Fréttablaðið - 22.12.2010, Blaðsíða 74
58 22. desember 2010 MIÐVIKUDAGUR
Elísabet Davíðsdóttir fyrir-
sæta og móðir hennar hafa
hannað gjafapappír með
munstri úr náttúrunni.
Elísabet Davíðsdóttir, fyrirsæta
og ljósmyndari, hefur hannað
stórskemmtilegan gjafapappír í
samstarfi við móður sína, Emmu
Axelsdóttur innanhúsarkitekt.
Hugmyndina að pappírnum sóttu
mæðgurnar beint til náttúrunnar
og getur fólk meðal annars valið á
milli klakabreiðumynsturs, hellu-
bergs, mosa og holtagrjóts.
„Mér og mömmu hefur allt-
af þótt mjög gaman að pakka
inn gjöfum. Einu sinni eftir að
það hafði snjóað töluðum við um
hvað það væri gaman ef maður
gæti pakkað inn gjöf í svona fal-
legan snjó og það var eiginlega út
frá því sem hugmyndin varð til,“
útskýrir Elísabet. Pappírinn er
fáanlegur í sex útgáfum og eru
mynstrin gerð með innihald pakk-
ans í huga. „Við erum með snjó og
mosamynstur fyrir mjúku pakk-
ana, klakabreiðu og helluberg
fyrir þá hörðu og tvær útgáfur af
holtagrjóti fyrir óreglulegu pakk-
ana. Holtagrjótið er skemmtilegt
vegna þess að það getur stundum
verið erfitt að greina hvort um
pakka eða raunverulegan grjót-
hnullung er að ræða.“
Elísabet segir viðtökurnar
hafa verið góðar og útilokar ekki
að þær mæðgur muni bæta við
línuna í nánustu framtíð. „Það
er auðvitað mjög gaman að fólk
skuli hafa tekið svona vel í þetta
og þetta virkar mjög hvetjandi á
okkur mæðgurnar.“
Innt eftir því hvort jólagjöfun-
um frá henni sjálfri verði pakkað
inn í pappírinn góða svarar Elísa-
bet því játandi. „Já, ég á auðvitað
eftir að pakka öllum mínum gjöf-
um inn í svona pappír,“ segir hún
að lokum og hlær.
Gjafapappírinn fæst í verslun-
um Epal, Iðu, Kraumi og Máli og
menningu. Einnig verður fata-
hönnuðurinn Steinunn með papp-
írinn í boði fyrir sína viðskipta-
vini. sara@frettabladid.is
Fyrirsæta hannar gjafapappír
HÆFILEIKARÍK Elísabet Davíðsdóttir, fyrirsæta og ljósmyndari, hefur hannað stórskemmtilegan og sérstakan gjafapappír.
FRÉTTABLAÐIÐ/VILHELM
HOLTAGRJÓTIÐ Það getur
verið erfitt að greina hvort
um pakka eða grjóthnullung
er að ræða. MYND/SILJA MAGG
Gamanleikarinn Vince Vaughn
og eiginkona hans, hin kanadíska
Kyla Weber, eignuðust sitt fyrsta
barn um helgina. Í tímaritinu
People segir að Weber hafi fætt
litla stúlku á sjúkrahúsi í Chi-
cago. Hefur sú stutta verið skírð
Locklyn Kyla Vaughn.
Að sögn heimildarmanna
heilsast móður og barni vel og er
Vaughn afskaplega stoltur faðir.
„Vince og Kyla eru mjög ham-
ingjusöm saman og hlakka mikið
til að takast á við þetta nýja hlut-
verk,“ var haft eftir fjölskyldu-
vini.
Vince Vaughn
orðinn pabbi
HAMINGJUSÖM Vince Vaughn og eigin-
kona hans, Kyla Weber, eignuðust sitt
fyrsta barn um helgina. NORDICPHOTOS/GETTY
Fjölmiðlafulltrúar Disney hafa í
nægu að snúast þessa dagana við
að berja niður sögusagnir um eit-
urlyfjanotkun stjarnanna sinna
og stöðva útbreiðslu kynlífsmynd-
banda með þeim. Fyrst var það
Miley Cyrus sem virtist reykja
salvíu á myndbandi og nú eru það
ansi djarfar myndir af nýjustu
Disney-stjörnunni, Demi
Lovato, en henni hefur ein-
mitt verið spáð svipaðri
frægð og velgengni og
fröken Cyrus.
Málið hefur fengið gríð-
arlega umfjöllun í banda-
rískum fjölmiðlum
enda Demi slegið í
gegn hjá ungum
stelpum með leik
sínum í ungl-
ingamynd-
inni Camp
Rock sem
nú er sýnd
fyrir fullu húsi
í Ameríku. Mynd-
irnar sýna Lovato í
ögrandi stellingum
með öðrum stelpum.
Fljótlega eftir birtingu
myndanna fóru á kreik
sögusagnir um að til
væri kynlífsmyndband
af Lovato og klámfyr-
irtækið PornHub brást
skjótt við og bauð leik-
konunni ungu 100 þús-
und dali fyrir einkarétt
á því. Talsmenn Lov-
ato hafa hins vegar verið
duglegir að senda frá sér
fréttatilkynningar að und-
anförnu þar sem þeir vísa
því á bug að myndband sé
til. Og segja tilboð PornHub
viðbjóðslegt.
Lovato hefur hins vegar
ekki getað svarað fyrir sig
því hún er nú í meðferð eftir
að hafa fengið vægt taugaá-
fall. Enda hefur mikið gengið
á lífi hennar; Joe Jonas, einn
Jonas-bræðranna, hætti með
henni fyrir skömmu og þá
hefur dansari ásakað hana
um líkamsmeiðingar. Það er
því ekki skrýtið að forráða-
menn Disney skuli vera farnir
að leita til Justin Timberlake
og Britney Spears til að fá ráð
um hvernig ungt fólk eigi að
höndla frægðina og hvað það
skuli forðast í lengstu lög.
Fáklædd Disney-
stjarna hneykslar
Í VONDUM MÁLUM
Demi Lovato gæti verið í
vondum málum eftir að
fjölmiðlar komust yfir ansi
djarfar myndir af henni
og vinkonum hennar.
Disney-fyrirtækið hefur
vísað því á bug að til sé
kynlífsmyndband með
unglingastjörnunni. Fyrir
skemmstu sást önnur unglinga-
stjarna, Miley Cyrus, reykja það
sem talið er vera salvía.
NORDICPHOTOS/GETTY