Fréttablaðið - 14.04.2011, Blaðsíða 2

14. apríl 2011 FIMMTUDAGUR2
STJÓRNSÝSLA „Þetta eru ljót orð,“
segir lögfræðingur átján ára pilts
um þá samlíkingu Landspítalans
að blóð úr körlum sem stunda enda-
þarmsmök með öðrum körlum sé
„gölluð vara“.
Úlfar Logason kærði í febrúar til
velferðarráðherra ákvörðun Land-
spítalans (LSH) að neita honum um
að gefa blóð. „Var það markmið
umbjóðanda míns að sinna sam-
félagslegri skyldu sinni og láta
gott af sér leiða,“ segir í kæru Páls
Rúnars M. Kristjánssonar, lög-
manns Úlfars. Hann vísar meðal
annars til Mannréttindasáttmála
Evrópu um bann við mismunun.
Bann við blóðgjöf samkynhneigðra
sé ólögmætt. Þess sé krafist að vel-
ferðarráðherra afnemi bannið.
Landspítalinn segir það vissu-
lega geta verið sárt að fá höfnun
þegar maður vilji láta gott af sér
leiða. Spítalinn þurfi hins vegar að
horfa til annarra og ríkari hags-
muna. Spítalinn hafnar því að
bannið gildi um samkynhneigða.
„Reglan útilokar ekki samkyn-
hneigða heldur aðeins þá karl-
menn, hvort sem þeir telja sig
samkynhneigða, tvíkynhneigða
eða gagnkynhneigða, sem stundað
hafa samfarir við aðra karlmenn
óháð kynhneigð,“ útskýrir Land-
spítalinn fyrir velferðarráðuneyt-
inu. „Við endaþarmsmök geta litl-
ir skurðir eða skrámur myndast
inni í eða kring um endaþarm sem
auðveldar smit sjúkdóma sem ber-
ast auðveldlega með blóði,“ bætir
spítal inn við.
„Með því að meina karlmönnum
sem hafa haft samfarir við aðra
karlmenn að gefa blóð er verið að
koma í veg fyrir helsta áhættu-
þáttinn á alnæmisveiru smiti í vest-
rænum ríkjum,“ segir Landspítal-
inn enn fremur og undir strikar að
þótt blóð sé skimað fyrir sjúkdóm-
um sé sú aðferð ekki 100 prósent
örugg. Svokallað „gluggatímabil“
þar sem mótefni séu ógreinanleg
geti verið margir mánuðir.
Þá bendir Landspítalinn á tíu
ára gamlan dóm þar sem vísað er
til vöruflokkunar innan Evrópu-
sambandsins. Blóðþegar eigi rétt á
að fá eins „örugga vöru“ og mögu-
legt sé „en óörugg vara, líkt og
blóðið í þessum úrskurði yrði að
teljast gölluð“.
Lögmaður Úlfars segir margar
rangfærslur í skýringum Land-
spítalans, bæði lagalegar og
læknis fræðilegar. Aðalatriðið sé
hvort bann við blóðgjöf samkyn-
hneigðra karlmanna feli í sér mis-
munun. „Lágpunktur greinar-
gerðar LSH er líklega sá að leggja
blóðgjafir samkynhneigðra að
jöfnu við gallaða vöru. Með þess-
ari samlíkingu er samkynhneigð-
um sýnd fádæma lítilsvirðing. Í
henni kristallast auk þess þeir for-
dómar og sú mann fyrirlitning sem
umrædd regla byggir á.“
gar@frettabladid.is
Blóðið „gölluð vara“
eftir endaþarmsmök
Samkynhneigður piltur kærir Landspítalann fyrir að neita að þiggja blóð hans
á þeim forsendum að hann stundi endaþarmsmök með öðrum körlum. Blóð frá
þessum hópi er „gölluð vara“ og skimun blóðs er ekki 100 prósent að sögn LSH.
ÚLFAR LOGASON Átján ára nemandi í Fjölbrautaskólanum úr Garðabæ segir suma
hafa hætt við að gefa Blóðbankanum blóð vegna að honum sé það bannað. „Það er
alls ekki það sem ég vil. Þvert á móti hvet ég alla til að gefa blóð og gera það í nafni
samkynhneigðra þar til við sjálfir fáum réttinn til þess,“ segir Úlfar Logason.
FRÉTTABLAÐIÐ/HARALDUR
Með þessari sam-
líkingu er samkyn-
hneigðum sýnd fádæma
lítilsvirðing.
PÁLL RÚNAR M. KRISTJÁNSSON
LÖGMAÐUR
Reynir, eru meðlimir þjóðkirkj-
unnar með trúfélagsfælni?
„Nei, það eru bara fleiri og fleiri sem
eru að sjá ljósið.“
Þrjú þúsund manns gengu úr Þjóð-
kirkjunni í fyrra. Reynir Harðarson er
formaður Vantrúar, félags trúlausra.
FÓLK „Auðvitað er einstakur heiður
að fá að vera í útvöldum hópi á jafn
sögulegri sýningu,“ segir Vera
Þórðardóttir
hönnuður, sem
tekur þátt í sýn-
ingu á Englandi
helgaðri hinum
litla svarta kjól
Coco Chanel.
Nú eru 85 ár
síðan kjólinn
leit dagsins
ljós en hann
er talinn vera
eitt helsta tískutákn sögunnar.
Sýningin spannar mikilvægustu
svörtu kjóla síðustu áratuga og
nokkra nýja að auki. Þar á meðal
kjól úr smiðju Veru sem er í
góðum félagsskap, með Vivienne
Westwood, Gucci, Lanvin og
fleiri stórum nöfnum úr tísku-
heiminum. - rve / sjá Allt í miðju blaðsins
Vera Þórðardóttir á uppleið:
Hannar til
heiðurs Chanel
VERA
ÞÓRÐARDÓTTIR
ICESAVE Leiðarahöfundur Financi-
al Times sagði í gær að afstaða
Íslendinga í þjóðaratkvæða-
greiðslunni um Icesave afsannaði
að ekki væri um annað að velja en
að greiða skuldir bankastofnana.
Höfundur segir að það yrðu
sorgleg mistök ef ákveðið yrði að
refsa landi fyrir það eitt að láta
reyna á rétt sinn fyrir dómstólum.
Ísland væri með gott dómsmál
í höndum, það væri hræsni eða
ranghugmynd að halda að almenn-
ingur í Bretlandi og Hollandi
sætti sig við slíka kosti. - þj
Leiðari Financial Times:
Mistök að refsa
Íslendingum
UMHVERFISMÁL Bústofn bænda í Engidal í Skutuls-
firði var fluttur á brott til förgunar í gær, en um
var að ræða tæplega 300 skepnur sem hafa komist í
snertingu við díoxínmengun vegna sorpbrennslunnar
Funa.
Steingrímur Jónsson, bóndi í Efri-Engidal, horfði
á eftir öllum sínum bústofni, 80 kindum og 19 naut-
gripum. 200 kindum var fargað frá öðrum bændum í
dalnum. Steingrímur segir í samtali við Fréttablaðið
að búskapi sé nú lokið á bænum og óvíst með fram-
haldið hjá sér.
„Það er óráðið. Nú geng ég bara frá og hugsa minn
gang.“
Ísafjarðarbær mun bera allan kostnað af fellingu
og förgun dýranna, að því er fram kemur í tilkynn-
ingu frá bænum. Þar segir einnig að dalurinn verði
hvíldur „þar til að fyrir liggur að hann sé laus við
mengun“. Ákvörðun um frekari aðgerðir mun bíða til
sumars þegar mengunarsýni úr jarðvegi munu liggja
fyrir. - þj
300 skepnum fargað vegna mengunar í Engidal við Skutulsfjörð:
Endalok búskapar í Efri-Engidal
BÚSTOFNINN Á BAK OG BURT Steingrímur Jónsson í tómu fjósi
eftir að búpeningurinn var fluttur til förgunar í gær.
MYND/HALLDÓR SVEINBJÖRNSSON
SLYS Tjón varð á mörgum heimil-
um í Árbænum í Reykjavík þegar
heitt vatn tók að leka úr lögnum
þar á þriðjudagskvöld.
Vatnslekinn varð vegna bilun-
ar og fór heita vatnið af hluta Ár-
bæjar um langa hríð. Högg kom
á raforkukerfið og sló út dælum í
hitaveitunni, samkvæmt upplýs-
ingum frá Orkuveitu Reykjavíkur.
Vatnið komst á um hádegið í
gær. Ekki er komin heildarmynd
á hversu mikið tjón varð af bilun-
inni en ljóst er að tugir íbúða
skemmdust. Ekki er vitað til þess
að nokkur hafi slasast. Ekki er úti-
lokað að frekara tjón eigi eftir að
koma í ljós. - þeb
Tjón vegna vatnsleka í Árbæ:
Tugir íbúða
skemmdust
ÞJÓÐKIRKJAN Valið um embætti
vígslubiskups í Skálholti stendur
nú á á milli séra
Sigrúnar Óskars-
dóttur, prests í
Árbæjarkirkju,
og séra Jóns
Dalbús Hró-
bjartssonar,
sóknarprests í
Hallgrímskirkju.
Sigrún og Jón
höfnuðu í tveimur
efstu sætunum
í fyrstu umferð
kosninganna, sem
lauk 9. apríl. Á
kjörskrá voru 151
og kjörsókn var
98,6 prósent.
Fimm gáfu
kost á sér. Sigrún
hlaut 40 atkvæði,
Jón 35, Agnes M.
Sigurðardóttir
34, Kristján Valur Ingólfsson 27 og
Karl V. Matthíasson 12 atkvæði.
Þar sem enginn fékk hreinan
meirihluta þarf að kjósa að nýju á
milli tveggja efstu. - sh
Staða vígslubiskups í Skálholti:
Valið milli Jóns
og Sigrúnar
SIGRÚN
ÓSKARSDÓTTIR
JÓN DALBÚ
HRÓBJARTSSON
MENNTAMÁL Meirihlutinn í menntaráði og íþrótta-
og tómstundaráði Reykjavíkurborgar leggur til
nokkrar smávægilegar breytingar á tillögum Besta
flokksins og Samfylkingarinnar um fyrirkomu-
lag skóla- og frístundamála í borginni í umsögnum
sínum um málið.
Í yfirlýsingu meirihlutans eru breytingartillög-
urnar sagðar taka mið af umsögnum foreldra og
fagaðila, sem langflestar voru mjög neikvæðar í
garð fyrirhugaðra breytinga.
Meirihlutinn leggur til að nokkrum sameiningum
skóla og leikskóla verði frestað til áramóta og sums
staðar enn lengur. Horfið verði frá stöku samein-
ingum sem ekki þykja forsendur fyrir við nánari
athugun og enn annars staðar verði haft nánara
samráð en verið hefur við hagsmunaaðila áður en
gengið verði frá ákvörðunum. Blásið verður til
vinnufunda í öllum hverfum í vor með foreldrum og
starfsfólki um frekari sparnað. Ekki sé hins vegar
hægt að koma til móts við allar óskir vegna knappr-
ar stöðu borgarsjóðs.
Meirihlutinn segir áætlað að breytingarnar skili
eins milljarðs króna sparnaði á þremur og hálfu ári,
þar af 300 milljónum árið 2012. Öllum leikskóla-
starfsmönnum sem missi vinnuna verði boðið starf.
Fulltrúar Sjálfstæðisflokksins í menntaráði lögðu
fram bókun á fundi ráðsins í gær þar sem þeir hörm-
uðu að meirihlutinn ætlaði „að berja höfðinu við
steininn“ og fara í breytingarnar þrátt fyrir hávær
mótmæli. Ávinningurinn af þeim væri lítill og hætta
á að þær sköpuðu frekari óróa og ótta. - sh
Meirihlutinn í borginni leggur til nokkrar breytingar á áætlun sinni í skólamálum:
Ekki hægt að mæta öllum óskum
BÖRN AÐ LEIK Sjálfstæðismenn í menntaráði eru mjög
óánægðir með fyrirhugaðar breytingar. FRÉTTABLAÐIÐ/GVA
SJÁVARÚTVEGUR Niðurstöður úr
vorralli Hafrannsóknastofnunar
sýna að staða þorskstofnsins er
sterk. Stofnvísitala þorsks hækk-
aði fjórða árið í röð, var nú svip-
uð og árin 1998 og 2004.
Í tilkynningu frá Hafrann-
sóknastofnun segir að hækkun
vísitölunnar undanfarin ár megi
einkum rekja til þess að æ meira
hafi fengist af stórum þorski.
Bent er á að þetta séu bráða-
birgðaniðurstöður.
Friðrik J. Arngrímsson, fram-
kvæmdastjóri LÍÚ, segir þetta
afar jákvæðar fréttir í grein á
heimasíðu sambandsins. Miðað
við þessar bráðabirgðaniðurstöð-
ur og óbreytta aflareglu megi
búast við 180 til 190 þúsunda
tonna kvóta fyrir næsta fiskveiði-
ár. Ef það verður reyndin yrði
það mesti kvóti síðan 2006. - th
LÍÚ fagnar nýjum mælingum:
Staða þorsk-
stofnsins sterk
SPURNING DAGSINS
Fallegar
gjafaumbúðir
Hentar öllum
Gildir hvar sem er
Ármúla 13a | Borgartúni 26 | 540 3200 | www.mp.is
Gjafakortið sem
gildir alls staðar
Þú velur upphæðina en viðtakandinn velur gjöfina.