19. júní - 19.06.1974, Blaðsíða 47

bændur, sem reyndust henni vel, var
t. d. um skeið hjá prófessor Haraldi
Níelssyni og fyrri konu hans Bergljótu
Sigurðardóttur og gætti barna þeirra.
Guðbjörg naut ekki skólagöngu nema í
barnaskóla, en tókst þó að afla sér nokk-
urrar menntunar, sem reyndist henni
haldgóð. Meðal annars dvaldi hún
um skeið i Noregi í því skyni. Eftir
heimkomuna starfaði hún árum saman
á skrifstofu borgarstjórans í Reykjavík,
og þótti vel fær og afkastamikil við skrif-
stofustörfin. 1 frístundum sínum lagði
Guðbjörg kapp á að læra erlend mál,
enda ferðaðist liún meira á yngri árum
sinum en algengt var i þá daga. Hún
komst t. d. til Frakklands og Spánar, þar
sem hún dvaldi um tíma. — Guðbjörg
var gift enskum manni, John Roden að
nafni. Þau bjuggu fyrst i Reykjavik, en
siðar í Englandi. Þau slitu samvistum
og fluttist hún þá aftur heim til Islands.
Þau eignuðust ekki börn.
Gtiurún Eikíksdóttir vnr fædd í Grinda-
vik 17. desember 1888, dáin 18. júní
1973 í Hafnarfirði. Foreldrar hennar
voru hjónin Jóhanna Einarsdóttir frá
Garðhúsum i Grindavík og Eirikur Ket-
ilsson frá Kotvogi. Guðrún ólst upp hjá
foreldrum sinum að Járngerðarstöðum i
Grindavik. Þar lauk hún venjulegri
barnafræðslu en var siðan einn vetur í
Kvennaskólanum í Reykjavik. Þegar
Guðrún var tæplega tvítug, flyst hún
til Reykjavikur með móður sinni. Þegar
til Reykjavikur kom hóf Guðrún veit-
inga- og matreiðslustörf á Hótel Skjald-
breið og Hótel Reykjavík hjá Margréti
Zoega, en hún var tengdamóðir Einars
Benediktssonar skálds. Þetta varð til þess
að Guðrún réðst í tvö ár matráðs-
kona til Einars, er hann bjó í Kaup-
mannahöfn, og varð það henni ógleym-
anlegur timi. Árið 1928 hóf Guðrún
eigin atvinnurekstur, en þá stofnaði hún
Hótel Björninn í Hafnarfirði. Bjarnar-
nafnið má rekja til fjallsins Þorbjarnar
Við Grindavik. Eftir að Guðrún hafði
stundað hótelrekstur í Hafnarfirði í 10
ar, flyst hún aftur til Reykjavikur og
rekur þar matsölu, en stofnar siðar
smurbrauðstofuna Björninn, sem hún
atti og rak árum saman, eða meðan kraft-
ar entust. Siðustu árin dvaldist hún að
Sólvangi i Hafnarfirði og andaðist þar.
Guðrún Eiriksdóttir var mikil dugnaðar
°g atorku kona. — Guðrún giftist ekki
en eignaðist einn son.
19. JÚNÍ
Guðrún Ryden Friðriksdóttir var fædd
31. júli 1893 í Meira-Garði í Dýrafirði,
dáin 24. maí 1973 í Reykjavík. Foreldr-
ar hennar voru hjónin Ingibjörg Guð-
mundsdóttir og Friðrik Bjarnason smið-
ur og bóndi, lengst af að Mýrum í Dýra-
firði. Þar ólst Guðrún upp á mannmörgu
myndarheimili og hlaut góða menntun,
eftir þvi sem þá tiðkaðist. Hún var við
nám i unglingaskólanum á Núpi og sið-
ar í Kvennaskólanum í Reykjavik. Þegar
Guðrún var tæplega tvitug varð hún
fyrir þeirri miklu sorg, að Jón, einka-
bróðir hennai', fórst af sjóslysi, og mun
bað álit þeirra, sem best þekktu til, að
hún hafi aldrei til fulls náð sér eftir það
áfall. Guðrún var mjög félagslynd kona
og vann að áhugamálum sínum af mik-
illi fórnfýsi og dugnaði. Hún var ára-
tugum saman i K.R.F.Í. og gegndi þar
trúnaðarstörfum, en mest og best mun
hún liafa unnið fyrir safnaðarkirkju sína,
Hallgrimskirkju i Reykjavík, og var ár-
um saman formaður kirkjukvenfélags-
ins. — Guðrún var gift Carli Ryden,
ntofnanda og eiganda fyrirtækisins Ryd-
ens-kaffi í Reykjavík. Þau eignuðust
ekki börn.
Hólmfrídur Pétursdóttir var fædd að
GauPöndum í Suður-Þingeyjarsýslu 17.
desember 1889, dáin 1. febrúar 1974 á
Húsávík. Foreldrar hennar voru hjónin
Þóra Jónsdóttir og Pétur Jónsson bóndi
og alþingismaður. Systkinin á Gautlönd-
um fengu betri uppfræðslu en algengt
var á þeim tima, tekinn var kennari á
he'mil'ð til að kenna þeim. Síðar fór
Hólmfriður i gagnfræðaskólann á Akur-
eyri ásamt tviburabróður sinum Jóni
Gauta, og luku þau bæði gagnfræðaprófi
þaðan. Það mun liafa vakið eigi litla
e.thygli að Hólmfríður hélt snjallar ræð-
ur á fundum i skólafélaginu og skrifaði
greinar í skólablaðið, en slikt mun þá
hafa verið óvenjulegt um stúlkur. Hólm-
fríður tók snemma þátt í ungmenna-
lélagssknpnum heima á æskustöðvum
sinum, en gerðist siðar mikilvirk í fé-
lagasamtökum kvenna. Hún var for-
maður Kvenfélagasambands Suður-Þing-
eyjarsvslu í tugi ára, og einnig i stjórn
Kvenfélags Mývatnssveitar i fjölmörg
ár. Hún var einn af hvatamönnum þess
að húsmæðraskólinn að Laugum í
Reykjadal var stofnaður, og átti hún sæti
i skólanefnd hans frá byrjun og til ævi-
loka. Hólmfríður var áratugum saman
áhugasamur félagi í K.R.F.l. og var
meðal annars fjöldamörg ár í fulltrúa-
ráði þess. — Hólmfríður var gift Sigurði
Jónssyni skáldi og bónda að Arnarvatni
i Mývatnssveit. Þegar þau gengu í
hjónaband, var hann ekkjumaður með 6
börn, og mun það elsta hafa verið um
fermingaraldur. Þau eignuðust saman 5
börn. Öllum þessum 11 börnum varð
Hólmfríður hin ágætasta móðir.
Karlína G. Stefánsdóttir var fædd að
Garðsá við Fáskrúðsfjörð 5. april 1891,
dáin 22. ágúst 1973 i Reykjavik. Foreldr-
ar hennar voru hjónin Þóra Oddsdóttir
og Stefán Samúelsson bóndi. Karlína
ólst upp með foreldrum sínum og systk-
inum á Fáskrúðsfirði, en þegar hún var
12 ára gömul lést faðir hennar. Móðirin
hélt að visu heimili áfram með börnum
sínum, en skömmu síðar réðst Karlína
til heimilisstarfa hjá hjónunum Valgerði
Briem, bróðurdóttur séra Valdimars
Briem, og Ólafi Oddssyni ljósmyndara
á Búðum í Fáskrúðsfirði. Þarna var
Karlína næstu árin og tókst milli henn-
ar og þessarar fjölskyldu einlæg vinátta,
sem entist þeim alla ævi. Þarna kynnt-
ist Karlina verðandi eiginmanni sínum
Gunnlaugi Guðmundssyni úr Reykjavík.
Hann fluttist ungur til Fáskrúðsfjarðar
og stundaði þar iðn sína, skósmiði, og
einnig rak hann þar verslun um tíma.
Þau hjónin Karlina og Gunnlaugur
bjuggu allmörg ár á Fáskrúðsfirði, en
fluttust síðar til Reykjavíkur, þar sem
þau áttu síðan heima til dauðadags. Þau
eignuðust 5 börn og ólu auk þess upp
eina fósturdóttur. Karlina helgaði heim-
ili og fjölskyldu alla krafta sina og sýndi
i því mikla alúð og umhyggju. IJún var
einlæg trúkona og las daglega í Biblí-
unni. Karlina tók þátt í starfi K.R.F.I.
um langt árabil.
Lára Árnadóttir var fædd á Isafirði 13.
október 1892, dáin 19. júli 1973 i Reykja-
vik. Foreldrar hennar voru hjónin Guð-
rún Brynjólfsdóttir og Árni Sveinsson
kaupmaður og útgerðarmaður á ísafirði.
Þar ólst Lára upp og naut í æsku þeirr-
ar menntunar, sem tök voru á og hugur
hennar stóð til. Þegar i bernsku lineigð-
ist hún mjög að söng og hljóðfæraleik
og lærði snemma nokkuð i pianóleik.
Mun hún hafa haft allmikla hæfileika
á þvi sviði. Þegar Lára var rúmlega tví-
tug fluttist fjölskyldan til Reykjavikur.
Næstu árin þar á eftir sinnti hún hljóm-
Pstinni meira en áður, var hún pianó-
leikari i hljómsveit Bernburgs, sem naut
mikilla vinsælda á þeim árum. Einnig
45