Sameiningin - 01.04.1960, Blaðsíða 5

Sameiningin
3
leiddi að hásæti skapara síns. Guð einn veit hversu mörgum
syrgjendum hann veitti styrk og vonarljós. Guð einn veit
hversu mörg ungmenni hann leiddi á vegu dygða og mann-
dóms. En hitt vitum vér: Hann var ávallt bjartsýnn og
glaður, og honum hlotnaðist sú hamingja að vera með réttu
talinn einhver allra vinsælasti prestur, sem nokkur sinni
hefir starfað með fólki voru hér vestanhafs. Hann var ekki
aðeins prestur á sunnudögum, — en hann var góður prestur
og flutti ávallt vandaðar og hjartahlýjar evangeliskar ræð-
ur, — en fólk varð þess fljótt áskynja, að hann hafði aðeins
einn tilgang og takmark, að færa samferðamenn sína inn í
návist Jesú Krists. Hann átti innilega samúð með mönnum.
Hann reyndi aldrei að þröngva vilja sínum upp á aðra, eins
og að vilji hans í hverju máli væri ævinlega nákvæmlega
það sama eins og Guðs vilji. Hann vildi laða og leiða lýð,
en ei með valdi neyða. Hann var ósérhlífinn, ávallt vin-
gjarnlegur, en umfram allt einlægur í orðum og athöfnum.
Þess vegna var hann dáður og elskaður af sóknarbörnum
sínum og öðrum, sem hann átti samleið með.
Vér þökkum Guð fyrir margþæíía þjónusiu, sem hann
innii af hendi. Hann var prestur í 42 ár og varði öllum þeim
árum í þjónustu kirkjufélags vors. Nokkur fyrstu árin var
hann heimatrúboðsprestur á Kyrrahafsströndinni, og átti
þá heima í Blaine, Washington. Mörgum árum síðar þjónaði
óg Blaine prestakalli, og mátti þá enn glögglega sjá fót-
spor þessa postullega manns á þeim slóðum. Fólkið minnt-
ist hans með virðingu og innilegri þökk fyrir fórnarlund
hans og þjónustu. En söfnuðir vorir í námunda við Winni-
pegvatn, hér í Manitoba, nutu þjónustu hans lengst. Hann
var prestur að Gimli 1921-1929, í Árborg-Riverton 1929-
1940 og síðast hér í Selkirk frá 1940, unz hann lét af embætti
1957. Auk starfsins í söfnuði sínum tók hann mjög heilla-
drjúgan þátt í hinu víðtækara starfi kirkjufélags vors. Þann-
ig var hann um fjölda ára meðlimur stjórnarnefndar fé-
lagsins. Elliheimilið á Gimli var honum einkar hjartfólgið.
Var hann meðlimur stjórnarnefndar heimilisins í 18 ár og
íormaður nefndarinnar í tólf ár; heimilisprestur mun hann
hafa verið um 12 ára skeið. Hann var einkar vel ritfær, og