Sameiningin - 01.04.1960, Blaðsíða 32

30
Sameiningin
Hið unga ísraelsríki á í vök að verjast. Það er um-
kringt af svörnum óvinum að norðan, austan og sunnan, en
að vestan er hafið. Arabaríkin virðast nú sameinuð í þeim
ákveðna tilgangi að steypa því í sjóinn. Nazzer, hinn egypzki,
er sameiningartákn þeirra og hinn mikli messías. Ekki er
talin bráð hætta á því að Arabar gangi á mála hjá kommún-
istum, því að heimspeki þeirra stríðir á móti trúarbrögðum
Múhameðstrúarmanna.
Augljóst er, að Gyðingar hafa búið vel um sig í þeim
landshlutum Palestínu, sem þeir hafa nú til umráða. Fram-
farir þeirra eru svo örar, að furðu sætir. Þeir hafa flutt
með sér inn í landið mikla tæknilega þekkingu á öllum
sviðum, mikið fjármagn og þann viljakraft og dugnað, sem
jafnan einkennir Gyðinga.
Síðasta daginn, sem við dvöldum í Jerúsalem, Jordan
megin, var okkur boðið til mannfagnaðar, þar sem nokkrir
leiðtogar Arabaríkisins voru saman komnir. Borgarstjóri
Jerúsalem flutti þar ræðu. Efni hennar var á þessa leið:
í hvaða tilgangi leitast Arabar við að útiloka og ein-
angra ísrael? Hverju getum við komið til leiðar með þeirri
afstöðu? Hér er tvennu til að svara. Annars vegar er hér
um tilfinningamál að ræða, sem á lítið skylt við röksemdir.
Hins vegar er hér um að ræða skipulagða stefnu. Afstaða
Araba til Gyðinga er byggð á óslökkvandi hatri og fyrir-
litningu. Við reynum með ýmsu móti að láta í ljós hefndar-
hug okkar vegna þeirrar meðferðar, sem við höfum orðið
fyrir. Við erum sannfærðir um það, að með tímanum muni
þetta Gyðingaríki leysast upp og hverfa. Við vitum ósköp
vel, að þegar til lengdar lætur getur ísrael ekki þrifizt nema
það hafi verzlunarsambönd við Arabaríkin. Við munum
aldrei líða eða leyfa nein viðskipti við þessa innrásarmenn,
önnur en vopnaviðskipti eða brottflutning þeirra með al-
þjóðasamningi. Án verzlunarviðskipta verður fsrael brátt
ómagi á amerískum og annarra þjóða Zíonistum, sem nú
greiða stórar fúlgur árlega til þess að halda þessu ríki við.
Á milli 50 og 70 milljónir dollara kom nú árlega frá Banda-
ríkjunum einum í þessu skyni. Þýzkaland greiddi 70 millj-