Sameiningin - 01.01.1920, Blaðsíða 15

15
um við æ betur að þekkja Guð, vilja hans og vegi, og ráðstöfun
oss til 'handa.
Höldum áfram! Látum ekki villast af annarlegum kenn-
ingum í andlegum efnum; og lærum þá sem beat að greina það,
sem er sannleikur samkvæmt Guðs opinberaða orði, frá því, sem
gefið er í skyn að sé sannleikur samkvæmt manna-orði og
hyggjuviti manna. Margur hleypur eftir >ví, sem nýtt er, eins
og kunnugt er, ekki sízt, ef gefið er í skyn, að það sé vísinda-
legt, og fagnar því sem nýjum gleðiboðskap, en hafnar hinu
gamla, undir því yfirskini, að það sé úrelt og eigi ekki við vora
tíma. pað er því sannarlega ekki síður þörf á því nú en áður,
að geta sem bezt aðgreint satt frá ósönnu og rétt frá röngu.
Höldum áfram! En varðveitum það, sem við höfum eignast,
og höldum fast við það, sem við játum og samkvæmt er orði
Guðs. peir menn eru til, sem í trúmálum vilja ekki slá neinu
föstu eða vera vissir um neitt, en efast um alt; þykjast einlægt
vera að læra, en komast aldrei til þekkingar á sannleikanum.
Eru því einlægt að breyta trúarskoðunum og trúarjátning, og
geta því aldrei komist áfram, en snúast um í þoku, áttaviltir
sjálfir og villa aðra. Að Vísu silá þeir því þó föstu, að þeir menn
standi í stað og vilji ekki áfram, sem ákveðna trúarjátning hafa,
einkanlega ef þeir byggja á Guðs orði og ját, að þeir hafi eign-
ast sannleikann, sem þeir vilji ekki láta taka frá isér. pað virð-
ist vera svo, sem þessir trúarlega lauslátu menn líti svo á, að ef
halda eigi áfram, þá sé leiðin til þess hin bezta sú, að vera ekki
visis um neitt, en láta alt vera skoðunarmál, er deila megi um.
par ‘Sem þó hið sanna er, að ógerningur er að keppa áfram,
nema gengið sé frá einhverju vísu, föstu, ákveðnu. Enginn
kemst neitt áfram, hvað hratt sem hann hleypur, ef það, sem
hann gengur á, er einlægt að snúast. Erfiðm- er líka gangur-
inn áfram, ef gengið er í ægisandi. Og ekki er gott að byggja
hús, ef enginn er grunnurinn að byggja ofan á. Höldum þess
vegna því föstu, sem við höfum og eigum og getum verið vissir
um, og höldum svo áfram.
Jesúm Krist, Guðs einkason, frelsara vorn, höfum við og
eigum, og orð Guðs, sem um hann vitnar. Höldum honum föst-
um og því líka, og höldum svo áfram. Lærum að þekkja hann
og það æ betur. Lærum að eignast hann og sameinast honum
og fylgja æ betur. Og lærum að gefa honurn sjálfa oss æ
betur; og láta orð Guðs lýsa oss til hans og leiða æ betur.
Höldum áfram! Látúm oss fara fram. Látum lífið vort
verða göfugra, breytnina betri og kærleikann meiri og augljós-
ari í allri framkomu vorri. proskumst upp á við, nær Guði.
fklæðumst æ meir ljósinu, en afklæðumst öllu myrkri.
Hölduim áfram! Látum o&s fara fram í því, að vinna að
Drottins málum. Látum eflast æ betur ríki hans í oss og í
bringum -oss. Leggjum stein á stein ofan í musterisbygging-
una miklu, sem hann hefir i smíðum í heiminum og hefir kallað