Fréttablaðið - 29.12.2010, Page 45

Áramótaheit nú til dags snúa flest að holdafari og lifnaðarháttum en fyrr á öldum var algeng-
ara að þau snerust um að skila verkfærum sem höfðu verið fengin að láni hjá nágrönnum á
árinu. Hugarfarið að baki er þó hið sama en áramótaheit fjalla um að bæta sig
á einhvern hátt og ná persónulegum árangri sem hefur ekki náðst fyrr.
Fjöldinn allur af erlendum ferða-
mönnum kýs að verja áramótunum
hérlendis. Flugeldar og norðurljós
spila þar stórt hlutverk, sem og
fjölskyldutengsl og gamlir vinir.
Kathrin Troche er ein þeirra sem
hingað eru komin til að verða vitni
að stórskotaárásinni.
„Ég las það einhvers staðar að
Íslendingar skjóti upp 600 tonnum
af flugeldum yfir áramótin og ég
hlakka mjög til að sjá hvernig það
fer fram,“ segir Kathrin Troche,
sem hingað er komin frá Þýska-
landi. „Mér stóð reyndar til boða
að fara í sumarbústað á gamlárs-
kvöld en ég sagði nei takk. Ég vil
ómögulega missa af flugeldasýn-
ingunni í borginni. Ég hef heyrt
ýmsar sögur og langar að sjá hvort
þær eru sannar“
Kathrin er vön því að eyða ára-
mótunum erlendis. Meðal áfanga-
staða þar sem nýja árið hefur verið
talið inn eru Barcelona, New York,
Berlín og smáþorp í Pýreneafjöll-
unum. „Þar vorum við, hópur fólks,
sem kynntist í skiptinámi í Montr-
éal í Kanada fyrir mörgum árum.
Þar á meðal var einn Íslendingur
og við höfum alltaf haldið sam-
bandi síðan. Þetta verða því önnur
áramótin þar sem ég heyri íslensku
en síðast söng hann íslenska þjóð-
sönginn á slaginu tólf.“
Kathrin var svo að velta fyrir
sér hvert hún ætti að fara þessi
áramót, og var spánska ströndin
efst á lista. „Svo var ég eitthvað
að hanga á Facebook og byrjaði
að spjalla við þennan íslenska vin
minn. Hann stakk upp á því að ég
kæmi bara til Íslands. Í einhverju
stundarbrjálæði fann ég flug á
viðráðanlegu verði gegnum Hels-
inki og sló til,“ segir Kathrin. „Svo
held ég að það sé hlýrra hér nú en
á Spáni svo ég er þegar ánægð með
valið.“
Gamlárskvöldinu sjálfu eyðir
Kathrin með öðrum vegalausum
ferðalöngum. „Vinur minn redd-
aði mér gistingu hjá vini sínum
í miðbænum og deili ég herbergi
með Tuma naggrís í góðu yfirlæti.
Gestgjafi minn ætlar svo að halda
matarboð fyrir mig og nokkra aðra
ferðamenn og einhverja sem ekki
eiga fjölskyldu í borginni á gaml-
árskvöld,“ segir Kathrin. „Svo
þegar klukkan hefur slegið tólf
hefst eitthvert veisluflakk og ég
hlakka mjög til að skála í kampa-
víni undir himni sem lýstur er upp
af 600 tonnum af flugeldum.“
tryggvi@frettabladid.is
Sex hundruð tonn af flugeldum
Kathrin Troche stóð frammi fyrir því að velja á milli áramóta á Spáni eða á Íslandi. Á endanum varð Ísland fyrir valinu og sér Kathrin ekki
eftir því, enda hlýrra hér en þar. Hún dvelur nú í góðu yfirlæti í miðbæ Reykjavíkur ásamt herbergisfélaga sínum, naggrísnum Tuma.
Kathrin velur oft að ferðast yfir áramót
og hefur meðal annars tekið á móti nýju
ári í Pýreneafjöllunum á draugalegu
ættaróðali þar sem einu íbúarnir voru
gömul kona og þunglyndur hundur.
fréttablaðið/stefán
Laugavegi 178 - Sími: 551 3366
Opið mán.-fös. 10-18. Lau. 10-14.
Góð þjónusta - fagleg ráðgjöf.
www.misty.is
GLÆSILEGT UNDIR
ÁRAMÓTADRESSIÐ