geng, þóttu sjálfsögð þjónusta við
íbúa borgarinnar og voru hluti af
kjarna hverfisins. Fjölda og stað-
setningu apóteka var stýrt frá
heilbrigðisráðuneytinu“ útskýrir
Hanna. Hún keypti apótekið ásamt
eiginmanni sínum árið 1997. „Ég
hef þó aðeins verið apótekari hér
frá 2006,“ upplýsir hún. Hún hefur
langa reynslu af apótekarastarf-
inu enda hefur hún unnið við það
í tæp 30 ár, fyrst í Stykkishólms
Apóteki og síðan í Apóteki Vest-
mannaeyja.
En hver eru sérkenni Laugar-
nesapóteks? „Við bjóðum upp á
persónulega þjónustu og dekrum
við hvern einasta kúnna,“ segir
Hanna glaðlega. Hún nefnir sem
dæmi að þau skammti fyrir fólk í
skammtaöskjur endurgjaldslaust,
en fyrir slíka þjónustu sé greitt
víða annars staðar. „Þá sendum við
líka ókeypis heim til fólks,“ segir
Hanna og tekur fram að í Laugar-
nesapóteki sé reynt að halda verð-
inu í lágmarki bæði á lyfjum og
öðrum vörum.
Vegna hinnar góðu þjónustu
sem fólk fær hjá Hönnu Maríu
og samstarfskonum hennar á
Laugarnesapótek marga fasta við-
skiptavini sem jafnvel koma langt
að og hafa verslað í apótekinu í
fjöldamörg ár. „Fólk kann einn-
ig að meta að við erum einkarekið
apótek,“ segir Hanna glöð í bragði
og býður alla velkomna í Laug-
arnesapótek að Kirkjuteigi 21 á
horninu á Kirkjuteigi og Gullteigi,
gegnt Laugarnesskólanum.
Dekrum við kúnnana
Laugarnesapótek á sér langa og farsæla sögu að sögn Hönnu Maríu Siggeirsdóttur
sem er hér ásamt samstarfskonum sínum. FRÉTTABLAÐIÐ/VILHELM
● KÚREKINN Í LYFJABÚÐINNI Kvikmyndin
Drugstore Cowboy, sem þýða má sem Kúrekinn
í lyfjabúðinni, var frumsýnd árið 1989 og hlaut
góðar viðtökur gagnrýnenda og áhorfenda.
Leikstjóri var Gus Van Sant, sem einnig skrifaði
handritið ásamt Daniel Yost, upp úr skáldsögu
eftir James Fogle. Tónlistina samdi Elliot Golden-
thal. Matt Dillon leikur aðalhlutverkið og Kelly
Lynch, Heather Graham og William S. Burroughs
koma einnig við sögu. Myndin var að mestu tekin
upp í Portland í Oregon.
Drugstore Cowboy kom Van Sant á kort
kvikmyndaáhugamanna og var valin á topp
tíu lista Gene Siskel og Rogers Ebert yfir
bestu myndir ársins 1989.
● BIBLÍA BÓND-
ANS Elsta handbók sem
fundist hefur um lyfja-
gerð í Kína er Shennong
Bencao Jing, sem þýða
má gróflega sem biblía
bóndans um rætur og
jurtir, en hún er frá fyrstu
öld eftir Krists burð. Hún
var skrifuð á tímum Han-
veldisins og talið er að
hinn goðsagnakenndi
Shennong hafi skrifað
hana. Áður höfðu meðal
annars fundist listar með
uppskriftum af lyfjum
við ýmsum algengum
kvillum, kallaðir Upp-
skriftir gegn 52 kvillum,
sem fundust í Mawang-
dui-grafhýsinu sem inn-
siglað var árið 168 fyrir
Krist.
John Keats (1795-1821) var enskt
skáld sem orti í anda rómantísku
stefnunnar og er ásamt Byron og
Shelley talinn eitt áhrifamesta
skáld annarar kynslóðar skálda
sem aðhylltust stefnuna. Færri vita
hins vegar að frá fjórtán ára aldri
var Keats lærlingur hjá Thomas
Hammond, skurðlækni og apótek-
ara, og að loknu því námi, haust-
ið 1815, innritaðist hann í læknis-
og lyfjafræði við Guy‘s Hospital,
sem nú er hluti af King‘s Coll-
ege í London, og útskrifaðist sem
apótekari árið 1816.
Keats vann þó aldrei fyrir sér
sem apótekari því ljóðlistin átti
hug hans allan auk þess sem heilsu
hans hrakaði hratt þau ár sem
hann átti ólifuð.
Fyrstu ljóð hans komu út fjórum
árum fyrir dauða hans og var vel
tekið af gagnrýnendum. Það var
þó ekki fyrr en eftir dauða hans
sem frægðarsólin fór að rísa fyrir
alvöru og í lok nítjándu aldar var
hann orðið eitt dáðasta enska skáld
allra tíma.
Áhrif hans á seinni tíma skáld
eru óumdeilanleg, meðal annars
lét Jorge Luis Borges hafa það
eftir sér að fyrstu kynnin af ljóð-
um Keats hefðu verið merkilegasta
bókmenntareynsla lífs síns.
Apótekari eitt ást-
sælasta skáld Breta
John Keats
Við bjóðum upp á
fría skömmtun
lyfja og fría
heimsendingu!
Ódýr lyf
Laugarnesapótek
- Sjálfstætt apótek!
OPIÐ 9-18
alla virka daga
Kirkjuteigi 21
105 Reykjavík
Sími 553-8331
www.apotek.is
113 Reykjavík - Sími 577 1770
urdarapotek@urdarapotek.is
www.urdarapotek.is
Við bjóðum upp á alla
hefðbundna lyfjafræðilega
þjónustu s.s. lyfjaskömmtun,
blóð- þrýstingsmælingar og
heimsendingar lyfja. Vekjum
athygli á að allir rafrænir
lyfseðlar gilda hjá okkur.
Hlökkum til að sjá þig!
Verið velkomin í
Urðarapótek
- nýtt einkarekið
apótek í Grafarholti
● SAGA PENSILÍNS Franskur
læknanemi, Ernest Duchesne að
nafni, uppgötvaði bakteríudrep-
andi eiginleika pensilíns fyrstur
manna þegar hann skoðaði mygl-
una Penicillum glaucum sem
notuð er til að búa til gorgonzola-
ost. Þetta var árið 1896 en upp-
götvun hans vakti enga sérstaka
athygli. Heiðurinn af uppgötvun
pensilíns er venjulega eignaður
skoska vísindamanninum Alex-
ander Fleming (1881-1955) sem
enduruppgötvaði það árið 1928.