Fréttablaðið - 26.03.2011, Síða 58

6 fjölskyldan
Ég hef ekkert til að skammast mín fyrir og er bara virkilega ánægður með útkom-una,“ segir Jósep hláturmildur þar sem hann situr við píanó með ársgamlan aðdá-
anda sinn og afabarn við fótskörina, en Jósep
gaf nýlega út hljómdiskinn Mánagull með frum-
saminni tónlist fyrir ungbörn á aldrinum 0 til
6 mánaða.
„Þegar ég eignaðist barnabarn í fyrra tók ég
eftir því að litli maðurinn lagði við hlustir þegar
ég spilaði á píanóið ýmis hljóð. Því ákvað ég að
búa til fáein barnalög en var fljótlega kominn
með þau svo mörg að hugmynd kviknaði að
setja þau á disk sem nýttist þá fleirum,“ segir
Jósep sem nefnir diskinn Mánagull eftir barna-
barninu Tristan Mána. Máni litli er enn
sólginn í tónlistina þótt hann sé
orðinn eldri en upphaflegi hlust-
endahópurinn sem Jósep hafði
í huga og stillir sér tíðum upp
við hljómflutningsgræjurnar
í von um meira spilerí.
„Nú heyri ég um fullorðið
fólk sem notar tónlistina til
slökunar og nuddara sem sefar
með henni viðskiptavini sína,
svo þetta er orðið margnota tól
enda hefur tónlist engin landa-
mæri,“ segir Jósep um laga-
smíðarnar sem samanstanda
af angurværum, stuttum stefjum sem útsett eru
á einfaldan hátt.
„Börn sækjast eftir endurtekningum, eins og
þegar þau horfa aftur og aftur á sömu myndirn-
ar, og því nota ég endurtekningar í stefjum lag-
anna, sem nánast verður eins og mantra. Flest
laganna eru svæfandi og reyndar eitt svo magn-
að að Tristan Máni hverfur enn á vit draumanna
á fyrstu tónum þess,“ segir Jósep sem prófaði
ungbarnatónsmíðarnar á fjölmörgum ungbörn-
um áður en hann valdi úr þau lög sem fóru á
Mánagull, en þess má geta að Hilmar Örn Hilm-
arsson, tónlistarmaður og allsherjargoði, hljóð-
blandaði diskinn.
„Tristan Máni er svo geðgott barn að ég fór
á stúfana til að spila fyrir fleiri börn og
fékk á tilfinninguna að öll börn væru
róleg í dag. Á endanum fann ég lít-
inn ólátabelg sem stoppaði til að
hlusta og vildi bara kúra eftir
það,“ segir Jósep og hlær við,
en honum er gleðiefni að tón-
list hans hjálpi til við að koma
börnum annarra í ró.
„Lögin eru leikin á bjöllur,
fiðlu, píanó, strengi og flautu,
en þótt hljóðfærin séu mörg er
tónlistin einföld, því ungbörn
una sér síður í flóknum tón-
smíðum. Þess vegna er spila-
dósin jafn langlíf og raun ber vitni, því heyrn
nýfæddra barna er hrein og opin, og há tíðni
bjölluhljóms vekur hjá þeim mikla athygli,“
segir Jósep.
Mánagull fæst í 12 Tónum, Smekkleysu,
Kirkjuhúsinu, á gogoyoko.com og von bráðar
í völdum barnavöruverslunum. „Margir færa
nýfæddum börnum diskinn í sængurgjöf, en
það er jafn gott fyrir nýorðna foreldra að geta
náð slökun. Ég mæli þó ekki með tónlistinni
við vinnuna ef ekki stendur til að sofna,“ segir
Jósep og hlær dátt. - þlg
Fyrir hrein og tær
ungbarnaeyru
Barnagæla Jósep Gíslason er sannkallað barna-
gull enda listamaður á sviði tónsmíða fyrir börn á
öllum aldri. FRÉTTABLAÐIÐ/VILHELM
Ætla mér að komast
langt „Ég er búinn að læra á
klassískan gítar í fjögur ár en
var áður í forskóla í eitt ár og
þá með blokkflautu,“ segir
Garðar Ingvarsson, 12 ára
nemandi við Tónskóla
Sigursveins. Hann kveðst
mæta í tvo einkatíma á viku
og á eina hljómsveitaræfingu
innan skólans. „Þetta er mjög
skemmtilegt nám,“ segir hann
og stefnir á grunnpróf í
desember í ár. En hyggst hann
leggja tónlistarflutning fyrir
sig eða hafa hann sem
áhugamál? „Ég læri gítarleik
meira mér til skemmtunar en
ætla mér samt að komast
langt,“ svarar hann einarður.
- gun
Draumkennd og undurblíð tónlist fyrir hvítvoðunga og allt upp í fullorðna spratt
fram úr fingrum Jóseps Gíslasonar tónskálds og píanókennara þegar nýfætt
barnabarn hans hlustaði athugult á bjölluhljóma og píanóundirleik afa síns.
Öll börn og ungmenni eiga sér drauma um framtíðina. Undan sumum þeirra er fótunum kippt fyrirvaralaust vegna slysa eða sjúkdóma í
æsku. OKKAR Framtíð er ný trygging fyrir börn og ungmenni sem skipt getur sköpum fyrir fjárhagslegt sjálfstæði þeirra á fullorðinsárum.
Það er einfalt að ganga frá OKKAR framtíðartryggingu á okkar.is
z
e
b
ra

„efin
”
Framtíð
o
g
fjá
rhag fullor
ði
n
sá
ra
n
n
afyrir
í lífin
u