Fréttablaðið - 22.12.2010, Blaðsíða 44

22. desember 2010 MIÐVIKUDAGUR4
Útivist hefur um árabil barist
gegnum snjóinn og frostið í lok
desember til að komast inn í Þórs-
mörkina að fagna nýju ári.
„Fyrir þá sem vilja öðruvísi ára-
mót, burt úr skarkala og hávaða og
inn í kyrrð og ró, er þetta tilvalið,“
segir Linda Udengaard, ferðastjóri
áramótaferðar. „Þetta er fyrst og
fremst notaleg ferð sem fólk kemur
í til að vera saman og njóta hátíð-
anna í faðmi fjalla og náttúrunnar
í Þórsmörk.“
Ferðin hefst á fimmtudags-
morgni, 30. desember, og snúið
aftur 2. janúar. Erfitt er að segja
til um hversu langan tíma keyrslan
inn í mörkina tekur en það fer eftir
færð. „Þarna getur verið mikið
vetrarríki á þessum tíma árs,“
segir Gunnar Holm, sem í fyrra
leiddi þá rúmlega þrjátíu manna
hóp inn í Bása til vistar yfir ára-
mót. „Síðustu áramót var tæplega
tuttugu stiga frost, en það skemmir
ekki fyrir. Það fara gjarnan menn
á undan og hita upp skálann svo
þar er alltaf heitt og notalegt.“
Hvers kyns útivist spilar stórt
hlutverk í ferðinni. Farið er í lengri
eða skemmri göngur og fólk er
hvatt til að taka göngu skíðin með.
Á kvöldin er svo maður manns
gaman og áherslan lögð á rólegar
samverustundir. Þeir sem kunna
á hljóðfæri sjá fyrir tónlist, og
jólabækurnar og -spilin eiga sinn
sess.
Á gamlárskvöld er árið kvatt
með brennu og kvöldvöku í fríðu
föruneyti þeirra álfa og trölla sem
í mörkinni búa. Á nýársdag heldur
hópurinn í blysgöngu inn í Stráka-
gil þar sem fjallshlíðarnar eru
lýstar upp með rauðum bjarma og
flugeldum.
Gunnari er margt minnisstætt
frá þeim tug áramóta sem hann
hefur eytt í Básum. „Það gengur til
dæmis mikið á þegar fólk vill þvo
sér. Allt vatn er náttúrlega frosið
svo við þurfum að hita það upp. Svo
höfum við fararstjórarnir verið að
aðstoða fólk við að þrífa sig,“ segir
Gunnar og hlær.
Linda lofar sömu þjónustu í ár.
„Við gerum ráð fyrir að þetta verði
eins og í gamla daga þegar menn
tóku hefðbundinn kattarþvott,“
segir hún og hlær. „Auðvitað verð-
ur heitt vatn til að þvo sér á gaml-
árskvöld því það er nauðsynlegt að
taka á móti nýju ári hreinn, bæði
andlega og líkamlega, og til þess er
Þórsmörk ákjósanlegur staður.“
Nánari upplýsingar og miðapant-
anir á www.utivist.is og í síma 562-
1000.
tryggvi@frettabladid.is
Áramót í fríðum fjallasal
Einu gestirnir í Básum yfir jól eru huldufólkið úr Álfakirkjunni. Þegar áramótin ganga í garð fyllist
skálinn hins vegar af mennskum gestum á vegum Ferðafélagsins Útivistar.
Ríki veturs konungs í Básum er ákjósanlegur staður til að hreinsa hugann og taka á móti nýju ári.
Laugavegi 178 - Sími: 551 3366
Opið í des: mán-fös kl. 10-18
laugardaginn 18.des kl. 10-18
Þorláksmessu kl. 10-20
Aðfangadag kl. 10-12
www.misty.is
JÓLAGJÖFIN ÞÍN -
DEKRAÐU VIÐ ÞIG
Söluaðilar.: Járn og gler hf - Garðheimar - Húsasmiðjan - Búsáhöld
Kringlunni - Byggt og Búið - Pottar og Prik Akureyri. www.weber.is
Frábært úrval af gjafavörum frá Weber
Við pökkum
inn fallegum
gjöfum og
gjafabréfum
handa henni