Fréttablaðið - 22.12.2010, Blaðsíða 88

72 22. desember 2010 MIÐVIKUDAGUR
KÖRFUBOLTI Bandarískir bak-
verðir hafa oft verið í aðalhlut-
verki þegar kemur að því að leiða
liðin úr leikstjórnendastöðunni í
úrvalsdeild karla um árin. Það er
því sérstakt að skoða stöðu mála
í tölfræði fyrri umferðar Iceland
Express-deildar karla eftir 11. og
síðustu umferðina á árinu 2010.
Þeir Ægir Þór Steinarsson,
Pavel Ermolinskij, Hörður Axel
Vilhjálmsson og Sævar Ingi Har-
aldsson eru allir í lykilhlutverki
í sínum liðum þegar kemur að
því að skapa góð skotfæri fyrir
félaga sína. Þeir eru í nokkrum
sérflokki hvað - stoðsendingarn-
ar varðar því Tindastólsmaður-
inn Sean Cunningham er fyrstur
bandarískra bakvarða á listanum
með 6,0 stoðsendingar að meðal-
tali í leik eða 0,88 færri en Sævar
sem er í 4. sætinu.
Fjölnismaðurinn Ægir Þór Stein-
arsson er í efsta sæti, aðeins einni
stoðsendingu frá því að brjóta
hundrað stoðsendinga múrinn.
Ægir Þór hefur gefið 99 stoðsend-
ingar í 11 leikjum eða nákvæm-
lega 9 að meðaltali í leik.
Ægir Þór hefur titil að verja
en hann varð efstur á þessum
lista eftir harða baráttu við Snæ-
fellinginn Sean Burton á síðasta
tímabili. Ægir Þór gaf 7,8 stoð-
sendingar að meðaltali í leik í
fyrra og hefur því hækkað með-
altal sitt um 1,2 stoðsendingar frá
því í fyrra.
KR-ingurinn Pavel Ermolinskij
hefur gælt við þrefalda tvennu í
allan vetur. Hann er í 2. sæti yfir
flestar stoðsendingar, aðeins fjór-
um stoðsendingum á eftir Ægi.
Það gera 8,64 stoðsendingar að
meðaltali í 11 leikjum. Pavel er
langefstur af umræddum fjórum
í fráköstum enda að taka 12,18
fráköst að meðaltali í leik.
Keflvíkingurinn Hörður Axel
Vilhjálmsson er í þriðja sætinu
með 81 stoðsendingu í 11 leikjum
eða 7,4 að meðaltali í leik. Hörður
er líka efstur í stigaskori af þess-
um fjórum íslensku bakvörðum en
hann hefur auk allra stoðsending-
anna skorað 19 stig að meðaltali
í leik. Hörður hækkar á listanum
Fjórir íslenskir í fararbroddi
Ægir Þór Steinarsson, Pavel Ermolinskij, Hörður Axel Vilhjálmsson og Sævar
Ingi Haraldsson hafa slegið við öllum bandarísku bakvörðunum þegar kemur
að því að spila uppi félaga sína í Iceland Express-deild karla í vetur.
SÆVAR INGI HARALDSSON
26 ára Haukamaður
55 stoðsendingar í 8 leikjum
HÖRÐUR AXEL VILHJÁLMSSON
22 ára Keflvíkingur
81 stoðsending í 11 leikjum
PAVEL ERMOLINSKIJ
23 ára KR-ingur
95 stoðsendingar í 11 leikjum
ÆGIR ÞÓR STEINARSSON
19 ára Fjölnismaður
99 stoðsendingar í 11 leikjum
Flestar stoðsendingar í leik
fjórða tímabilið í röð, hann var í
10. sæti 2007-08, í 9. sæti 2008-09
og svo í 6. sæti á síðasta tímabili
þegar hann gaf 5,0 stoðsendingar
að meðaltali í leik.
Haukamaðurinn Sævar Ingi
Haraldsson er síðan í 4. sætinu
með 6,88 stoðsendingar að með-
altali í leik. Sævar Ingi hefur
misst af þremur síðustu leikjum
Hauka en gaf 55 stoðsendingar í
fyrstu átta leikjum liðsins. Sævar
Ingi hefur passað boltann best af
öllum bakvörðunum í deildinni því
hann hefur aðeins tapað 12 boltum
á tímabilinu á 246 mínútum sem
þýðir að hann gefur 4,58 stoðsend-
ingar á hvern tapaðan bolta.
Fjölnir, KR, Keflavík og Haukar
munu halda áfram að treysta á þá
Ægi, Pavel, Hörð og Sævar þegar
deildin fer af stað á ný á nýju ári
og þá verður fróðlegt að sjá hvort
einhverjir bandarískir bakverð-
ir muni ógna þeim íslensku á list-
anum yfir flestar stoðsendingar í
Iceland Express-deildinni.
ooj@frettabladid.is
9,00
8,64
6,887,36
Ert þú á leiðinni til
Abu Dhabi?
Fótboltamót áhugamanna, Vodafone Cup,
verður haldið 7.-8. jan. í Fífunni. Sigurliðið
vinnur ferð til Abu Dhabi og VIP miða á
verðlaunahátíð Laureus samtakanna.
Skráning og nánari upplýsingar um
mótið eru á vodafone.is
HANDBOLTI Füchse Berlin, lið
Dags Sigurðssonar og THW Kiel,
lið Alfreðs Gíslasonar mætast í
átta liða úrslitum þýska bikarsins
en það var dregið í gærkvöldi.
Füchse Berlin sló HSV
Ham burg út úr 16 liða úrslitun-
um en hafði ekki heppnina með
sér því liðið mætir sjálfum þýsku
meisturunum í næstu umferð.
Leikirnir fara fram 2. mars
næstkomandi en fjögurra liða
úrslit þýska bikarsins fara síðan
fram í 7. og 8. maí. Undanúrslita-
leikirnir fara þá fram um sömu
helgi og úrslitaleikurinn.
Það var eitt annað Íslendingalið
í pottinum, Rhein-Neckar Löwen,
lið Guðmundar Guðmundssonar,
sem dróst á móti MT Melsungen.
- óój
Þýski bikarinn í handbolta:
Dagur dróst á
móti Alfreð
ERFIÐIR MÓTHERJAR Dagur Sigurðsson,
þjálfari Füchse. MYND/NORDICPHOTOS/BONGARTS
HANDBOLTI Arnór Atlason skoraði
átta mörk og var markahæstur í
36-21 sigri AG Kaupmannahöfn
á FIF í dönsku úrvalsdeildinni í
handbolta í gærkvöldi.
Þetta var þrettándi deildarsig-
ur AG-liðsins í röð en liðið er með
fimm stiga forskot á Aarhus á
toppi deildarinnar. Snorri Steinn
Guðjónsson skoraði þrjú mörk
fyrir AG-liðið en næst-
markahæsti leikmað-
ur liðsins var danski
landsliðsmaðurinn
Mikkel Hansen með
sjö mörk.
Þetta var besti
leikur Arnórs
með AG á tíma-
bilinu en hann
hafði fyrir leik-
inn skorað 2,2
mörk að meðal-
tali í leik. - óój
Þrettándi sigur AG í röð í gær:
Arnór með átta
HANDBOLTI Alexander Petersson
gat lítið beitt sér vegna veik-
inda þegar Füchse Berlin vann
27-26 sigur á Magdeburg í þýsku
úrvalsdeildinni í handbolta í gær.
Pólverjinn Bartlomiej Jaszka
skoraði sigurmarkið rétt fyrir
leikslok en Magdeburg var fimm
mörkum yfir í hálfleik.
Alexander Petersson var sett-
ur á skýrslu á síðustu stundu þar
sem óvíst var hvort hann gæti
spilað leikinn. Hann var ólíkur
sjálfum sér þegar hann kom inn
á, reyndi að hjálpa sínum mönn-
um en tókst ekki að komast á blað
og sat því mestan hluta leiksins á
bekknum.
Guðmundur Guðmundsson og
lærisveinar hans í Rhein-Neckar
Löwen urðu að sætta sig við 31-31
jafntefli á móti Lemgo. Þetta var
fyrsta stigið sem Rhein-Neckar
Löwen tapar á heimavelli í deild-
inni í vetur en liðið hafði unnið
sjö fyrstu heimaleiki sína.
Ólafur Stefánsson átti góðan
leik og skoraði 8 mörk fyrir
Rhein-Neckar Löwen þar af mörg
mikilvæg mörk á lokasprettinum.
Guðjón Valur Sigurðsson skoraði
eitt mark en Róbert Gunnarsson
komst ekki á blað.
Í gær var tilkynnt hvaða leik-
menn verða í úrvalsliði þýsku
deildarinnar sem mætir þýska
landsliðinu í Stjörnuleiknum í
Leipzig 5. febrúar næstkomandi.
Íslendingar eiga tvo fulltrúa í
þessum leik. Dagur Sigurðsson,
þjálfari Füchse Berlin, er þjálf-
ari liðsins ásamt Martin Schwalb
þjálfara HSV Hamburg. Dagur
og Schwalb völdu síðan Alexand-
er Petersson sem þriðja leik-
manninn í stöðu hægri skyttu.
Alexander er eini íslenski leik-
maðurinn sem komst í liðið. - óój
Þýski handboltinn í gær:
Dramatískur
sigur Füchse
SPILAÐI VEIKUR Alexander Petersson gat
lítið beitt sér. FRÉTTABLAÐIÐ/VILHELM
FÓTBOLTI Gylfi Þór Sigurðsson
skoraði beint úr aukaspyrnu
þegar Hoffenheim vann 2-0 sigur
á Gladbach í sextán liða úrslitum
þýsku bikarkeppninnar í gær.
Gylfi skoraði markið sitt á 35.
mínútu leiksins og kom Hoffen-
heim í 1-0. Þetta var sjöunda mark
hans á tímabilinu í 15 leikjum þar
af þriðja markið sem hann skorar
beint úr aukaspyrnu.
Senegalmaðurinn Demba Ba
skoraði seinna mark Hoffenheim á
63. mínútu eftir sendingu frá Bosn-
íumanninum Sejad Salihovic. Gylfi
fékk gult spjald fjórum mínútum
áður en Ba skoraði markið sitt.
Gylfi var í byrjunarliðinu í
þriðja leiknum í röð en hann kom
inn á sem varamaður í níu af
fyrstu ellefu deildarleikjum sínum
með Hoffenheim-liðinu. Gylfa var
síðan skipt út af mínútu fyrir leiks-
lok eftir fínan leik. - óój
Hoffenheim sló Gladbach út úr þýska bikarnum:
Þriðja aukaspyrnu-
mark Gylfa í vetur
7 MÖRK Í 15 LEIKJUM Gylfi Þór Sigurðsson fagnar í gær. MYND/NORDICPHOTOS/BONGARTS