19. júní - 19.06.1972, Side 45

Innan vébanda þess eru um þrjátíu félög og
félagasambönd, og meðal þeirra eru sum stærstu
félög og félagasambönd landsins, svo sem Slysa-
varnafélag Islands, Alþýðusamband Islands,
íþróttasamband Islands og Bandalag íslenzkra
skáta.
I-Ivert er markmið Landssambandsins?
Eins og nafnið bendir til, var Landssamband-
ið stofnað til að sameina sem flesta aðila til að
vinna gegn áfengisbölinu. Aðalmarkmiðið er á-
róður gegn áfengisneyzlu og að reyna að hamla á
móti vínveitingum frá hendi valdhafa. Meðal ann-
ars hefur Landssambandið beitt sér gegn bjór-
frumvarpinu ásamt bindindissamtökunum.
Á hvern hátt starfar Landssambandið?
Landssambandið hefur beitt sér fyrir því, að
haldnar væru ráðstefnur, sem fjölluðu um bind-
indismál. Einnig hefur að undirlagi þess verið
haldinn Bindindisdagur einu sinni á ári víða um
land. Margt fleira en hér kemur fram aðhefst
Landssambandið i þágu bindindismála, og er það
of iangt mál til að telja upp i stuttu viðtali.
Þar sem þú ert einnig fulltrúi í Áfengisvarn-
arnefnd kvenna, hvað viltu segja um starfsemi
þeirrar nefndar?
Upphaflega var nefndin stofnuð til hjálpar
ungum stúlkum, sem höfðu lent í erfiðleikum
vegna óreglu. Var ætlunin að reyna að koma á fót
heimili til hjálpar þessum stúlkum.
Og hvað hefur ykkur orðið ágengt í þeim efn-
um?
Þótt heimili þetta hafi aldrei risið upp í þeirri
mynd, sem því var ætlað, höfum við þó getað veitt
stúlkum samastað tima og tíma, og alla vega höf-
um við rcynt að aðstoða konur, sem hafa átt í erf-
iðleikum vegna óreglu.
Er eitthvað sérstakt, sem þú vildir taka fram
um Áfengisvarnarnefnd kvenna?
Á margvíslegan hátt hefur Áfengisvarnar-
nefnd kvenna reynt að aðstoða heimiii, sem eiga
við erfiðleika að etja vegna óreglu. Og enn þann
dag í dag geta allir leitað til Áfengisvarnarnefndar
kvenna, sem hefur viðtalstíma á þi’iðjudögum og
föstudögum á milli klukkan þrjú og fimm.
Finnst þér starfsemi þeirra aðila, sem vinna
gegn áfengisbölinu, nógu áhrifarík?
Það er fjöldi fólks hér á iandi, sem hefur unnið
óeigingjarnt starf í þágu bindindismála, bæði í
Góðtemplarareglunni og utan hennar.
En hvað finnst þér um árangurinn?
Árangurinn er því miður ekki nógu góður,
því að alltaf eykst áfengisbölið. Sem dæmi má taka
öll þau slys, sem orsakast af áfengisneyzlu og við
lesum daglega um i blöðum landsins. Einnig má
vitna í yfirlýsingar presta, sem telja flesta hjóna-
skilnaði og heimiliserfiðleika eiga rót sína að rekja
til áfengisneyzlu.
Hvað telur þú, að helzt megi gera til úrbóta?
Meiri hjálp þarf til handa fólki, sem verður
víninu að bráð. Af sjálfsögðu þarf þetta fólk að
komast undir iæknishendur nógu snemma, og til
þess þarf hjálp hins opinbera með hælisvist og
annað.
Aðalatriðið tel ég samt, að þeir, sem í alvöru
vilja ekki áfengisböl í landi okkar, og þar á ég við
allan almenning, stuðli sjálfir, hver og einn, á sín-
um heimilum að bættu ástandi í þessum efnum með
því að hafa ekki vín um hönd.
Er nokkuð, sem þú vildir segja að lokum?
Einnig vil ég bæta því við, að lítil von er
um, að áfengisbölið minnki, á meðan hið opinbera
selur þegnum sínum vín og valdhafarnir veita
vín í opinberum veizlum. Vafasamt er, hvort rík-
issjóður hefur hagnað af vínsölu, vegna þess hve
ríkið þarf að leggja mikið af mörkum, bæði í lög-
gæzlu og til endurhæfingar þessu fólki.
Að endingu þetta, að mínum dómi eru brenni-
vín og stríð verstu óvinir mannkynsins.
19. JÚNX
43