Sameiningin - 01.08.1950, Síða 15

Sameiningin
93
viðstödd, og segir nú hverjum sem um veginn fer um guðs-
þjónustur safnaðarins, sunnudagaskóla, og annað kristið
starf. Fleiri kirkjur gætu auglýst sitt starf betur með eign
slíks hlutar.
Melankton söfnuður hefir á preststíð Amundsons fegrað
og endurbætt kór kirkju sinnar svo að bezt má verða.
Sunnudagaskólinn hefir elfst alveg sérstaklega, og eining
og samvinna eru glögg sem fyrri.
Söfnuðir vorir á Kyrrahafsströndinni hafa unnið mikið
og sértsakt starf; mun skýrsla Trúboðsnefndar nefna slíkt
r.ánar. En Vancouver söfnuður hefir keypt lóð fyrir kirkju
handa sér. Blaine hefir kirkjukór sinn skrýddan fögrum
kápum, sem auka helgileik athafnarinnar. Nýtt kvenfélag
hefir risið upp, að styrkja starfið. Seattle hefir nú prestshús,
og starfið heldur vel í horfinu. Sá söfnuður hefir nú næstum
orðið sjálfstæður efnalega fyrir góðan þroska sinn á sjö
árum. Er það vel að verið og presti og leiðtögum til sóma.
Elliheimilin
Skýrslur munu lagðar fram frá báðum elliheimilum sem
við kirkjufélagið eru tengd, Betel og „Borg — The Pioneer
Memorial Home“. Betel heldur áfram að vinna sitt starf
hógvært en markvíst. Þann griðastað hinna öldnu megum
vér aldrei láta úr minni líða. Byggingin er orðin gömul, og
þyrfti á ýmsan hátt að endurbætast og aukast. Hættan
er að vér höldum að heimilið sé sjálfu sér nógt, og þurfi
ekki lengur á gjöfum vorum að halda.
Borg er nýreist, og er oss öllum í fersku minni. Til þess
eru sífelt að streyma gjafir víðsvegar að úr Bandaríkjunum.
Þó er ennþá stórskuld í byggingarsjóði. En heimilið er
byrjað að vinna sitt verk, og blessar börn sín er þangað
sækja skjól.
En Betel — hvað er um það? Væri ekki mögulegt að
kirkjufélagið setti af stað hreyfingu til þess að safna því
auði til að gera það ennþá meira „sæluhús11? Fegurra hið
ytra og innra. Þægilegra gestum, starfsfólki og heima-
mönnum.
Margir íslendingar hafa auðgast á liðnum 75 árum.
Hver er sá, sem vildi reisa sér minnisvarða með stórgjöfum
til Betel? Og við öll getum lagt í sjóðinn. „Það eitt sem þú